9.99C Vancouver 9.99C VancouverOct 14, 2026 6:40 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਕੰਜ਼ਰਵੇਟਿਵ ਦੇ ਲੀਡਰ ਲੋਰਨ ਡੋਰਕਸਨ ਨੇ ਐਲਾਨ ਕੀਤਾ ਹੈ ਕਿ ਜੇ ਉਨ੍ਹਾਂ ਦੀ ਪਾਰਟੀ ਸੱਤਾ ਵਿਚ ਆਉਂਦੀ ਹੈ ਤਾਂ ਉਹ ਭਵਿੱਖ ਵਿਚ ਸੂਬਾਈ ਅਤੇ ਮਿਊਂਸੀਪਲ ਚੋਣਾਂ ਵਿਚਕਾਰ ਕਾਨੂੰਨੀ ਤੌਰ 'ਤੇ ਘੱਟੋ-ਘੱਟ 60 ਦਿਨਾਂ ਦਾ ਫਰਕ ਲਾਜ਼ਮੀ ਕਰਨਗੇ। ਡੋਰਕਸਨ ਵਲੋਂ ਇਸ ਸਬੰਧ ਵਿਚ Respect for Local Democracy Act ਪੇਸ਼ ਕਰਨ ਦਾ ਵਾਅਦਾ ਕੀਤਾ ਗਿਆ ਹੈ।
ਉਹਨਾਂ ਕਿਹਾ ਕਿ ਇਹ ਬੀ.ਸੀ. ਕੰਜ਼ਰਵੇਟਿਵ ਵਲੋਂ ਪਹਿਲ ਦੇ ਆਧਾਰ 'ਤੇ ਕੀਤੇ ਜਾਣ ਵਾਲੇ ਕੰਮਾਂ ਵਿਚ ਇੱਕ ਹੋਵੇਗਾ। ਡੋਰਕਸਨ ਨੇ ਦੋਸ਼ ਲਾਇਆ ਕਿ ਮੌਜੂਦਾ ਸਮੇਂ ਸੂਬਾਈ ਮੁਹਿੰਮ ਨੇ ਲੋਕਲ ਚੋਣ ਮੁਹਿੰਮ ਨੂੰ ਦਬਾ ਦਿੱਤਾ ਹੈ, ਜਿਸ ਕਾਰਨ ਸ਼ਹਿਰਾਂ ਵਿਚ ਸਿਹਤ ਸੰਭਾਲ, ਜਨਤਕ ਸੁਰੱਖਿਆ ਅਤੇ ਕੋਸਟ ਔਫ ਲਿਵਿੰਗ ਵਰਗੇ ਲੋਕਲ ਮੁੱਦੇ ਖੁੱਲ੍ਹ ਕੇ ਨਹੀਂ ਉੱਠ ਸਕੇ ਹਨ।
ਉਹਨਾਂ ਡੇਵਿਡ ਈਬੀ 'ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਬੀ. ਸੀ. ਐਨ.ਡੀ.ਪੀ. ਦੇ ਲੀਡਰ ਕੋਲ ਬਹੁਮਤ ਵੀ ਸੀ ਅਤੇ ਚੋਣਾਂ ਵਿਚ ਦੋ ਸਾਲ ਬਾਕੀ ਵੀ ਸਨ ਪਰ ਉਹਨਾਂ ਸੂਬੇ ਅਤੇ ਲੋਕਾਂ ਦੀ ਬਜਾਏ ਆਪਣੇ ਸਿਆਸੀ ਹਿੱਤਾ ਨੂੰ ਪਹਿਲ ਦਿੱਤੀ। ਉਹਨਾਂ ਕਿਹਾ ਕਿ ਡੈਮੋਕ੍ਰੇਸੀ ਇੱਕ ਗਿਫਟ ਹੈ ਪਰ ਇੱਕੋ ਸਮੇਂ ਚੋਣਾਂ ਕਰਵਾਉਣਾ ਮੌਕਾਪ੍ਰਸਤੀ ਹੈ।
