23.61C Vancouver 23.61C VancouverJun 29, 2022 8:28 PM - The Canadian Press
ਬੀ.ਸੀ. ਦੇ ਅਟੌਰਨੀ ਜਨਰਲ ਡੇਵਿਡ ਇਬੀ ਨੇ ਐਲਾਨ ਕੀਤਾ ਹੈ ਕਿ ਪਰਡੀਉ ਫਾਰਮਾ ਕੈਨੇਡਾ ਦੇ ਨਾਲ $150 ਮਿਲੀਅਨ ਦਾ ਸੈਟਲਮੈਂਟ ਹੋ ਗਿਆ ਹੈ।
ਮਾਮਲਾ ਓਪਿਓਇਡ ਅਧਾਰਿਤ ਦਰਦ ਲਈ ਵਰਤੀ ਜਾਣ ਵਾਲੀ ਮੈਡੀਕੇਸ਼ਨ ਦੀ ਵਿਕਰੀ ਅਤੇ ਮਾਰਕੀਟਿੰਗ 'ਤੇ ਆਏ ਹੈਲਥ ਕੇਅਰ ਖਰਚਿਆਂ ਦੀ ਰਿਕਵਰੀ ਨਾਲ ਸੰਬੰਧਤ ਹੈ।
ਡੇਵਿਡ ਇਬੀ ਨੇ ਦੱਸਿਆ ਕਿ ਬੀ.ਸੀ. ਵੱਲੋਂ ਪ੍ਰੋਵਿੰਸ਼ੀਅਲ ਅਤੇ ਫੈਡਰਲ ਸਰਕਾਰਾਂ ਨਾਲ ਮਿਲ ਕੇ ਕੰਮ ਕੀਤਾ ਜਾਵੇਗਾ ਤਾਂ ਜੋ ਇਸ ਪੈਸੇ ਦੀ ਵੰਢ ਸੰਬੰਧਤ ਫੈਸਲਾ ਕੀਤਾ ਜਾ ਸਕੇ।
ਕੰਪਨੀ ਦੇ ਡਰੱਗਸ ਸੰਬੰਧੀ ਹਰ ਸੂਬੇ 'ਤੇ ਪਏ ਪ੍ਰਭਾਵ ਅਨੁਸਾਰ ਪੈਸੇ ਦੀ ਵੰਢ ਦੀ ਗੱਲ ਆਖੀ ਗਈ ਹੈ।
ਇਬੀ ਨੇ ਕਿਹਾ ਕਿ ਇਹ ਫੈਸਲਾ ਸਰਕਾਰੀ ਹੈਲਥ ਕੇਅਰ ਖਰਚਿਆਂ ਸੰਬੰਧੀ ਕਨੇਡੀਅਨ ਇਤਿਹਾਸ ਦਾ ਸਭ ਤੋਂ ਵੱਡਾ ਸੈਟਲਮੈਂਟ ਹੈ।
ਉਨ੍ਹਾਂ ਕਿਹਾ ਕਿ ਇਸ ਦੇ ਲਈ ਕੈਨੇਡਾ 'ਚ ਵੱਖੋ-ਵੱਖਰੀਆਂ ਸਰਕਾਰਾਂ ਨੇ ਸਹਿਮਤੀ ਜਾਹਿਰ ਕੀਤੀ ਹੈ।
ਇਸ ਮਾਮਲੇ 'ਚ ਬੀ.ਸੀ. ਵੱਲੋਂ ਸਾਲ 2018 'ਚ ਕਲਾਸ ਐਕਸ਼ਨ ਮੁਕੱਦਮਾ ਠੋਕਿਆ ਗਿਆ ਸੀ।
