ਬੀ.ਸੀ. ਵਿਚ ਘਰਾਂ ਦੀ ਵਿਕਰੀ ਅਤੇ ਕੀਮਤਾਂ ਵਿਚ ਕੀਤਾ ਗਿਆ ਵਾਧਾ ਦਰਜ

ਬੀ.ਸੀ. ਵਿਚ ਘਰਾਂ ਦੀ ਵਿਕਰੀ ਅਤੇ ਕੀਮਤਾਂ ਵਿਚ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ। ਬ੍ਰਿਟਿਸ਼ ਕੋਲੰਬੀਆ ਰੀਅਲ ਅਸਟੇਟ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਉਸ ਨੇ ਅਕਤੂਬਰ ਦੌਰਾਨ 7,119 ਰਿਹਾਇਸ਼ੀ ਯੂਨਿਟ ਦੀ ਵਿਕਰੀ ਦਰਜ ਕੀਤੀ, ਜੋ ਕਿ ਪਿਛਲੇ ਸਾਲ ਦੇ ਇਸ ਮਹੀਨੇ ਦੀ ਤੁਲਨਾ ਵਿਚ 33.5 ਫੀਸਦੀ ਦਾ ਵਾਧਾ ਹੈ।

ਬੀ.ਸੀ.ਆਰ.ਈ.ਏ. ਦੇ ਮੁੱਖ ਅਰਥ ਸ਼ਾਸਤਰੀ ਬ੍ਰੈਂਡਨ ਓਗਮੰਡਸਨ ਨੇ ਕਿਹਾ ਕਿ ਹਾਲਾਂਕਿ, ਇਸ ਵਿਚ ਉਮੀਦ ਤੋਂ ਜ਼ਿਆਦਾ ਸਮਾਂ ਲੱਗਾ ਪਰ ਘਰਾਂ ਦੀ ਵਿਕਰੀ ਵਿਚ ਆਮ ਪੱਧਰ ਤੱਕ ਦੀ ਰਿਕਵਰੀ ਆ ਗਈ ਹੈ। ਉਨ੍ਹਾਂ ਕਿਹਾ ਕਿ ਖਰੀਦਦਾਰ ਲੰਮੇ ਸਮੇਂ ਤੋਂ ਉੱਚ-ਵਿਆਜ ਦਰਾਂ ਵਿਚ ਕਮੀ ਦਾ ਇੰਤਜ਼ਾਰ ਕਰ ਰਹੇ ਸਨ, ਜਿਸ ਵਿਚ ਕਮੀ ਨਾਲ ਹੁਣ ਉਹ ਹਾਊਸਿੰਗ ਮਾਰਕੀਟ ਵਿਚ ਵਾਪਸ ਆ ਰਹੇ ਹਨ।

ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਅਕਤੂਬਰ ਵਿਚ ਸੂਬਾ ਪੱਧਰ ’ਤੇ ਘਰ ਕੀਮਤਾਂ ਵਿਚ 0.3 ਫੀਸਦੀ ਦਾ ਵਾਧਾ ਹੋਇਆ ਅਤੇ ਔਸਤਨ ਕੀਮਤ $970,845 ਰਹੀ। ਮੈਟਰੋ ਵੈਨਕੂਵਰ ਵਿਚ ਇਹ $1.25 ਮਿਲੀਅਨ ਸੀ।