12.04C Vancouver 12.04C VancouverNov 8, 2021 10:06 PM - Connect News
ਐਨਵਾਇਰਨਮੈਂਟ ਕੈਨੇਡਾ ਨੇ ਪੁਸ਼ਟੀ ਕਰ ਦਿੱਤੀ ਹੈ ਕਿ 6 ਨਵੰਬਰ ਨੂੰ ਵੈਨਕੂਵਰ ਇਲਾਕੇ 'ਚ ਯੂ.ਬੀ.ਸੀ. ਦੇ ਕੋਲ ਬਵੰਡਰ ਨੇ ਦਸਤਕ ਦਿੱਤੀ ਸੀ।
ਇਸ ਸੰਬੰਧੀ ਜਾਣਕਾਰੀਆਂ ਐਤਵਾਰ ਤੋਂ ਸਾਹਮਣੇ ਆ ਰਹੀਆਂ ਸਨ ਅਤੇ ਕੁਝ ਵੀਡੀਓ ਵੀ ਸਾਂਝੇ ਕੀਤੇ ਗਏ ਸਨ ਪਰ ਇਸ ਦੀ ਅਧਿਕਾਰਤ ਪੁਸ਼ਟੀ ਸੋਮਵਾਰ ਦੁਪਹਿਰ ਕੀਤੀ ਗਈ।
ਅੱਜ ਦੱਸਿਆ ਗਿਆ ਕਿ ਸ਼ਨੀਵਾਰ ਨੂੰ ਯੂ.ਬੀ.ਸੀ. ਦੇ ਗਲੌਫ ਕਲੱਬ ਕੋਲ ਬਵੰਡਰ ਨੇ ਹੀ ਦਸਤਕ ਦਿੱਤੀ ਸੀ।
ਇਸ ਦੌਰਾਨ ਦਰਖਤ ਟੁੱਟਣ ਨਾਲ ਸੰਬੰਧਤ ਨੁਕਸਾਨ ਤੋਂ ਇਲਾਵਾ ਪਾਵਰ ਲਾਈਨਸ ਟੁੱਟਣ ਅਤੇ ਵਾਹਨਾਂ ਨੂੰ ਨੁਕਸਾਨ ਪਹੁੰਚਣ ਜਿਹੀਆਂ ਘਟਨਾਵਾਂ ਵਾਪਰੀਆਂ।
ਇਸ ਦੌਰਾਨ 90 ਤੋਂ 110km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਹਨੇਰੀਆਂ ਝੁੱਲੀਆਂ ਸਨ।
ਐਨਵਾਇਰਨਮੈਂਟ ਅਤੇ ਕਲਾਈਮੇਟ ਚੇਂਜ ਕੈਨੇਡਾ ਦੇ ਮਿਟਿਓਰੋਲੌਜਿਸਟਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਇਸ ਸੰਬੰਧੀ ਕਿਸੇ ਕੋਲ ਤਸਵੀਰਾਂ ਜਾਂ ਵੀਡੀਓ ਹੋਣ ਤਾਂ ਸਾਂਝੇ ਕੀਤੇ ਜਾਣ।
