17.04C Vancouver 17.04C VancouverNov 4, 2022 5:13 AM - The Canadian Press
ਵਿੱਤ ਮੰਤਰੀ ਅਤੇ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਅੱਜ ਪਤਝੜ ਦੀ ਇਕਨੌਮਿਕ ਅਪਡੇਟ ਸਾਂਝੀ ਕਰ ਦੇਸ਼ ਦੇ ਫਿਸਕਲ ਹਾਲਾਤਾਂ ਦੀ ਤਸਵੀਰ ਪੇਸ਼ ਕੀਤੀ ਹੈ।
ਅੱਜ ਦੀ ਅਪਡੇਟ 'ਚ ਸਪਸ਼ਟ ਹੁੰਦਾ ਵਿਖਾਈ ਦਿੱਤਾ ਕਿ ਇੱਕ ਪਾਸੇ ਡੈਫੀਸੀਟ ਘਟ ਰਿਹਾ ਹੈ ਪਰ ਦੂਜੇ ਪਾਸੇ ਕੈਨੇਡਾ ਦਾ ਰਿਸੈਸ਼ਨ 'ਚ ਦਾਖਿਲ ਹੋਣ ਦਾ ਖਤਰਾ ਵਧਦਾ ਜਾ ਰਿਹਾ ਹੈ।
ਫਿਸਕਲ ਅਪਡੇਟ 'ਚ ਵਿਖਾਈ ਦਿੰਦਾ ਹੈ ਕਿ ਫੈਡਰਲ ਸਰਕਾਰ ਦੀ ਜੇਬ ਇੰਫਲੇਸ਼ਨ ਵਿਚਾਲੇ ਗਰਮ ਹੋਈ ਹੈ ਪਰ ਸਰਕਾਰ ਨਵੇਂ ਖਰਚਿਆਂ 'ਚ ਬਹੁਤਾ ਯੋਗਦਾਨ ਨਹੀਂ ਦੇ ਰਹੀ।
ਲਿਬਰਲਸ ਦਾ ਕਹਿਣਾ ਹੈ ਕਿ ਸਟੂਡੈਂਟ ਕਰਜੇ ਅਤੇ ਘਟ ਇਨਕਮ ਵਾਲੇ ਕਨੇਡੀਅਨ ਲੋਕਾਂ ਨੂੰ ਟਾਰਗੈਟ ਕਰਨ ਵਾਲੇ ਸਹਾਇਤਾ ਪ੍ਰਦਾਨ ਕਰਦੇ ਕਦਮ ਚੁੱਕੇ ਜਾਣਗੇ।
ਵੱਡੀਆਂ ਕੌਰਪੋਰੇਸ਼ਨਸ ਦੇ ਸ਼ੇਅਰ ਬਾਏਬੈਕਸ 'ਤੇ ਨਵਾਂ ਟੈਕਸ ਲਗਾਇਆ ਜਾਵੇਗਾ।
ਇਸ ਤੋਂ ਇਲਾਵਾ ਐਮਿਸ਼ਨਸ ਨੂੰ ਘਟਾਉਣ ਅਤੇ ਨਵੀਆਂ ਨੌਕਰੀਆਂ ਸਥਾਪਿਤ ਕਰਨ ਦੇ ਇਰਾਦੇ ਨਾਲ ਪ੍ਰਾਈਵੇਟ ਇਨਵੈਸਟਮੈਂਟ ਨੂੰ ਲਿਆਉਣ ਵਾਲਾ ਕੈਨੇਡਾ ਗਰੋਥ ਫੰਡ ਸਥਾਪਿਤ ਕੀਤਾ ਜਾਵੇਗਾ।
ਫਾਲ ਇਕਨੌਮਿਕ ਸਟੇਟਮੈਂਟ 'ਚ ਸਾਲ 2022-23 ਲਈ $36.4 ਬਿਲੀਅਨ ਦਾ ਫੈਡਰਲ ਡੈਫੀਸੀਟ ਪ੍ਰੋਜੈਕਟ ਕੀਤਾ ਗਿਆ ਹੈ।
ਅਪ੍ਰੈਲ 2022 'ਚ ਫੈਡਰਲ ਡੈਫੀਸੀਟ ਦਾ ਅਨੁਮਾਨ $52.8 ਬਿਲੀਅਨ ਦੱਸਿਆ ਗਿਆ ਸੀ।
ਫਾਲ ਇਕਨੌਮਿਕ ਸਟੇਟਮੈਂਟ ਅਨੁਸਾਰ ਸਾਲ 2023 ਦੀ ਸ਼ੁਰੂਆਤ ਤਕ ਕੈਨੇਡਾ ਮਾਈਲਡ ਰਿਸੈਸ਼ਨ 'ਚ ਦਾਖਿਲ ਹੋ ਸਕਦਾ ਹੈ।
ਅਹਿਮ ਪ੍ਰੋਗਰਾਮਸ ਅਨੁਸਾਰ ਜੀ.ਐਸ.ਟੀ. ਕਰੈਡਿਟ ਨੂੰ ਦੁੱਗਣਾ ਕਰ $2.475 ਬਿਲੀਅਨ 'ਤੇ ਲਿਜਾਣ, ਡੈਂਟਲ ਬੈਨੀਫਿਟ ਲਈ $352 ਮਿਲੀਅਨ, ਹਾਊਸਿੰਗ ਬੈਨੀਫਿਟ ਟੌਪ-ਅਪ ਲਈ $1.163 ਬਿਲੀਅਨ, ਚੱਕਰਵਾਤ ਫਿਓਨਾ ਰਿਕਵਰੀ ਫੰਡ ਤਹਿਤ $1.15 ਬਿਲੀਅਨ ਅਤੇ ਰਿਜਰਵ ਫੰਡ ਲਈ $1 ਬਿਲੀਅਨ ਰੱਖਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਨਵੇਂ ਪ੍ਰੋਗਰਾਮਸ ਤਹਿਤ 5 ਸਾਲ 'ਚ $2.787 ਬਿਲੀਅਨ ਦੇ ਫੈਡਰਲ ਸਟੂਡੈਂਟ ਲੋਨ ਇੰਟ੍ਰਸਟ ਨੂੰ ਪਰਮਨੈਂਟਲੀ ਐਲੀਮੀਨੇਟ ਕੀਤਾ ਜਾਵੇਗਾ ਅਤੇ ਅਗਲੇ 6 ਸਾਲ 'ਚ $4.625 ਬਿਲੀਅਨ ਦੇ ਕਵਾਰਟਰਲੀ ਕੈਨੇਡਾ ਵਰਕਰਸ ਬੈਨੀਫਿਟ ਪੇਮੈਂਟਸ ਨੂੰ ਐਡਵਾਂਸ ਕੀਤਾ ਜਾਵੇਗਾ।
ਕੌਰਪੋਰੇਟ ਸ਼ੇਅਰ ਬਾਏਬੈਕਸ 'ਤੇ 2% ਦਾ ਟੈਕਸ ਲੱਗੇਗਾ ਅਤੇ 5 ਸਾਲ 'ਚ ਇਸ ਦਾ ਰੈਵੀਨਿਊ ਕਰੀਬ $2.1 ਬਿਲੀਅਨ ਹੋਵੇਗਾ।
ਸਾਲ 2022-23 ਦੌਰਾਨ $6.1 ਬਿਲੀਅਨ ਦੇ ਨਵੇਂ ਖਰਚੇ ਦੀ ਜਾਣਕਾਰੀ ਦਿੱਤੀ ਹੈ।
