18.38C Vancouver 18.38C VancouverDec 5, 2022 9:16 PM - Connect News
ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਨੇ ਬੱਚਿਆਂ 'ਚ ਇੰਫਲੂਐਂਜ਼ਾ ਦੇ ਮਾਮਲਿਆਂ 'ਚ ਹੋਏ ਵਾਧੇ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ।
ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਦਾ ਕਹਿਣਾ ਹੈ ਕਿ ਬੱਚਿਆਂ 'ਚ ਇੰਫਲੂਐਂਜ਼ਾ ਦੇ ਮਾਮਲਿਆਂ ਦਾ ਤੂਫਾਨ ਆ ਗਿਆ ਹੈ ਅਤੇ ਇਸ ਵਾਰ ਇਹ ਮਾਮਲੇ ਆਮ ਨਾਲੋਂ ਜਲਦੀ ਦਸਤਕ ਦੇ ਰਹੇ ਹਨ।
ਡਾ. ਹੈਨਰੀ ਨੇ ਕਿਹਾ ਕਿ ਰੈਸਪੀਰੇਟੋਰੀ ਬਿਮਾਰੀਆਂ 'ਚ ਵਾਧੇ ਵਿਚਾਲੇ ਇਸ ਸੰਬੰਧੀ ਵੈਕਸੀਨਸ ਦੀ ਮਹੱਤਤਾ ਹੋਰ ਵੀ ਵਧ ਗਈ ਹੈ।
ਉਨ੍ਹਾਂ ਕਿਹਾ ਕਿ ਇੰਫਲੂਐਂਜ਼ਾ ਦੇ ਨਾਲ ਨਜਿੱਠਣ ਲਈ 6 ਮਹੀਨੇ ਤੋਂ ਵਧ ਦੀ ਉਮਰ ਦੇ ਲੋਕਾਂ ਲਈ ਫਲੂ ਸ਼ਾਟਸ ਅਤੇ ਵੈਕਸੀਨਸ ਉਪਲੱਬਧ ਹਨ।
ਉਨ੍ਹਾਂ ਉਚੇਚੇ ਤੌਰ 'ਤੇ ਕਿਹਾ ਕਿ ਪ੍ਰੈਗਨੈਂਟ ਲੋਕ ਵੀ ਫਲੂ ਸ਼ਾਟਸ ਅਤੇ ਵੈਕਸੀਨ ਜ਼ਰੂਰ ਅਹਸਿਲ ਕਰਨ ਅਤੇ ਇਸ ਨਾਲ ਮਾਂ ਅਤੇ ਬੱਚੇ ਦੋਵਾਂ ਲਈ ਪ੍ਰਭਾਵਸ਼ਾਲੀ ਨਤੀਜੇ ਵੇਖਣ ਨੂੰ ਮਿਲ ਸਕਦੇ ਹਨ।
ਡਾ. ਹੈਨਰੀ ਨੇ ਕਿਹਾ ਕਿ ਬੀ.ਸੀ. ਵਾਸੀ ਆਉਂਦੀ ਛੁੱਟੀਆਂ ਦੀ ਰੁੱਤ ਲਈ ਵੀ ਹੁਣੇ ਤੋਂ ਪਲੈਨ ਕਰਨ ਅਤੇ ਬਿਹਤਰ ਛੁੱਟੀਆਂ ਲਈ ਵੈਕਸੀਨਸ ਹਾਸਿਲ ਕਰਨ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਧਿਆਨ ਰੱਖਿਆ ਜਾਵੇ ਕਿ ਜੇਕਰ ਬੁਖਾਰ ਹੈ ਤਾਂ ਘਰ ਹੀ ਰਿਹਾ ਜਾਵੇ ਅਤੇ ਲੋਕਾਂ ਤੋਂ ਦੂਰੀ ਬਣਾ ਕੇ ਰੱਖੀ ਜਾਵੇ।
ਉਨ੍ਹਾਂ ਜੋਰ ਦਿੱਤਾ ਕਿ ਮਾਸਕ ਪਹਿਨਣਾ ਵੀ ਇੱਕ ਚੰਗਾ ਵਿਕਲਪ ਹੈ ਅਤੇ ਖਾਸ ਤੌਰ 'ਤੇ ਜੇਕਰ ਕੋਈ ਫਲੂ ਸੰਬੰਧੀ ਲੱਛਣ ਸ਼ੁਰੂ ਹੁੰਦੇ ਮਹਿਸੂਸ ਹੁੰਦੇ ਹੋਣ ਤਾਂ ਮਾਸਕ ਪਹਿਨਣਾ ਬਿਹਤਰ ਹੈ।
ਉਨ੍ਹਾਂ ਕਿਹਾ ਕਿ ਆਪਣੇ ਹੱਥ ਧੋਣ ਦਾ ਧਿਆਨ ਰੱਖਿਆ ਜਾਵੇ।
