13.8C Vancouver 13.8C VancouverSep 15, 2023 6:07 PM - Connect News
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਆਪਣੇ ਛੋਟੇ ਕਾਰੋਬਾਰਾਂ ਨੂੰ ਮਹਾਂਮਾਰੀ ਦੌਰਾਨ ਦਿੱਤੇ ਲੋਨ ਦੀ ਮੁੜ ਅਦਾਇਗੀ ਦੀ ਸਮਾਂ-ਸੀਮਾ ਇੱਕ ਸਾਲ ਵਧਾ ਰਹੀ ਹੈ।
ਕੈਨੇਡਾ ਐਮਰਜੈਂਸੀ ਬਿਜ਼ਨਸ ਅਕਾਉਂਟ ਨੂੰ ਮਹਾਂਮਾਰੀ ਦੌਰਾਨ ਲਿਆਂਦਾ ਗਿਆ ਸੀ ਤਾਂ ਜੋ ਪਬਲਿਕ ਹੈਲਥ ਉਪਾਵਾਂ ਦੇ ਕਾਰਨ ਆਪਣੇ ਬੰਦ ਕੰਮ ਨੂੰ ਮੁੜ ਤੋਂ ਖੋਲਿਆ ਜਾ ਸਕੇ।
ਇਸ ਪ੍ਰੋਗਰਾਮ ਤਹਿਤ ਫੈਡਰਲ ਸਰਕਾਰ ਵੱਲੋਂ ਵਿਆਜ-ਮੁਕਤ ਕਰਜ਼ੇ ਦੀ ਪੇਸ਼ਕਸ਼ ਕੀਤੀ ਗਈ ਸੀ।
ਲੋਨ ਮੋੜਨ ਦੀ ਆਖ਼ਰੀ ਮਿਤੀ 2022 ਦੇ ਅੰਤ ਤੱਕ ਸੀ ਜਿਸਨੂੰ ਬਾਅਦ ਵਿੱਚ 2023 ਤੱਕ ਵਧਾ ਦਿੱਤਾ ਗਿਆ ਸੀ।
ਕੋਈ ਵੀ ਕਾਰੋਬਾਰ ਜੋ ਉਸ ਸਮਾਂ-ਸੀਮਾ ਤੱਕ ਲੋਨ ਨਹੀਂ ਮੋੜਦਾ, ਉਸ ‘ਤੇ ਵਿਆਜ ਪੈਣਾ ਸ਼ੁਰੂ ਹੋ ਜਾਵੇਗਾ ਅਤੇ ਉਸਨੂੰ 2025 ਦੇ ਅੰਤ ਤੱਕ ਕਰਜ਼ੇ ਦੀ ਪੂਰੀ ਅਦਾਇਗੀ ਕਰਨੀ ਪੈਣੀ ਸੀ।
ਪਰ ਉਹ ਸਮਾਂ-ਸੀਮਾ ਹੁਣ 2026 ਦੇ ਅੰਤ ਤੱਕ ਵਧਾ ਦਿੱਤੀ ਗਈ ਹੈ।
ਲੋਨ ਦੇ ਮੁਆਫ਼ੀ ਯੋਗ ਹਿੱਸੇ ਦੇ ਯੋਗ ਹੋਣ ਲਈ ਕਾਰੋਬਾਰਾਂ ਨੂੰ 18 ਜਨਵਰੀ 2024 ਤੱਕ ਦੀ ਇੱਕ ਛੋਟੀ ਐਕਸਟੈਂਸ਼ਨ ਵੀ ਦਿੱਤੀ ਗਈ ਹੈ।
19 ਜਨਵਰੀ ਤੱਕ ਭੁਗਤਾਨ ਨਾ ਕੀਤੇ ਜਾਣ ਵਾਲੇ ਸਾਰੇ ਕਰਜ਼ੇ 'ਤੇ 5% ਵਿਆਜ ਸ਼ੁਰੂ ਹੋ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਇਸ ਲੋਨ ਪ੍ਰੋਗਰਾਮ ਤਹਿਤ ਕਰੀਬ 900,000 ਕਾਰੋਬਾਰਾਂ ਨੂੰ ਤਕਰੀਬਨ $49 ਬਿਲੀਅਨ ਦਿੱਤੇ ਗਏ ਸਨ, ਪਰ 31 ਮਈ ਤੱਕ 21 % ਕਾਰੋਬਾਰਾਂ ਨੇ ਹੀ ਆਪਣੇ ਕਰਜ਼ੇ ਦੀ ਪੂਰਨ ਅਦਾਇਗੀ ਕੀਤੀ ਹੈ।
