11.51C Vancouver 11.51C VancouverMar 25, 2021 8:31 PM -
ਫੈਡਰਲ ਔਡੀਟਰ ਜਨਰਲ ਨੇ ਟਰੂਡੋ ਸਰਕਾਰ ਦੀ ਪੈਂਡੈਮਿਕ ਨੂੰ ਹੈਂਡਲ ਕਰਨ ਦੀ ਕੋਸ਼ਿਸ਼ 'ਤੇ ਮਿਲੀ-ਜੂਲੀ ਪ੍ਰਤੀਕਿਰਿਆ ਦਿੱਤੀ ਹੈ।
ਕੈਰਨ ਹੋਗਨ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਪੈਂਡੈਮਿਕ ਦੀ ਦਸਤਕ ਤੋਂ ਬਾਅਦ ਜਿੰਨਾ ਹੋ ਸਕੇ ਉੱਨੀ ਜਲਦੀ ਕੰਮ ਕਰਨ ਦੀ ਕੋਸ਼ਿਸ਼ ਕੀਤੀ।
ਪਰ ਦੂਜੇ ਪਾਸੇ ਇਹ ਵੀ ਦੱਸਿਆ ਗਿਆ ਹੈ ਕਿ ਸਰਕਾਰ ਕਿਸੇ ਅਜਿਹੇ ਪੈਂਡੈਮਿਕ ਲਈ ਪਹਿਲਾਂ ਤੋਂ ਤਿਆਰ ਨਹੀਂ ਸੀ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਸਰਕਾਰ ਦੇ ਵਿੱਤੀ ਸਹਿਯੋਗ ਪ੍ਰੋਗਰਾਮ (financial support program) ਚੰਗੇ ਸਾਬਿਤ ਹੋਏ।
ਹੋਗਨ ਦੀ ਰਿਪੋਰਟ 'ਚ ਦੱਸਿਆ ਗਿਆ ਕਿ ਪਬਲਿਕ ਹੈਲਥ ਏਜੈਂਸੀ ਆਫ ਕੈਨੇਡਾ ਨੇ ਕਈ ਸਾਲ ਤਕ ਪੈਂਡੈਮਿਕ ਸੰਬੰਧੀ ਤਿਆਰੀ ਲਈ ਗੌਰ ਨਹੀਂ ਕੀਤਾ ਸੀ।
ਕੈਰਨ ਹੋਗਨ ਨੇ ਇੱਕ ਮਾਮਲੇ 'ਚ ਕਿਹਾ ਕਿ ਕੈਨੇਡਾ ਰਾਸ਼ਟਰੀ ਕੁਆਰੰਟੀਨ ਪ੍ਰੋਗਰਾਮ ਲਈ ਤਿਆਰ ਨਹੀਂ ਸੀ।
ਹੋਗਨ ਨੇ ਕਿਹਾ ਕਿ ਸਰਕਾਰ ਦੇ ਵਿੱਤੀ ਸਹਿਯੋਗ ਪ੍ਰੋਗਰਾਮ ਚੰਗੇ ਜ਼ਰੂਰ ਰਹੇ ਪਰ ਹੁਣ ਇਹ ਪੁਖਤਾ ਕਰਨ ਦੀ ਲੋੜ ਹੋਵੇਗੀ ਕਿ ਪੈਸਾ ਜਿੱਥੇ ਪਹੁੰਚਾਇਆ ਜਾਣਾ ਸੀ ਉੱਥੇ ਹੀ ਪਹੁੰਚਿਆ ਜਾਂ ਨਹੀਂ।
