14.72C Vancouver 14.72C VancouverSep 27, 2021 9:32 PM -
ਮੈਟਰੋ ਵੈਨਕੂਵਰ 'ਚ ਇੱਕ ਇੰਡੀਜਨਸ ਔਰਤ ਦੇ ਲਾਪਤਾ ਹੋਣ ਦੇ 4 ਸਾਲ ਪੂਰੇ ਹੋਣ 'ਤੇ ਉਸ ਦੇ ਮਾਪਿਆਂ ਨੇ ਇੱਕ ਵਾਰ ਫਿਰ ਤੋਂ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕੀਤੀ ਜਾਵੇ।
ਲਾਪਤਾ ਔਰਤ ਦਾ ਨਾਮ ਕ੍ਰਿਸਟੀਨਾ ਵਾਰਡ ਹੈ ਅਤੇ ਲਾਪਤਾ ਹੋਣ ਮੌਕੇ ਉਸ ਦੀ ਉਮਰ 20 ਸਾਲ ਸੀ।
ਉਹ ਐਬਟਸਫੋਰਡ 'ਚ ਆਪਣੇ ਘਰ ਤੋਂ ਕੁਝ ਦੋਸਤਾਂ ਨੂੰ ਮਿਲਣ ਲਈ ਨਿਕਲੀ ਸੀ।
ਉਸ ਨੇ ਲੈਂਗਲੀ 'ਚ ਆਪਣੇ ਦੋਸਤਾਂ ਨੂੰ ਮਿਲਣਾ ਸੀ।
27 ਸਿਤੰਬਰ 2017 ਨੂੰ ਸਰੀ ਸੰਬੰਧੀ ਇੱਕ ਸਰਵੇਲੈਂਸ ਟੇਪ 'ਚ ਉਸ ਨੂੰ ਇੱਕ ਅਣਜਾਣ ਵਿਅਕਤੀ ਨਾਲ ਤੁਰ ਕੇ ਜਾਂਦੇ ਵੇਖਿਆ ਗਿਆ ਸੀ।
ਉਸ ਦੇ ਮਾਪਿਆਂ ਨੇ ਅੱਜ 104 ਐਵੀਨਿਊ ਅਤੇ 140 ਸਟ੍ਰੀਟ ਦੇ ਇਲਾਕੇ 'ਚ ਤੁਰ ਕੇ ਆਪਣੀ ਧੀ ਨੂੰ ਯਾਦ ਕੀਤਾ।
ਇਸੇ ਇਲਾਕੇ 'ਚ ਉਸ ਨੂੰ ਆਖਰੀ ਵਾਰ ਵੇਖਿਆ ਗਿਆ ਸੀ।
ਮਾਪਿਆਂ ਦਾ ਕਹਿਣਾ ਹੈ ਕਿ ਕਿਸੇ ਕੋਲ ਉਨ੍ਹਾਂ ਦੀ ਧੀ ਦੀ ਜਾਣਕਾਰੀ ਹੋਵੇ ਤਾਂ ਲੈਂਗਲੀ ਆਰ.ਸੀ.ਐਮ.ਪੀ. ਨਾਲ ਸੰਪਰਕ ਕੀਤਾ ਜਾਵੇ। ਲੜਕੀ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ।
ਲਾਪਤਾ ਲੜਕੀ ਦੀ ਮਾਂ ਨੇ ਦੱਸਿਆ ਕਿ ਕ੍ਰਿਸਟੀਨਾ ਵਾਰਡ ਦਾ ਨਾਮ ਮਿਸਿੰਗ ਅਤੇ ਮਰਡਰਡ ਇੰਡੀਜਨਸ ਔਰਤਾਂ ਦੀ ਸੂਚੀ 'ਚ ਸ਼ਾਮਿਲ ਕਰ ਦਿੱਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਮਹਾਂਮਾਰੀ 'ਤੇ ਚੁੱਪੀ ਤੋੜਨ ਦਾ ਸਮਾਂ ਆ ਗਿਆ ਹੈ।
