13.76C Vancouver 13.76C VancouverAug 30, 2022 8:24 PM - The Canadian Press
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਦੇਸ਼ 'ਚ 17,000 ਘਰਾਂ ਦੀ ਉਸਾਰੀ ਕੀਤੀ ਜਾਵੇਗੀ। ਇਸ ਦੇ ਤਹਿਤ $2 ਬਿਲੀਅਨ ਖਰਚੇ ਜਾਣ ਦਾ ਐਲਾਨ ਕੀਤਾ ਗਿਆ ਹੈ।
ਇਸ 'ਚ ਹਜ਼ਾਰਾਂ ਅਫੋਰਡੇਬਲ ਯੂਨਿਟਸ ਸ਼ਾਮਿਲ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਔਂਟੈਰੀਓ 'ਚ ਕਿਚਨਰ ਦੇ ਇਲਾਕੇ 'ਚ ਪਹੁੰਚ ਕੀਤੀ ਸੀ ਅਤੇ ਇਸ ਮੌਕੇ ਹਾਊਸਿੰਗ ਮੰਤਰੀ ਐਹਮਦ ਹੁਸੈਨ ਦੀ ਮੌਜੂਦਗੀ 'ਚ ਐਲਾਨ ਕੀਤਾ ਹੈ।
ਉਨ੍ਹਾਂ ਐਲਾਨ ਕੀਤਾ ਕਿ ਰੈਪਿਡ ਹਾਊਸਿੰਗ ਇਨੀਸ਼ੀਏਟਿਵ ਨੂੰ ਤੀਜੇ ਦੌਰ ਲਈ ਐਕ੍ਸਟੈਂਡ ਕੀਤਾ ਜਾਵੇਗਾ ਜਿਸ ਦੌਰਾਨ 4,500 ਅਫੋਰਡੇਬਲ ਹਾਊਸਿੰਗ ਯੂਨਿਟ ਤਿਆਰ ਕੀਤੇ ਜਾਣਗੇ।
ਜਾਣਕਾਰੀ ਦਿੱਤੀ ਗਈ ਕਿ ਇਸ 'ਚ ਕੁਝ ਯੂਨਿਟਸ ਨੂੰ ਔਰਤਾਂ ਦੀ ਹਾਊਸਿੰਗ 'ਤੇ ਕੇਂਦਰਿਤ ਰੱਖਿਆ ਜਾਵੇਗਾ ਅਤੇ ਕੁਝ ਹੋਮਲੈਸਨੈਸ ਪ੍ਰੋਜੈਕਟਸ ਦਾ ਹਿੱਸਾ ਹੋਣਗੇ।
ਇਸੇ ਦੌਰਾਨ ਘਟੋ-ਘੱਟ 10,800 ਘਰਾਂ ਦੀ ਉਸਾਰੀ ਅਫੋਰਡੇਬਲ ਹਾਊਸਿੰਗ ਇਨੋਵੇਸ਼ਨ ਫੰਡ ਆਸਰੇ ਕੀਤੀ ਜਾਵੇਗੀ ਅਤੇ ਦੱਸਿਆ ਗਿਆ ਕਿ ਇਸ 'ਚ 6,000 ਘਰ ਅਫੋਰਡੇਬਲ ਯੂਨਿਟਸ ਹੋਣਗੇ।
ਫੈਡਰਲ ਸਰਕਾਰ ਵੱਲੋਂ ਇੱਕ 5 ਸਾਲਾ ਰੈਂਟ ਟੁ ਓਨ ਪ੍ਰੋਗਰਾਮ ਵੀ ਚਲਾਇਆ ਜਾਵੇਗਾ ਜਿਸ ਤਹਿਤ ਰੈਂਟ ਟੁ ਓਨ ਮਾਡਲਸ ਅਤੇ ਪ੍ਰੋਜੈਕਟਸ ਨੂੰ ਵਿਕਸਿਤ ਅਤੇ ਟੈਸਟ ਕਰਨ 'ਚ ਮਦਦ ਹੋ ਸਕੇਗੀ।
ਇਨ੍ਹਾਂ ਪ੍ਰੋਜੈਕਟਸ ਲਈ ਫੰਡਿੰਗ ਸਾਲ 2021 ਅਤੇ 2022 ਦੇ ਬਜਟ 'ਚ ਐਲੋਕੇਟ ਕੀਤੀ ਜਾ ਚੁੱਕੀ ਹੈ।
