15.64C Vancouver 15.64C VancouverSep 17, 2020 9:23 PM -
ਕੋਵਿਡ-19 ਟੈਸਟਿੰਗ ਦੀ ਮੰਗ 'ਚ ਵਾਧੇ ਵਿਚਾਲੇ, ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਰੈਪਿਡ ਟੈਸਟਿੰਗ ਡਿਵਾਈਸਿਜ਼ ਦੀ ਉਪਲੱਬਧਤਾ ਨਾ ਹੋਣਾ, ਤਬਾਹੀ ਸਿੱਧ ਹੋ ਰਿਹਾ ਹੈ।
ਓ'ਟੂਲ ਅਤੇ ਉਨ੍ਹਾਂ ਦੇ ਪਰਿਵਾਰ ਨੇ ਕੱਲ ਔਟਵਾ 'ਚ ਟੈਸਟਿੰਗ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਕਈ ਘੰਟੇ ਦੀ ਉਡੀਕ ਤੋਂ ਬਾਅਦ, ਵਾਰੀ ਨਾ ਆਉਣ 'ਤੇ ਉਹ ਵਾਪਿਸ ਪਰਤ ਗਏ।
ਅੱਜ ਉਨ੍ਹਾਂ ਮੈਂਬਰ ਪਾਰਲੀਅਮੈਂਟਸ ਦੇ ਇੱਕ ਪ੍ਰੋਗਰਾਮ ਰਾਹੀਂ ਟੈਸਟ ਕਰਵਾਏ।
ਫੈਡਰਲ ਸਿਹਤ ਮੰਤਰੀ ਦਾ ਕਹਿਣਾ ਹੈ ਕਿ ਮਨਜ਼ੂਰੀ ਦਿੱਤੇ ਜਾਣ ਤੋਂ ਪਹਿਲਾਂ, ਰੈਪਿਡ ਟੈਸਟਿੰਗ ਡਿਵਾਈਸਿਜ਼ ਦਾ ਕੈਨੇਡਾ ਦੇ ਐਕਿਉਰੇਸੀ ਸਟੈਂਡਰਡਸ ਦੇ ਅਨੁਸਾਰ ਖਰਾ ਉੱਤਰਨਾ ਜ਼ਰੂਰੀ ਹੈ।
ਹਾਲਾਂਕਿ ਓ'ਟੂਲ ਦਾ ਕਹਿਣਾ ਹੈ ਕਿ ਅਮਰੀਕਾ ਸਮੇਤ ਕਈ ਹੋਰ ਦੇਸ਼ਾਂ 'ਚ ਇਨ੍ਹਾਂ ਦੀ ਵਰਤੋਂ ਹੋ ਰਹੀ ਹੈ, ਅਤੇ ਇਨ੍ਹਾਂ ਨੂੰ ਸੁਰੱਖਿਅਤ ਅਤੇ ਅਸਰਦਾਰ ਮੰਨਿਆ ਜਾ ਰਿਹਾ ਹੈ।
ਯਾਦ ਰਹੇ ਐਰਿਨ ਓ'ਟੂਲ, ਉਨ੍ਹਾਂ ਦੀ ਪਤਨੀ ਰਬੈਕਾ, ਅਤੇ ਬੱਚੇ ਮੌਲੀ ਅਤੇ ਜੈਕ ਖੁਦ ਨੂੰ ਇਕੱਲੇ 'ਚ ਰੱਖ ਰਹੇ ਹਨ।
ਪਾਰਟੀ ਦੇ ਇੱਕ ਮੈਂਬਰ ਦੇ ਵਾਇਰਸ ਤੋਂ ਪੀੜਤ ਪਾਏ ਜਾਣ ਤੋਂ ਬਾਅਦ, ਓ'ਟੂਲ ਪਰਿਵਾਰ ਵੱਲੋਂ ਸਾਵਧਾਨੀ ਵਰਤਦੇ ਹੋਏ ਅਜਿਹਾ ਕੀਤਾ ਜਾ ਰਿਹਾ ਹੈ।
