12.96C Vancouver 12.96C VancouverSep 14, 2023 5:27 PM - Connect News
ਫੈਡਰਲ ਲਿਬਰਲ ਸਰਕਾਰ ਵੱਲੋਂ ਨਵੇਂ ਰੈਂਟਲ ਹਾਊਸਿੰਗ ਬਣਾਉਣ ਲਈ ਇਸਤੇਮਾਲ ਹੁੰਦੇ ਮਟੀਰੀਅਲ ਅਤੇ ਵਰਕਫ਼ੋਰਸ ਨਾਲ ਜੁੜੇ ਖਰਚਿਆਂ 'ਤੇ ਲੱਗਦੀ ਜੀ ਐੱਸ ਟੀ ਹਟਾਉਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
ਇਹ ਜਾਣਕਾਰੀ ਸਰਕਾਰ ਦੇ ਇੱਕ ਸੀਨੀਅਰ ਅਧਿਕਾਰੀ ਵੱਲੋਂ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਦਿੱਤੀ ਗਈ ਹੈ।
ਫੈਡਰਲ ਲਿਬਰਲਸ ਦੀ ਚੱਲ ਰਹੀ ਕਾਕਸ ਰੀਟ੍ਰੀਟ ਵਿੱਚ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਵੱਲੋਂ ਇਹ ਐਲਾਨ ਕੀਤਾ ਜਾ ਸਕਦਾ ਹੈ।
ਹਾਲ ਹੀ ਵਿੱਚ ਆਈਆਂ ਪੋਲਸ ਵਿੱਚ ਫੈਡਰਲ ਲਿਬਰਲ ਪਾਰਟੀ ਦੇ ਸਮਰਥਨ ਵਿੱਚ ਗਿਰਾਵਟ ਆਉਂਦੀ ਨਜ਼ਰ ਆ ਰਹੀ, ਉੱਥੇ ਹੀ ਲਿਬਰਲ ਪਾਰਟੀ ਦੇ ਐੱਮਪੀਜ਼ ਅਗਲੇ ਹਫ਼ਤੇ ਸ਼ੁਰੂ ਹੋਣ ਵਾਲੇ ਪਾਰਲੀਮੈਂਟ ਦੇ ਫਾਲ ਸੀਜ਼ਨ ਲਈ ਆਪਣੀਆਂ ਰਣਨੀਤੀਆਂ ਬਣਾ ਰਹੇ ਹਨ।
ਲਿਬਰਲ ਪਾਰਟੀ ਦੀ ਲੰਡਨ ਓਨਟਾਰੀਓ ਵਿੱਚ ਚੱਲ ਰਹੀ ਤਿੰਨ ਦਿਨਾਂ ਰੀਟ੍ਰੀਟ ਵਿੱਚ ਹਿੱਸਾ ਲੈਣ ਲਈ ਪਾਰਟੀ ਦੇ 158 ਐੱਮਪੀਜ਼ ਵਿੱਚੋਂ ਬਹੁਤ ਉੱਥੇ ਪਹੁੰਚੇ ਹੋਏ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਇਨ੍ਹਾਂ ਐੱਮਪੀਜ਼ ਤੋਂ ਜਾਣਨਾ ਚਾਹੁੰਦੇ ਹਨ ਕਿ ਉਨ੍ਹਾਂ ਦੀ ਮੰਗ ਕੀ ਹੈ।
ਹੈਲੀਫੈਕਸ ਦੇ ਐੱਮ ਪੀ ਐਂਡੀ ਫਿਲਮੋਰ ਦਾ ਕਹਿਣਾ ਹੈ ਕਿ ਹੁਣ ਤੱਕ ਬਹੁਤੀ ਗੱਲਬਾਤ ਸਮਰੱਥਾ ਵਧਾਉਣ 'ਤੇ ਹੀ ਕੇਂਦਰਿਤ ਰਹੀ ਹੈ।
ਇਸ ਇਲਾਵਾ ਕੱਲ ਵਾਲੀ ਮੀਟਿੰਗ ਵਿੱਚ ਕਲਾਈਮੇਟ ਚੇਂਜ਼ ਦਾ ਮੁੱਦਾ ਵੀ ਵਿਚਾਰਿਆ ਗਿਆ।
ਅੱਜ ਦੇ ਦਿਨ ਵਾਸਤੇ ਦੋ ਹੋਰ ਨੈਸ਼ਨਲ ਕਾਕਸ ਮੀਟਿੰਗਾਂ ਦੀ ਯੋਜਨਾ ਕੀਤੀਆਂ ਜਾਣਗੀਆਂ।
ਐੱਨ ਡੀ ਪੀ ਜੋ ਕਿ ਨਵੇਂ ਕਿਰਾਏ ਦੇ ਮਕਾਨਾਂ ਤੋਂ ਜੀ ਐੱਸ ਟੀ ਦੇ ਫੈਡਰਲ ਹਿੱਸੇ ਨੂੰ ਹਟਾਉਣ ਦੀ ਮੰਗ ਕਰ ਰਹੀ ਸੀ ਉਸ ਨੇ ਇਸ ਕਦਮ ਦਾ ਸਵਾਗਤ ਕੀਤਾ ਹੈ।
