13.8C Vancouver 13.8C VancouverNov 8, 2021 9:33 PM - The Canadian Press
ਅੱਜ ਇੰਡੀਜਨਸ ਵੈਟਰਨਸ ਡੇਅ ਮੌਕੇ ਫੈਡਰਲ ਇਮਾਰਤਾਂ 'ਤੇ ਕੈਨੇਡਾ ਦੇ ਰਾਸ਼ਟਰੀ ਝੰਡੇ ਨੂੰ ਹਾਫ-ਮਾਸਟ 'ਤੇ ਰੱਖਿਆ ਗਿਆ ਹੈ।
ਅਜਿਹਾ 12,000 ਤੋਂ ਵਧੇਰੇ ਇੰਡੀਜਨਸ ਵੈਟਰਨਸ ਦੀਆਂ ਕੁਰਬਾਨੀਆਂ ਦੇ ਸਨਮਾਨ 'ਚ ਕੀਤਾ ਗਿਆ ਹੈ।
ਇਸ 'ਚ 500 ਤੋਂ ਵਧੇਰੇ ਨੇ ਜਾਨ ਗਵਾ ਦਿੱਤੀ ਸੀ ਜਦਕਿ ਅਨੇਕਾਂ ਹੋਰ ਜਖਮੀ ਹੋਏ ਸਨ।
ਇਨ੍ਹਾਂ ਵੈਟਰਨਸ ਨੇ ਪਹਿਲੇ ਅਤੇ ਦੂਜੇ ਵਿਸ਼ਵ ਯੁੱਧ ਅਤੇ ਕੋਰੀਅਨ ਝਗੜੇ 'ਚ ਭੂਮਿਕਾ ਨਿਭਾਈ ਸੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਲਿਬਰਲ ਕੌਕਸ ਨੂੰ ਸੰਬੋਧਤ ਕਰਦੇ ਹੋਏ ਕਿਹਾ ਕਿ ਦੇਸ਼ ਦੀ ਸੇਵਾ ਕਰਨ ਵਾਲੇ ਇੰਡੀਜਨਸ ਲੋਕਾਂ ਨੂੰ ਕਈ ਵਾਰ ਭੇਦਭਾਵ ਅਤੇ ਅੜਿੱਕਿਆਂ ਦਾ ਸਾਹਮਣਾ ਕਰਨਾ ਪਿਆ ਸੀ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਕੈਨੇਡਾ ਦੇ ਸਭ ਤੋਂ ਡੈਕੋਰੇਟਿਡ ਇੰਡੀਜਨਸ ਸਿਪਾਹੀਆਂ 'ਚ ਸ਼ਾਮਿਲ, ਟੌਮੀ ਪ੍ਰਿੰਸ ਦੇ ਇੱਕ ਵੀਡੀਓ ਦਾ ਜਿਕਰ ਕੀਤਾ।
ਉਨ੍ਹਾਂ ਦੱਸਿਆ ਕਿ ਟੌਮੀ ਪ੍ਰਿੰਸ ਦੇ ਜੰਗ ਤੋਂ ਪਰਤਣ ਮਗਰੋਂ ਉਨ੍ਹਾਂ ਦੇ ਵੈਟਰਨ ਬੈਨੀਫਿਟ ਰੋਕ ਦਿੱਤੇ ਗਏ ਸਨ ਅਤੇ ਉਹ ਬੇਘਰ ਹੋ ਗਿਆ ਸੀ।
