12.04C Vancouver 12.04C VancouverApr 27, 2021 10:17 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਭਾਰਤ ਤੋਂ ਆ ਰਹੀਆਂ ਕੋਵਿਡ-19 ਕਾਰਨ ਖੜੀਆਂ ਹੋਈਆਂ ਗੰਭੀਰ ਪਰਿਸਥਿਤੀਆਂ ਦੀਆਂ ਖਬਰਾਂ ਬੇਹੱਦ ਨਿਰਾਸ਼ਾਜਨਕ ਹਨ।
ਉਨ੍ਹਾਂ ਕਿਹਾ ਕਿ ਮੁਸੀਬਤ ਦੀ ਇਸ ਘੜੀ 'ਚ ਕੈਨੇਡਾ ਭਾਰਤ ਦੇ ਨਾਲ ਖੜਾ ਹੈ।
ਟਰੂਡੋ ਨੇ ਕਿਹਾ ਸੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਮਾਰਕ ਗਾਰਨੇਉ ਦੀ ਆਪਣੇ ਭਾਰਤ ਦੇ ਹਮਰੁਤਬਾ ਨਾਲ ਗੱਲਬਾਤ ਹੋਈ ਹੈ।
ਟਰੂਡੋ ਨੇ ਦੱਸਿਆ ਕਿ ਭਾਰਤੀ ਰੈਡ ਕਰੌਸ ਨੂੰ ਕਨੇਡੀਅਨ ਰੈਡ ਕਰੌਸ ਰਾਹੀਂ ਮਦਦ ਲਈ $10 ਮਿਲੀਅਨ ਦੀ ਰਾਸ਼ੀ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਅੱਜ ਗਾਰਨੇਉ ਆਪਣੇ ਪਾਕਿਸਤਾਨ ਦੇ ਹਮਰੁਤਬਾ ਨਾਲ ਵੀ ਗੱਲਬਾਤ ਕਰਨਗੇ।
ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਸਥਿਤੀ ਬਾਰੇ ਕਨੇਡੀਅਨਸ ਵੀ ਚਿੰਤਤ ਹਨ।
ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਹੈ ਕਿ ਵਿਸ਼ਵ 'ਚ ਕਿਸੇ ਨੂੰ ਵੀ ਲੋੜ ਹੈ ਤਾਂ ਉਨ੍ਹਾਂ ਦੀ ਮਦਦ ਲਈ ਤਿਆਰ ਰਿਹਾ ਜਾਵੇ ਕਿਉਂਕਿ ਇਸ ਪੈਂਡੈਮਿਕ ਤੋਂ ਉਸ ਵੇਲੇ ਤਕ ਰਾਹਤ ਨਹੀਂ ਮਿਲ ਸਕਦੀ ਜਦ ਤਕ ਕਿ ਸਾਰਿਆਂ ਨੂੰ ਇਸ 'ਤੇ ਜਿੱਤ ਹਾਸਿਲ ਨਹੀਂ ਹੋ ਜਾਂਦੀ।
ਟਰੂਡੋ ਨੇ ਕਿਹਾ ਵੈਕਸੀਨ ਹਾਸਿਲ ਕਰਨ ਲਈ ਅਮਰੀਕਾ ਨਾਲ ਰੱਖਿਆ ਜਾ ਰਿਹਾ ਰਾਬਤਾ
ਕੈਨੇਡਾ ਵੱਲੋਂ ਭਰੋਸਾ ਜ਼ਾਹਿਰ ਕੀਤਾ ਜਾ ਰਿਹਾ ਹੈ ਕਿ ਕੋਵਿਡ-19 ਦੀਆਂ ਹੋਰ ਵੈਕਸੀਨ ਹਾਸਿਲ ਹੋ ਸਕਣਗੀਆਂ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦੀ ਬੀਤੇ ਹਫ਼ਤੇ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨਾਲ ਚੰਗੀ ਗੱਲਬਾਤ ਹੋਈ ਸੀ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਦੀ ਸਰਕਾਰ ਨਾਲ ਰਾਬਤਾ ਰੱਖਿਆ ਜਾ ਰਿਹਾ ਹੈ ਕਿ ਹੋਰ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਹਾਸਿਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਅਮਰੀਕਾ ਵੱਲੋਂ ਬੀਤੇ ਕੱਲ ਜਾਣਕਾਰੀ ਦਿੱਤੀ ਗਈ ਸੀ ਕਿ ਵੈਕਸੀਨ ਦੀਆਂ 60 ਮਿਲੀਅਨ ਖੁਰਾਕਾਂ ਹੋਰ ਦੇਸ਼ਾਂ 'ਚ ਵੰਢ ਲਈ ਭੇਜੀਆਂ ਜਾਣਗੀਆਂ।
ਵਾਈਟ ਹਾਊਸ ਦਾ ਕਹਿਣਾ ਹੈ ਕਿ ਇਸ ਵੈਕਸੀਨ ਦਾ ਕੁਝ ਹਿੱਸਾ ਮੁਸ਼ਕਿਲ ਹਾਲਾਤਾਂ ਦਾ ਸਾਹਮਣਾ ਕਰ ਰਹੇ ਭਾਰਤ ਨੂੰ ਭੇਜਿਆ ਜਾਵੇਗਾ।
