15.77C Vancouver 15.77C VancouverFeb 2, 2022 8:21 PM - The Canadian Press
ਐਰਿਨ ਓ'ਟੂਲ ਹੁਣ ਕੰਜ਼ਰਵੇਟਿਵ ਪਾਰਟੀ ਆਫ ਕੈਨੇਡਾ ਦੇ ਲੀਡਰ ਨਹੀਂ ਰਹੇ।
ਉਨ੍ਹਾਂ ਨੂੰ ਅੱਜ ਦੀ ਵੋਟਿੰਗ 'ਚ ਲੀਡਰ ਬਣੇ ਰਹਿਣ ਲਈ ਪਾਰਟੀ ਦੇ ਮੈਂਬਰ ਪਾਰਲੀਅਮੈਂਟਸ ਦਾ ਸਹਿਯੋਗ ਹਾਸਿਲ ਨਹੀਂ ਹੋਇਆ।
ਐਰਿਨ ਓ'ਟੂਲ ਨੇ ਰਸਮੀ ਤੌਰ 'ਤੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ।
ਇੱਕ ਵਰਚੁਅਲ ਬੈਠਕ 'ਚ ਪਾਰਟੀ ਦੇ ਐਮ.ਪੀ.'ਸ ਨੇ ਸਿਕਰੇਟ ਬੈਲਟ ਰਾਹੀਂ ਵੋਟਿੰਗ ਕੀਤੀ।
ਪਾਰਟੀ ਦੇ 118 ਐਮ.ਪੀ.'ਸ ਵਿੱਚੋਂ 73 ਨੇ ਐਰਿਨ ਓ'ਟੂਲ ਨੂੰ ਹਟਾਉਣ ਦੇ ਪੱਖ 'ਚ ਵੋਟ ਕੀਤਾ।
ਉਨ੍ਹਾਂ ਦੇ ਪੱਖ 'ਚ 45 ਵੋਟ ਪਏ।
ਯਾਦ ਰਹੇ ਇਹ ਵੋਟਿੰਗ ਉਸ ਵੇਲੇ ਹੋਈ ਸੀ, ਜਦ ਪਾਰਟੀ ਦੇ ਕਰੀਬ ਇੱਕ-ਤਿਹਾਈ ਐਮ.ਪੀ.'ਸ ਨੇ ਇੱਕ ਨੋਟਿਸ 'ਤੇ ਹਸਤਾਖਰ ਕਰ ਲੀਡਰਸ਼ਿਪ ਰੀਵਿਊ ਦੀ ਮੰਗ ਕੀਤੀ ਸੀ।
ਹੁਣ ਕੰਜ਼ਰਵੇਟਿਵ ਪਾਰਟੀ ਚੋਣ ਕਰੇਗੀ ਕਿ ਪਾਰਟੀ ਦਾ ਅੰਤਰਿਮ ਲੀਡਰ ਕੌਣ ਹੋਵੇਗਾ।
ਕਿਊਬੈਕ ਤੋਂ ਐਮ.ਪੀ. ਪੀਅਰ ਪੌਲ ਹੱਸ ਨੇ ਕਿਹਾ ਕਿ ਪਾਰਟੀ ਇੱਕਜੁਟ ਹੈ।
ਉਨ੍ਹਾਂ ਕਿਹਾ ਕਿ ਪਾਰਟੀ ਅੱਗੇ ਵਧਣ ਲਈ ਤਿਆਰ ਹੈ।
