13.3C Vancouver 13.3C VancouverMay 13, 2021 4:33 PM -
ਗੈਂਗ ਹਿੰਸਾ ਦੇ ਇੱਕ ਮਾਹਰ ਮੁਤਾਬਕ ਮੈਟਰੋ ਵੈਨਕੂਵਰ ਵਿੱਚ ਤਾਜ਼ਾ ਲੜੀਵਾਰ ਗੋਲੀਬਾਰੀ ਦੇ ਜਨਤਕ ਸੁਭਾਅ ਦਾ ਕਾਰਨ ਕੋਵਿਡ -19 ਦੀਆਂ ਪਾਬੰਦੀਆਂ ਨੂੰ ਮੰਨਿਆ ਜਾ ਸਕਦਾ ਹੈ, ਜਿਸ ਵਜ੍ਹਾ ਨਾਲ ਵਿਰੋਧੀ ਪਹਿਲਾ ਮੌਕਾ ਪ੍ਰਾਪਤ ਹੁੰਦੇ ਹੀ, ਹਮਲਾ ਕਰ ਰਹੇ ਹਨ।
ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਦੇ ਕ੍ਰਿਮੀਨੋਲੋਜੀ ਦੇ ਪ੍ਰੋਫੈਸਰ, ਮਾਰਟਿਨ ਬੋਚਰਡ ਦਾ ਕਹਿਣਾ ਹੈ ਕਿ ਮਹਾਂਮਾਰੀ ਨੇ ਲੋਕਾਂ ਦੇ ਕੰਮ-ਕਾਜ ਨੂੰ ਬਦਲ ਦਿੱਤਾ ਹੈ ਅਤੇ ਉਹ ਅਕਸਰ ਆਪਣੇ ਘਰਾਂ ਤੋਂ ਬਾਹਰ ਨਹੀਂ ਆ ਰਹੇ, ਜੋ ਕਿ ਜਨਤਕ ਥਾਵਾਂ ’ਤੇ ਗੋਲੀਬਾਰੀ ਦੇ ਬੇਰਹਿਮ ਸੁਭਾਅ ਵਿੱਚ ਭੂਮਿਕਾ ਅਦਾ ਕਰ ਸਕਦਾ ਹੈ।
ਬੀਤੇ ਕੁਝ ਹਫਤਿਆਂ ਦੌਰਾਨ ਸ਼ਹਿਰ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਸ਼ੌਪਿੰਗ ਮਾਲਾਂ ਦੇ ਪਾਰਕਿੰਗ ਲਾਟ ਅਤੇ ਹਵਾਈ ਅੱਡੇ ’ਤੇ ਹਿੰਸਕ ਹਮਲਿਆਂ ਦੀਆਂ ਵਾਰਦਾਤਾਂ ਵਿੱਚ ਗੈਂਗ ਮੈਂਬਰ ਮਾਰੇ ਜਾਂ ਜ਼ਖਮੀ ਕਰ ਦਿੱਤੇ ਗਏ ਹਨ।
ਇਸ ਸੰਬੰਧ ਵਿੱਚ ਪੁਲਿਸ ਮੁਖੀ ਅੱਜ ਸੋਲੀਸਿਟਰ ਜਨਰਲ ਮਾਇਕ ਫਾਰਨਵਰਥ ਨਾਲ ਮੀਟਿੰਗ ਕਰਨ ਜਾ ਰਹੇ ਹਨ।
ਫਾਰਨਵਰਥ ਮੁਤਾਬਕ ਇਸ ਦੌਰਾਨ ਪੁਲਿਸ ਆਗੂਆਂ ਤੋਂ ਸਥਿਤੀ ਦਾ ਮੁਲਾਂਕਣ ਲੈਣ ਤੋਂ ਬਾਅਦ ਇਹ ਫੈਸਲਾ ਲਿਆ ਜਾਵੇਗਾ ਕਿ ਕਿਹੜੇ ਵਾਧੂ ਕਦਮਾਂ ਦੀ ਲੋੜ ਹੈ।
ਇਨਟਿਗਰੇਟਡ ਹੋਮਿਸਾਈਡ ਇਨਵੈਸਟੀਗੇਸ਼ਨ ਟੀਮ ਦੇ ਇੰਚਾਰਜ ਸੁਪ੍ਰਿਟੈਂਡੈਂਟ ਡੇਵ ਚੌਹਾਨ ਦਾ ਕਹਿਣਾ ਹੈ ਕਿ ਨਿੱਜੀ ਦੁਸ਼ਮਨੀ ਜਾਂ ਨਸ਼ੇ ਅਤੇ ਖੇਤਰੀ ਵਿਵਾਦ ਸਮੇਤ ਹਿੰਸਾ ਦੇ ਬਹੁਤ ਸਾਰੇ ਕਾਰਨ ਹੋ ਸਕਦੇ ਹਨ।
