ਫ਼ੈਡਰਲ ਸਰਕਾਰ ਨੇ ਖਾਰਿਜ ਕੀਤਾ ਯੂਕਰੇਨ ਦੇ ਜਹਾਜ਼ ਨੂੰ ਡੇਗਣ ਪਿੱਛੇ ਇਰਾਨ ਦਾ ਮਨੁੱਖੀ ਗਲਤੀ ਦਾ ਦਾਅਵਾ

ਫੈਡਰਲ ਸਰਕਾਰ ਨੇ ਇਰਾਨ ਦੀ ਉਸ ਵਿਆਖਿਆ ਨੂੰ ਖਾਰਿਜ ਕੀਤਾ ਹੈ ਜਿੱਥੇ ਯੂਕਰੇਨ ਦੇ ਹਵਾਈ ਜਹਾਜ਼ ਨੂੰ ਗਿਰਾਉਣ ਪਿੱਛੇ ਮਨੁੱਖੀ ਗਲਤੀ ਨੂੰ ਵਜ੍ਹਾ ਦੱਸਿਆ ਗਿਆ ਹੈ।

ਤਹਿਰਾਨ ਤੋਂ ਉਡਾਣ ਭਰਨ ਤੋਂ ਬਾਅਦ ਯੂਕਰੇਨ ਇੰਟਰਨੈਸ਼ਨਲ ਏਅਰਲਾਈਨਸ ਫਲਾਈਟ 7-52 (Ukraine International Airlines Flight 7-52) 'ਤੇ ਇਰਾਨ ਦੇ ਰੈਵਿਉਲਸ਼ਨਰੀ ਗਾਰਡ (Revolutionary Guard) ਨੇ 2 ਮਿਸਾਇਲਾਂ ਦਾਗ ਦਿੱਤੀਆਂ ਸਨ।

ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਮਾਰਕ ਗਾਰਨੇਉ ਅਤੇ ਟਰਾਂਸਪੋਰਟ ਮੰਤਰੀ ਓਮਰ ਅਲਘਾਬਰਾ ਨੇ ਇਸ ਸੰਬੰਧੀ ਜਾਰੀ ਕੀਤੇ 145 ਪੰਨਿਆਂ ਦੇ ਦਸਤਾਵੇਜ ਨੂੰ ਖਾਰਿਜ ਕੀਤਾ ਹੈ।

ਇਸ ਨੂੰ ਇਰਾਨ ਦੀ ਸਿਵਿਲ ਏਵੀਏਸ਼ਨ ਔਰਗੇਨਾਈਜ਼ੇਸ਼ਨ (Civil Aviation Organization) ਦੀ ਵੈਬਸਾਈਟ 'ਤੇ ਸਾਂਝਾ ਕੀਤਾ ਗਿਆ ਹੈ।

ਉਨ੍ਹਾਂ ਕਿਹਾ ਕਿ ਰਿਪੋਰਟ 'ਚ ਕੋਈ ਕੋਸ਼ਿਸ਼ ਨਹੀਂ ਕੀਤੀ ਗਈ ਹੈ ਕਿ ਅਹਿਮ ਸਵਾਲਾਂ ਬਾਰੇ ਸੱਚਾਈ ਉਜਾਗਰ ਕੀਤੀ ਜਾਵੇ।

ਯਾਦ ਰਹੇ ਇਸ ਘਟਨਾ 'ਚ 176 ਲੋਕਾਂ ਦੀ ਮੌਤ ਹੋ ਗਈ ਸੀ ਜਿਸ 'ਚ 55 ਕਨੇਡੀਅਨ ਨਾਗਰਿਕ ਅਤੇ 30 ਪਰਮਾਨੈਂਟ ਰੈਜ਼ੀਡੈਂਟ ਸ਼ਾਮਿਲ ਸਨ।

ਓਮਰ ਅਲਘਾਬਰਾ ਦਾ ਟਵੀਟ:

The final report from Iran into Ukraine International Airlines Flight 752, which was shot down by them on Jan 8, 2020, was just released. The report is incomplete & ignores many unanswered questions. In the coming days, our government will issue a formal response and next steps.