19.79C Vancouver 19.79C VancouverFeb 4, 2020 4:47 PM -
ਟਰਾਂਸ ਮਾਊਂਟਨ ਪਾਈਪਲਾਈਨ (Trans Mountain pipeline) ਦੇ ਵਿਸਥਾਰ ਨੂੰ ਦਿੱਤੀ ਗਈ ਚੁਣੌਤੀ ਦੇ ਮਾਮਲੇ ਵਿੱਚ ਅੱਜ ਫੈਡਰਲ ਕੋਰਟ ਆਫ ਅਪੀਲ (Federal Court of Appeal) ਵੱਲੋਂ ਅੱਜ ਫੈਸਲਾ ਸੁਣਾਇਆ ਗਿਆ।
ਪਿਛਲੇ ਸਾਲ ਜੂਨ ਵਿੱਚ ਫੈਡਰਲ ਸਰਕਾਰ ਵੱਲੋਂ ਪ੍ਰਾਜੈਕਟ ਨੂੰ ਦਿੱਤੀ ਹਰੀ ਝੰਡੀ ਤੋਂ ਬਾਅਦ ਬੀਸੀ ਦੇ ਚਾਰ ਫਰਸਟ ਨੇਸ਼ਨਜ਼ (First Nations) ਵੱਲੋਂ ਸਰਕਾਰ ਦੇ ਇਸ ਫੈਸਲੇ ਨੂੰ ਦਿੱਤੀ ਗਈ ਚੁਣੌਤੀ ਨੂੰ ਅੱਜ ਅਦਾਲਤ ਨੇ ਖਾਰਜ ਕਰ ਦਿੱਤਾ।
ਦਸੰਬਰ ਵਿੱਚ ਅਦਾਲਤ ਦੀ ਸੁਣਵਾਈ ਵਿੱਚ ਮੁੱਖ ਕੇਂਦਰ ਅਗਸਤ 2018 ਤੋਂ ਜੂਨ 2019 ਦਰਮਿਆਨ ਸਰਕਾਰ ਅਤੇ ਫਰਸਟ ਨੇਸ਼ਨਜ਼ ਵਿਚਕਾਰ ਸਲਾਹ ਮਸ਼ਵਰੇ ਦਾ ਦੌਰ ਸੀ।
ਪਿਛਲੇ ਮਹੀਨੇ ਦੀ ਸੁਣਵਾਈ ਵਿੱਚ ਕੁਝ ਫਰਸਟ ਨੇਸ਼ਨਸ ਦਾ ਕਹਿਣਾ ਸੀ ਕਿ ਸਰਕਾਰ ਵੱਲੋਂ ਉਨ੍ਹਾਂ ਦਾ ਪ੍ਰਤੀਕਰਮ ਜਾਨਣ ਤੋਂ ਪਹਿਲਾਂ ਹੀ ਫ਼ੈਸਲਾ ਲਿਆ ਜਾ ਚੁੱਕਿਆ ਸੀ।
ਫੈਡਰਲ ਸਰਕਾਰ ਨੇ ਆਪਣਾ ਪੱਖ ਪੇਸ਼ ਕਰਦੇ ਕਿਹਾ ਸੀ ਕਿ ਇਹ ਸਲਾਹ ਮਸ਼ਵਰਾ ਅਹਿਮ ਸੀ ਅਤੇ ਫਰਸਟ ਨੇਸ਼ਨਜ਼ ਦੇ ਦਿੱਤੇ ਸੁਝਾਵਾਂ ਉੱਤੇ ਅਮਲ ਕਰ ਵਾਤਾਵਰਨ ਦੀ ਸੰਭਾਲ ਸਬੰਧੀ ਅਹਿਮ ਫ਼ੈਸਲੇ ਲਏ ਗਏ ਸਨ।
2018 ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਰਕਾਰ ਨੇ ਇਸ ਪਾਈਪਲਾਈਨ ਨੂੰ $4.5 ਬਿਲੀਅਨ ਨਾਲ ਖਰੀਦਿਆ ਸੀ ਅਤੇ ਇਸ ਦੇ ਵਿਸਥਾਰ ਦਾ ਕੰਮ ਜਾਰੀ ਹੈ।
