15.37C Vancouver 15.37C VancouverOct 5, 2021 7:13 PM -
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਅੱਜ ਦੀ ਕੌਕਸ ਬੈਠਕ ਤੋਂ ਬਾਅਦ ਜਾਣਕਾਰੀ ਦਿੱਤੀ ਹੈ ਕਿ ਪਾਰਟੀ ਵੱਲੋਂ ਕੈਂਪੇਨ ਸੰਬੰਧੀ ਰੀਵਿਊ ਕਰਵਾਇਆ ਜਾ ਰਿਹਾ ਹੈ।
ਇਹ ਰੀਵਿਊ ਇਸ ਸਾਲ ਦੇ ਅੰਤ ਤਕ ਪੂਰਾ ਕਰ ਲਏ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਰੀਵਿਊ ਦੀ ਜਿੰਮੇਵਾਰੀ ਆਊਟਗੋਇੰਗ ਐਡਮਿੰਟਨ ਸੈਂਟਰ ਐਮ.ਪੀ. ਜੇਮਸ ਕਮਿੰਗ ਨੂੰ ਸੌਂਪੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ 'ਚ 18 ਮਹੀਨੇ 'ਚ ਇੱਕ ਵਾਰ ਫਿਰ ਤੋਂ ਚੋਣ ਹੋ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ਵਾਸੀ ਇਹ ਜਾਣ ਲੈਣ ਕਿ ਔਟਵਾ 'ਚ ਉਨ੍ਹਾਂ ਲਈ ਆਵਾਜ਼ ਬੁਲੰਦ ਕਰਨ ਲਈ ਅਤੇ ਟਰੂਡੋ ਲਿਬਰਲਸ ਦੀ ਜਿੰਮੇਵਾਰੀ ਤੈਅ ਕਰਨ ਵਾਲੀ ਪਾਰਟੀ ਮੌਜੂਦ ਹੈ।
ਹਾਲਾਂਕਿ ਅੱਜ ਦੀ ਬੈਠਕ ਤੋਂ ਪਹਿਲਾਂ ਓ'ਟੂਲ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਉਨ੍ਹਾਂ ਕੋਲ ਪਾਰਟੀ ਦੇ ਲੀਡਰ ਦੀ ਭੂਮਿਕਾ 'ਚ ਰਹਿਣ ਲਈ ਕੌਕਸ ਦਾ ਜਰੂਰੀ ਸਹਿਯੋਗ ਹਾਸਿਲ ਹੈ।
ਅੱਜ ਕੰਜ਼ਰਵੇਟਿਵ ਐਮ.ਪੀ. ਚੋਣ ਨਤੀਜਿਆਂ ਤੋਂ ਬਾਅਦ ਪਹਿਲੀ ਵਾਰ ਇਕੱਤਰ ਹੋਏ ਹਨ।
ਕਰੀਬ 2 ਹਫ਼ਤੇ ਪਹਿਲਾਂ ਚੋਣਾਂ 'ਚ ਮਿਲੀ ਹਾਰ ਤੋਂ ਬਾਅਦ ਓ'ਟੂਲ ਦੀ ਲੀਡਰਸ਼ਿਪ ਦੇ ਰੀਵਿਊ ਲਈ ਸਵਾਲ ਉੱਠੇ ਸਨ।
