15.88C Vancouver 15.88C VancouverJul 20, 2020 5:51 PM -
ਯੂ.ਕੇ. 'ਚ ਇੱਕ ਪ੍ਰਯੋਗਿਕ ਕੋਵਿਡ-19 ਵੈਕਸੀਨ ਤਿਆਰ ਕੀਤੀ ਗਈ ਹੈ।
ਔਕਸਫ਼ੌਰਡ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਮੁਤਾਬਕ ਹਾਲਾਂਕਿ ਇਸ ਵੈਕਸੀਨ ਦੇ ਕੁਝ ਛੋਟੇ ਅਣਚਾਹੇ ਪ੍ਰਭਾਵ ਦੇਖਣ ਨੂੰ ਮਿਲੇ ਪਰ ਸ਼ੁਰੂਆਤੀ ਤੌਰ 'ਤੇ ਇਸ ਵੈਕਸੀਨ ਦੇ ਚੰਗੇ ਨਤੀਜੇ ਦੇਖਣ ਨੂੰ ਮਿਲੇ ਹਨ।
ਤਕਰੀਬਨ ਇੱਕ ਹਜ਼ਾਰ ਲੋਕਾਂ 'ਤੇ ਇਸ ਵੈਕਸੀਨ ਦਾ ਅਧਿਐਨ ਕੀਤਾ ਗਿਆ। ਕਈ ਸੈਂਕੜੇ ਲੋਕਾਂ ਵਿਚ ਇਸ ਟੀਕੇ ਨਾਲ ਰੱਖਿਆਤਮਕ ਪ੍ਰਤੀਰੋਧਤਾ ਪ੍ਰਤੀਕਿਰਿਆ ਵੇਖੀ ਗਈ।
ਡਾ. ਐਡਰੀਅਨ ਹਿਲ ਮੁਤਾਬਕ ਇਸ ਵੈਕਸੀਨ ਨੇ ਲੋਕਾਂ ਦੀ ਪ੍ਰਤੀਰੋਧਤਾ ਪ੍ਰਣਾਲੀ ਦੇ ਦੋਹਾਂ ਪੱਖਾਂ ਨੂੰ ਚਾਲੂ ਕਰਨ ਵਿੱਚ ਚੰਗਾ ਕੰਮ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਵੈਕਸੀਨ ਨਾਲ ਨਿਊਟ੍ਰਲਾਈਜ਼ਿੰਗ ਐਂਟੀਬੌਡੀਜ਼ ਦੀ ਪੈਦਾਵਾਰ ਹੋਈ।
ਇਹ ਐਂਟੀਬੌਡੀਜ਼ ਉਹ ਅਣੂ ਹੁੰਦੇ ਹਨ ਜਿੰਨ੍ਹਾਂ ਨਾਲ ਸਰੀਰ ਵਿਚ ਬਿਮਾਰੀ ਦੀ ਸੰਕਰਮਣ ਰੁਕਦਾ ਹੈ। ਨਾਲ ਹੀ ਡੌਕਟਰ ਨੇ ਇਹ ਵੀ ਦੱਸਿਆ ਕਿ ਵੈਕਸੀਨ ਨਾਲ ਸਰੀਰ ਦੇ ਟੀ-ਸੈਲਜ਼ ਵਿਚ ਵੀ ਰਿਐਕਸ਼ਨ ਦੇਖਣ ਨੂੰ ਮਿਲਿਆ, ਜਿਸ ਨਾਲ ਕੋਰੋਨਾ ਵਾਇਰਸ ਨਾਲ ਲੜਨ 'ਚ ਸਹਾਇਤਾ ਮਿਲਦੀ ਹੈ।
