16.06C Vancouver 16.06C VancouverJan 24, 2022 11:35 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਕਰੌਸ-ਬੌਰਡਰ ਟਰੱਕ ਚਾਲਕਾਂ ਲਈ ਜਾਰੀ ਕੀਤੇ ਗਏ ਵੈਕਸੀਨ ਮੈਂਡੇਟਸ ਦਾ ਬਚਾਅ ਕੀਤਾ ਗਿਆ ਹੈ।
ਅਜਿਹਾ ਉਸ ਸਮੇਂ ਆਖਿਆ ਗਿਆ ਹੈ ਜਦ ਸੈਂਕੜੇ ਟਰੱਕਾਂ ਦਾ ਇੱਕ ਕਾਫਿਲਾ ਰੋਸ ਜਾਹਿਰ ਕਰਨ ਲਈ ਹਜ਼ਾਰਾਂ ਕਿਲੋਮੀਟਰ ਦਾ ਸਫਰ ਕਰਦੇ ਹੋਏ ਔਟਵਾ ਵੱਲ ਵਧਿਆ ਹੈ।
ਟਰੂਡੋ ਨੇ ਆਖਿਆ ਹੈ ਕਿ ਵੈਕਸੀਨ ਹਾਸਿਲ ਕਰਨਾ ਦੇਸ਼ ਦੀ ਇਕਾਨਮੀ ਨੂੰ ਜਾਰੀ ਰੱਖਣ ਦਾ ਸਭ ਤੋਂ ਮਹੱਤਵਪੂਰਨ ਤਰੀਕਾ ਹੈ।
ਟਰੂਡੋ ਨੇ ਕੰਜ਼ਰਵੇਟਿਵਸ 'ਤੇ ਦੋਸ਼ ਲਾਇਆ ਹੈ ਕਿ ਉਹ ਸਪਲਾਈ ਦੀ ਘਾਟ ਦੇ ਰੌਲੇ ਨਾਲ ਲੋਕਾਂ 'ਚ ਡਰ ਬਿਠਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਸੇ ਟਰੱਕਾਂ ਦੇ ਪ੍ਰਦਰਸ਼ਨ ਸੰਬੰਧੀ ਜਦ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਅੱਜ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੂੰ ਸਵਾਲ ਕੀਤੇ ਗਏ ਤਾਂ ਉਨ੍ਹਾਂ ਜਵਾਬ ਨਹੀਂ ਦਿੱਤਾ ਕਿ ਉਹ ਔਟਵਾ ਪਹੁੰਚ ਰਹੇ ਮੈਂਡੇਟਸ ਦੇ ਵਿਰੁੱਧ ਪ੍ਰਦਰਸ਼ਨ ਕਰਦੇ ਟਰੱਕ ਚਾਲਕਾਂ ਨੂੰ ਮਿਲਣਗੇ ਜਾਂ ਨਹੀਂ।
ਉਨ੍ਹਾਂ ਇਹ ਵੀ ਨਹੀਂ ਦੱਸਿਆ ਕਿ ਉਹ ਇਸ ਪ੍ਰਦਰਸ਼ਨ ਦੇ ਹੱਕ 'ਚ ਹਨ ਜਾਂ ਨਹੀਂ।
ਹਾਲਾਂਕਿ ਕੰਜ਼ਰਵੇਟਿਵਸ ਵੱਲੋਂ ਟਰੂਡੋ ਸਰਕਾਰ 'ਤੇ ਦਬਾਅ ਬਣਾਇਆ ਜਾ ਰਿਹਾ ਹੈ ਕਿ ਟਰੱਕ ਚਾਲਕਾਂ ਲਈ ਜਾਰੀ ਕੀਤੇ ਵੈਕਸੀਨ ਮੈਂਡੇਟ ਨੂੰ ਹਟਾਇਆ ਜਾਵੇ ਅਤੇ ਕੰਜ਼ਰਵੇਟਿਵਸ ਅਨੁਸਾਰ ਇਸ ਨਾਲ ਕੈਨੇਡਾ ਦੀ ਸਪਲਾਈ ਚੇਨ ਅਤੇ ਵਿੱਤੀ ਰਿਕਵਰੀ ਲਈ ਖਤਰਾ ਬਣ ਸਕਦਾ ਹੈ।
