16.79C Vancouver 16.79C VancouverFeb 4, 2021 6:23 PM -
ਫੈਡਰਲ ਕੰਜ਼ਰਵੇਟਿਵਸ ਨੇ ਇੱਕ 'ਸਪੈਸ਼ਲ ਹਾਊਸ ਆਫ ਕਾਮਨਜ਼ ਕਮੇਟੀ' ਦਾ ਗਠਨ ਕਰਨ ਦੀ ਮੰਗ ਕੀਤੀ ਹੈ, ਜੋ ਕਿ ਕੈਨੇਡਾ-ਅਮਰੀਕਾ ਰਿਸ਼ਤਿਆਂ 'ਤੇ ਧਿਆਨ ਕੇਂਦਰਿਤ ਕਰੇ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਕਮੇਟੀ ਨੂੰ ਦੋਨਾਂ ਦੇਸ਼ਾਂ ਦੇ ਵਿੱਤੀ ਰਿਸ਼ਤਿਆਂ 'ਤੇ ਧਿਆਨ ਕੇਂਦਰਿਤ ਕਰਨਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਵੱਲੋਂ ਲਿਆਂਦੇ 'ਬਾਏ ਅਮਰੀਕਨ ਪ੍ਰੋਵੀਜ਼ਨ' 'ਤੇ ਵੀ ਵਧੇਰੇ ਧਿਆਨ ਦੇਣ ਦੀ ਲੋੜ ਹੈ।
ਇਸ ਤੋਂ ਇਲਾਵਾ ਐਂਬਰਿਜ ਪਾਈਪਲਾਈਨ ਜਿਸ ਨੂੰ ਕਿ ਲਾਈਨ-5 ਵਜੋਂ ਵੀ ਜਾਣਿਆ ਜਾਂਦਾ ਹੈ, ਉਸ ਦੇ ਰੱਦ ਹੋਣ ਦੇ ਖਤਰੇ 'ਤੇ ਧਿਆਨ ਕਰਨ ਨੂੰ ਵੀ ਕਿਹਾ ਗਿਆ ਹੈ।
ਜੇਕਰ ਇਹ ਕੰਜ਼ਰਵੇਟਿਵ ਮਤਾ ਪਾਸ ਹੋ ਜਾਂਦਾ ਹੈ, ਤਾਂ ਕਮੇਟੀ ਇਹ ਵੀ ਵਿਚਾਰ ਕਰੇਗੀ ਕਿ ਕੈਨੇਡਾ ਸਰਕਾਰ ਕੀ ਕੰਮ ਕਰ ਰਹੀ ਹੈ, ਜਿਸ ਨਾਲ ਕੋਵਿਡ-19 ਵੈਕਸੀਨ ਦੀਆਂ ਖੁਰਾਕਾਂ ਦੀ ਸਹੀ ਸਪਲਾਈ ਜਾਰੀ ਰਹੇ।
