ਕ੍ਰਿਸਟੀਆ ਫ੍ਰੀਲੈਂਡ ਨੇ ਪੇਸ਼ ਕੀਤਾ ਫ਼ੈਡਰਲ ਬਜਟ; ਮੁੱਖ ਐਲਾਨਾਂ ਤੇ ਫ਼ੈਡਰਲ ਡੈਫੀਸਿਟ ਬਾਰੇ ਪੜ੍ਹੋ

ਦੇਸ਼ ਦੀ ਵਿੱਤ ਮੰਤਰੀ ਅਤੇ ਡਿਪਟੀ ਪ੍ਰਧਾਨ ਮੰਤਰੀ, ਕ੍ਰਿਸਟੀਆ ਫ੍ਰੀਲੈਂਡ ਨੇ ਅੱਜ ਫੈਡਰਲ ਬਜਟ ਪੇਸ਼ ਕੀਤਾ ਹੈ।

ਪੈਂਡੈਮਿਕ ਦੇ ਦਸਤਕ ਦੇਣ ਵਿਚਾਲੇ ਕੈਨੇਡਾ 'ਚ 2 ਸਾਲ 'ਚ ਪਹਿਲੀ ਵਾਰ ਫੈਡਰਲ ਬਜਟ ਪੇਸ਼ ਕੀਤਾ ਹੈ।

ਇਸ ਦੌਰਾਨ ਸਾਲ 2020-2021 'ਚ ਫੈਡਰਲ ਡੈਫੀਸੀਟ ਦੇ 354.2 ਬਿਲੀਅਨ ਡਾਲਰ ਰਹਿਣ ਦਾ ਅਨੁਮਾਨ ਦੱਸਿਆ ਗਿਆ ਹੈ।

ਸਾਲ 2021-2022 'ਚ ਫੈਡਰਲ ਡੈਫੀਸੀਟ ਦੇ $154.2 ਬਿਲੀਅਨ ਰਹਿਣ ਦਾ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।

ਅਗਲੇ 5 ਸਾਲ 'ਚ $30 ਬਿਲੀਅਨ ਦੇ ਨਿਵੇਸ਼ ਨਾਲ ਚਾਈਲਡ ਕੇਅਰ 'ਚ ਨਿਵੇਸ਼ ਕੀਤਾ ਜਾਵੇਗਾ।

ਇਸ ਦੇ ਨਾਲ ਅਗਲੇ ਸਾਲ ਤਕ ਪ੍ਰੀਸਕੂਲਰ ਡੇਕੇਅਰ ਸਪੈਸਿਸ (preschooler daycare spaces) 'ਚ ਫੀਸ 'ਚ 50% ਤਕ ਕਟੌਤੀ ਦਾ ਅਨੁਮਾਨ ਹੈ ਅਤੇ ਇਸ ਦੇ ਸਾਲ 2026 ਤਕ $10 ਪ੍ਰਤੀ ਦਿਨ ਹੋਣ ਦਾ ਅੰਦਾਜ਼ਾ ਪੇਸ਼ ਕੀਤਾ ਗਿਆ ਹੈ।

ਨਵੇਂ ਖਰਚਿਆਂ 'ਚ ਅਗਲੇ 3 ਸਾਲ ਦੌਰਾਨ $100 ਬਿਲੀਅਨ ਤੋਂ ਵਧੇਰੇ ਖਰਚਣ ਦਾ ਅਨੁਮਾਨ ਦੱਸਿਆ ਗਿਆ ਹੈ।

ਕੈਨੇਡਾ ਐਮਰਜੈਂਸੀ ਵੇਜ ਸਬਸਿਡੀ ਅਤੇ ਰੈਂਟ ਸਬਸਿਡੀ ਨੂੰ 25 ਸਿਤੰਬਰ ਤਕ ਵਧਾ ਦਿੱਤਾ ਗਿਆ ਹੈ।

ਵਧੇਰੇ ਵਰਕਰਾਂ ਦੀ ਹਾਇਰਿੰਗ ਹੋ ਸਕੇ ਇਸ ਦੇ ਲਈ ਨਵਾਂ 'ਕੈਨੇਡਾ ਰਿਕਵਰੀ ਹਾਇਰਿੰਗ ਪ੍ਰੋਗਰਾਮ' ਅਰੰਭਿਆ ਜਾਵੇਗਾ।

ਐਂਪਲਾਇਮੈਂਟ ਇੰਸ਼ੋਰੈਂਸ ਸਿਕਨੈਸ ਬੈਨੀਫਿਟਸ ਨੂੰ 15 ਤੋਂ 26 ਹਫ਼ਤੇ ਤਕ ਵਧਾਇਆ ਜਾ ਰਿਹਾ ਹੈ।

ਲੌਂਗ ਟਰਮ ਕੇਅਰ ਹੋਮਸ 'ਚ ਕੇਅਰ ਦੇ ਚੰਗੇ ਸਟੈਂਡਰਡ ਪੁਖਤਾ ਕਰਨ ਲਈ ਅਗਲੇ 5 ਸਾਲ 'ਚ $3 ਬਿਲੀਅਨ ਦਾ ਨਿਵੇਸ਼ ਕੀਤਾ ਜਾਵੇਗਾ।

$15 ਦੀ ਫੈਡਰਲ ਮਿਨੀਮਮ ਵੇਜ ਦਾ ਪ੍ਰਪੋਜ਼ਲ ਰੱਖਿਆ ਗਿਆ ਹੈ।

ਅਫੋਰਡੇਬਲ ਹਾਊਸਿੰਗ ਲਈ $2.5 ਬਿਲੀਅਨ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਗਿਆ ਹੈ।

ਗ੍ਰੀਨ ਰਿਕਵਰੀ ਅਤੇ ਕਲੀਨ ਇਕਾਨਮੀ ਲਈ $17.6 ਬਿਲੀਅਨ ਦਾ ਐਲਾਨ ਕੀਤਾ ਗਿਆ ਹੈ।

ਟੂਰਿਜ਼ਮ ਖੇਤਰ ਲਈ $1 ਬਿਲੀਅਨ ਦਾ ਐਲਾਨ ਕੀਤਾ ਗਿਆ ਹੈ।

ਹਵਾਈ ਅੱਡਿਆਂ 'ਤੇ ਕੋਵਿਡ-19 ਟੈਸਟਿੰਗ 'ਚ ਸਹਿਯੋਗ ਲਈ $82.5 ਮਿਲੀਅਨ ਦਾ ਐਲਾਨ ਕੀਤਾ ਗਿਆ ਹੈ।

$1,00,000 ਤੋਂ ਵਧੇਰੇ ਦੀਆਂ ਗੱਡੀਆਂ 'ਤੇ ਨਵਾਂ ਸੇਲਸ ਟੈਕਸ ਲੱਗੇਗਾ।

ਵੱਡੇ ਈ-ਕਾਮਰਸ ਵਪਾਰਾਂ 'ਤੇ 3% ਦਾ ਸਰਵਿਸ ਟੈਕਸ ਲਗਾਇਆ ਜਾਵੇਗਾ।