27.64C Vancouver 27.64C VancouverJun 15, 2020 11:22 PM -
ਅਮਰੀਕਾ ਦੇ ਐਟਲਾਂਟਾ 'ਚ ਪੁਲਿਸ ਦੀ ਗੋਲੀ ਦੇ ਸ਼ਿਕਾਰ ਬਣੇ ਰੇਸ਼ਰਡ ਬਰੂਕਸ ਦੇ ਪਰਿਵਾਰ ਵੱਲੋਂ ਲੋਕਾਂ ਨੂੰ ਸ਼ਾਂਤਮਈ ਢੰਗ ਨਾਲ ਪ੍ਰਦਰਸ਼ਨ ਕਰਨ ਦੀ ਮੰਗ ਕੀਤੀ ਗਈ ਹੈ।
ਪਰਿਵਾਰ ਨੇ ਪੁਲਿਸ 'ਚ ਅਜਿਹੀਆਂ ਤਬਦੀਲੀਆਂ ਦੀ ਵੀ ਮੰਗ ਕੀਤੀ ਹੈ, ਜਿਸ ਦੇ ਨਾਲ ਭਵਿੱਖ 'ਚ ਅਜਿਹੀਆਂ ਮੌਤਾਂ ਤੋਂ ਬਚਾਅ ਕੀਤਾ ਜਾ ਸਕੇ।
ਪੁਲਿਸ ਦੀ ਗੋਲੀ ਨਾਲ ਮਾਰੇ ਗਏ 27 ਸਾਲਾ ਰੇਸ਼ਰਡ ਬਰੂਕਸ ਦੇ ਕਰੀਬ 20 ਰਿਸ਼ਤੇਦਾਰਾਂ ਨੇ ਅੱਜ ਇੱਕ ਨਿਊਜ਼ ਕਾਨਫਰੰਸ 'ਚ ਹਿੱਸਾ ਲਿਆ।
ਇਸ ਦੌਰਾਨ ਉਨ੍ਹਾਂ ਨੇ ਰੇਸ਼ਰਡ ਬਰੂਕਸ ਨੂੰ ਇੱਕ ਚੰਗਾ ਪਿਤਾ ਅਤੇ ਵੱਡੇ ਦਿਲ ਵਾਲਾ ਵਿਅਕਤੀ ਦੱਸਿਆ।
ਬਰੂਕਸ ਨੂੰ ਸ਼ੁੱਕਰਵਾਰ ਰਾਤ ਇੱਕ ਰੈਸਟੂਰੈਂਟ ਦੇ ਡਰਾਈਵ-ਥਰੂ ਕੋਲ, ਗ੍ਰਿਫਤਾਰੀ ਦੀ ਕੋਸ਼ਿਸ਼ ਦੌਰਾਨ ਗੋਲੀ ਮਾਰੀ ਗਈ ਸੀ।
ਉਨ੍ਹਾਂ ਦੀ ਭਤੀਜੀ, ਚੈਸੀਡੀ ਈਵਨਜ਼ ਨੇ ਕਿਹਾ ਕਿ ਪਰਿਵਾਰ ਸਿਰਫ ਇਨਸਾਫ਼ ਦੀ ਮੰਗ ਨਹੀਂ ਕਰ ਰਿਹਾ ਸਗੋਂ ਬਦਲਾਅ ਦੀ ਵੀ ਮੰਗ ਕਰ ਰਿਹਾ ਹੈ।
ਪੀੜਤ ਦੀ ਪਤਨੀ ਟੌਮਿਕਾ ਮਿਲਰ ਨੇ ਵੀ ਭਾਵੁਕ ਅੰਦਾਜ਼ 'ਚ ਆਪਣੇ ਪਤੀ ਨੂੰ ਯਾਦ ਕੀਤਾ।
