12.85C Vancouver 12.85C VancouverJan 13, 2023 1:57 AM - Connect News
ਸਰ੍ਹੀ 'ਚ ਸੋਮਵਾਰ ਨੂੰ ਵਾਪਰੀ 3 ਕਤਲਾਂ ਦੀ ਵਾਰਦਾਤ ਵਿੱਚ ਪੀੜਤਾਂ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ।
ਮਾਮਲੇ ਸੰਬੰਧੀ ਅਪਡੇਟ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ/ਆਈ.ਹਿਟ ਵੱਲੋਂ ਸਾਂਝੀ ਕੀਤੀ ਗਈ ਹੈ।
ਆਈ.ਹਿਟ ਦਾ ਕਹਿਣਾ ਹੈ ਕਿ 112 ਐਵੀਨਿਊ ਅਤੇ 156 ਸਟ੍ਰੀਟ ਦੇ ਕੋਲ ਫਰੇਜ਼ਰ ਹਾਈਟਸ ਦੇ ਇਲਾਕੇ 'ਚ ਸਥਿਤ ਘਰ 'ਚ ਮ੍ਰਿਤ ਮਿਲੇ 3 ਲੋਕਾਂ 'ਚ 56 ਸਾਲਾ ਜ਼ਿਆਓ ਯਾਨ ਜ਼ੈਨ, 58 ਸਾਲਾ ਲੀ ਲੀ ਅਤੇ 24 ਸਾਲਾ ਡੈਨੀਅਲ ਲੀ ਸ਼ਾਮਿਲ ਸਨ।
ਇਹ ਤਿੰਨੇ ਪੀੜਤ ਸਰ੍ਹੀ ਨਿਵਾਸੀ ਸਨ।
ਪੀੜਤ ਲੋਕਾਂ ਦੇ ਪਰਿਵਾਰ ਨੇ ਇੱਕ ਬਿਆਨ ਜਾਰੀ ਕਰ ਦੱਸਿਆ ਹੈ ਕਿ ਤਿੰਨੇ ਪੀੜਤ ਇੱਕ ਹੱਸਦਾ-ਖੇਡਦਾ ਪਰਿਵਾਰ ਸਨ ਅਤੇ ਇਸ ਵਾਰਦਾਤ ਨੇ ਪਰਿਵਾਰ ਨੂੰ ਸਦਮਾ ਪਹੁੰਚਾਇਆ ਹੈ।
ਪਰਿਵਾਰ ਨੇ ਇਹ ਵੀ ਕਿਹਾ ਹੈ ਕਿ ਪੀੜਤਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਨਾ ਕੀਤੀਆਂ ਜਾਣ।
ਯਾਦ ਰਹੇ ਘਟਨਾ 9 ਜਨਵਰੀ ਨੂੰ ਵਾਪਰੀ ਸੀ ਅਤੇ ਮੌਕੇ 'ਤੇ ਪਹੁੰਚੇ ਪੁਲਿਸ ਅਫਸਰਾਂ ਨੂੰ ਘਰ 'ਚ 3 ਲੋਕਾਂ ਦੇ ਮ੍ਰਿਤ ਸ਼ਰੀਰ ਮਿਲੇ ਸਨ।
