15.25C Vancouver 15.25C VancouverMay 4, 2026 2:41 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਸਰਕਾਰ ਨੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਟੈਰਿਫ ਦੇ ਜਵਾਬ ਵਿਚ ਸੋਮਵਾਰ ਨੂੰ $1.5 ਬਿਲੀਅਨ ਦੇ ਨਵੇਂ ਟੈਰਿਫ ਰਿਲੀਫ ਪ੍ਰੋਗਰਾਮ ਦਾ ਐਲਾਨ ਕੀਤਾ ਹੈ। ਇੰਡਸਟਰੀ ਮਿਨਿਸਟਰੀ ਮੇਲਾਨੀ ਜੌਲੀ ਮੁਤਾਬਕ, ਇਹ ਪ੍ਰੋਗਰਾਮ ਸਸਤੀ ਦਰਾਂ 'ਤੇ ਲੋਨ ਦੇ ਰੂਪ ਵਿਚ ਸਟੀਲ, ਐਲਮੀਨੀਅਮ ਅਤੇ ਕੌਪਰ ਵਰਗੇ ਸੈਕਟਰ ਨੂੰ ਮਦਦ ਦੇਣ ਲਈ ਹੋਵੇਗਾ ਜੋ ਇਸ ਸਮੇਂ ਟੈਰਿਫ ਦੀ ਮਾਰ ਹੇਠ ਹਨ। ਇਸ ਕੁੱਲ ਰਕਮ ਵਿਚੋਂ $1 ਬਿਲੀਅਨ ਬਿਜ਼ਨਸ ਡਿਵੈਲਪਮੈਂਟ ਬੈਂਕ ਔਫ ਕੈਨੇਡਾ ਰਾਹੀਂ ਨਿਰਮਾਣ ਖੇਤਰ ਨੂੰ ਮਿਲਣਗੇ।
ਜੌਲੀ ਨੇ ਬਿਆਨ ਵਿਚ ਕਿਹਾ ਕਿ ਅੱਜ ਐਲਾਨੇ ਗਏ ਨਵੇਂ ਕਦਮ ਵਰਕਰਜ਼ ਦੀਆਂ ਜੌਬਸ ਨੂੰ ਸੁਰੱਖਿਅਤ ਕਰਨਗੇ ਅਤੇ ਇਹ ਯਕੀਨੀ ਬਣਾਉਣਗੇ ਕਿ ਕੰਪਨੀਆਂ ਕੋਲ ਉਹ ਸਾਧਨ ਅਤੇ ਵਿੱਤੀ ਸਹਾਇਤਾ ਹੋਵੇ ਜਿਸ ਦੀ ਉਨ੍ਹਾਂ ਨੂੰ ਕੰਮ ਜਾਰੀ ਰੱਖਣ, ਅੱਗੇ ਵਧਣ ਅਤੇ ਕੈਨੇਡਾ ਦੀ ਘਰੇਲੂ ਆਰਥਿਕਤਾ ਨੂੰ ਮਜ਼ਬੂਤ ਕਰਨ ਦੀ ਲੋੜ ਹੈ।
ਇਸ ਤੋਂ ਇਲਾਵਾ ਫੈਡਰਲ ਸਰਕਾਰ ਨੇ ਟੈਰਿਫਸ ਨਾਲ ਪ੍ਰਭਾਵਿਤ ਸਾਰੇ ਸੈਕਟਰਾਂ ਦੇ ਕਾਰੋਬਾਰਾਂ ਦੀ ਸਪੋਰਟ ਲਈ ਮੌਜੂਦਾ ਸਮੇਂ ਚਲਾਏ ਜਾ ਰਹੇ ਰਿਜ਼ਨਲ ਟੈਰਿਫ ਰਿਸਪਾਂਸ ਇਨੇਸ਼ੇਟਿਵ ਦਾ ਫੰਡ $500 ਮਿਲੀਅਨ ਵਧਾਉਣ ਦਾ ਫੈਸਲਾ ਕੀਤਾ ਹੈ।
