10.53C Vancouver 10.53C VancouverOct 27, 2020 11:39 PM -
ਬੀ.ਸੀ. ਦੇ 3 ਪ੍ਰਮੁੱਖ ਸ਼ਹਿਰਾਂ 'ਚ ਫੈਡਰਲ ਸਰਕਾਰ ਦੇ 'ਰੈਪਿਡ ਹਾਊਸਿੰਗ ਇਨੀਸ਼ੀਏਟਿਵ' ਦੇ ਤਹਿਤ ਕਰੀਬ 80 ਮਿਲੀਅਨ ਡਾਲਰ ਦਾ ਸਹਿਯੋਗ ਮਿਲਣ ਜਾ ਰਿਹਾ ਹੈ।
ਇਸ ਪ੍ਰੋਗਰਾਮ ਦਾ ਐਲਾਨ ਅੱਜ ਸਵੇਰੇ ਫੈਡਰਲ ਸਰਕਾਰ ਵੱਲੋਂ ਕੀਤਾ ਗਿਆ ਸੀ।
ਇਸ 'ਚ ਕੈਨੇਡਾ ਦੇ 15 ਸ਼ਹਿਰਾਂ ਨੂੰ 500 ਮਿਲੀਅਨ ਡਾਲਰ ਦਿੱਤੇ ਜਾ ਰਹੇ ਹਨ।
ਲੋਅ-ਇੰਕਮ ਹਾਊਸਿੰਗ ਲਈ ਪ੍ਰਾਪਰਟੀਆਂ ਖਰੀਦਣ ਲਈ ਇਸ ਫੰਡ ਦੀ ਵਰਤੋਂ ਕੀਤੀ ਜਾਵੇਗੀ।
ਇਸ 'ਚ ਵੈਨਕੂਵਰ ਨੂੰ $51.5 ਮਿਲੀਅਨ ਦਾ ਫੰਡ ਹਾਸਿਲ ਹੋਣ ਜਾ ਰਿਹਾ ਹੈ।
ਇਸ ਤੋਂ ਇਲਾਵਾ ਇਸੇ ਸੂਚੀ 'ਚ ਸਰੀ ਨੂੰ $16.1 ਮਿਲੀਅਨ ਦਾ ਫੰਡ ਹਾਸਿਲ ਹੋਵੇਗਾ।
ਵਿਕਟੋਰੀਆ ਨੂੰ $13 ਮਿਲੀਅਨ ਦਿੱਤੇ ਜਾ ਰਹੇ ਹਨ।
ਕੈਨੇਡਾ ਦੇ ਸਭ ਤੋਂ ਵੱਡੇ ਸ਼ਹਿਰ ਟੋਰੌਂਟੋ ਨੂੰ ਇਸ ਸੂਚੀ 'ਚ ਸਭ ਤੋਂ ਵੱਧ $203 ਮਿਲੀਅਨ ਹਾਸਿਲ ਹੋਣਗੇ।
ਵੈਨਕੂਵਰ ਦੇ ਮੇਯਰ ਕੈਨੇਡੀ ਸਟੀਵਰਟ ਨੇ ਇਸ ਯੋਗਦਾਨ ਦਾ ਸਵਾਗਤ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਪਤਾ ਚਲਦਾ ਹੈ ਕਿ ਫੈਡਰਲ ਸਰਕਾਰ ਮਯੂਨੀਸੀਪੈਲਿਟੀ ਦੇ ਬੇਘਰੀ ਦੇ ਸਮੱਸਿਆ ਨਾਲ ਲੜਨ ਨੂੰ ਅਹਿਮੀਅਤ ਦਿੰਦੀ ਹੈ।
