15.65C Vancouver 15.65C VancouverSep 15, 2021 5:17 PM -
ਦੇਸ਼ ਦੇ ਫੈਡਰਲ ਲੀਡਰ ਕਨੇਡੀਅਨ ਆਰਮਡ ਫੋਰਸਿਸ 'ਚ ਜਿਨਸੀ ਬਦਸਲੂਕੀ ਦੇ ਮਸਲਿਆਂ ਨਾਲ ਸਖਤੀ ਨਾਲ ਨਜਿੱਠਣ ਲਈ ਇੱਕਜੁਟ ਵਿਖਾਈ ਦੇ ਰਹੇ ਹਨ।
ਹਾਲਾਂਕਿ ਇਸ ਦਾ ਇਹ ਅਰਥ ਨਹੀਂ ਹੈ ਕਿ ਇਹਨਾਂ ਫੈਡਰਲ ਲੀਡਰਾਂ ਦੇ ਤਰੀਕੇ ਵੀ ਇੱਕੋ ਜਿਹੇ ਹੋਣ।
ਅੱਜ ਔਂਟੈਰੀਓ 'ਚ ਚੋਣ ਪ੍ਰਚਾਰ ਕਰ ਰਹੇ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਬਣੀ ਤਾਂ ਰਿਟਾਇਰਡ ਸੁਪ੍ਰੀਮ ਕੋਰਟ ਜਸਟਿਸ ਮਾਰੀ ਡੀਸ਼ੈਂਪਸ ਦੀਆਂ ਸਿਫਾਰਸ਼ਾਂ ਅਨੁਸਾਰ ਇਸ 'ਤੇ ਕੰਮ ਕੀਤਾ ਜਾਵੇਗਾ।
ਉਨ੍ਹਾਂ ਸਾਲ 2015 'ਚ ਇੱਕ ਇੰਡੀਪੈਂਡੈਂਟ ਸੈਂਟਰ ਸਥਾਪਿਤ ਕਰਨ ਦੀ ਮੰਗ ਕੀਤੀ ਸੀ ਜੋ ਕਿ ਮਿਲਟਰੀ ਨੂੰ ਜਿਨਸੀ ਬਦਸਲੂਕੀ ਲਈ ਜਵਾਬਦੇਹ ਬਣਾ ਸਕੇ।
ਉੱਧਰ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਉਹ ਅਜਿਹੇ ਮਾਮਲਿਆਂ ਲਈ ਇੱਕ ਸੁਤੰਤਰ ਜਾਂਚ ਵਿਭਾਗ ਬਣਾਉਣਗੇ।
ਉਨ੍ਹਾਂ ਕਿਹਾ ਕਿ ਸੀਨੀਅਰ ਲੀਡਰਾਂ ਦੇ ਕਿਸੇ ਅਜਿਹੇ ਮਾਮਲੇ 'ਚ ਸ਼ਾਮਿਲ ਹੋਣ 'ਤੇ ਉਸ ਮਾਮਲੇ ਦੇ ਖਤਮ ਹੋਣ ਤਕ ਲੀਡਰਾਂ ਦੀ ਪ੍ਰਮੋਸ਼ਨ ਰੋਕ ਲਈ ਜਾਵੇਗੀ।
ਹਾਲਾਂਕਿ ਲਿਬਰਲ ਲੀਡਰ ਜਸਟਿਨ ਟਰੂਡੋ ਨੇ ਸੁਤੰਤਰ ਸੰਸਥਾ ਸਥਾਪਿਤ ਕਰਨ ਦਾ ਵਾਅਦਾ ਨਹੀਂ ਕੀਤਾ ਹੈ ਅਤੇ ਉਨ੍ਹਾਂ ਕਿਹਾ ਕਿ ਸਰਕਾਰ 'ਚ ਆਏ ਤਾਂ ਰਿਟਾਇਰਡ ਸੁਪ੍ਰੀਮ ਕੋਰਟ ਜਸਟਿਸ ਲੁਈਸ ਆਰਬੋਰ ਦੀਆਂ ਸਿਫਾਰਸ਼ਾਂ ਨੂੰ ਲਾਗੂ ਕੀਤਾ ਜਾਵੇਗਾ।
