9.78C Vancouver 9.78C VancouverNov 17, 2023 7:45 PM - Connect News
ਕੈਨੇਡਾ ਦੇ ਗੰਭੀਰ ਅਪਰਾਧ ਦੇ ਮਾਮਲਿਆਂ ਦੀ ਜਾਂਚ ਕਰਨ ਵਾਲੀ ਆਰਸੀਐੱਮਪੀ ਦੀ ਫੈਡਰਲ ਯੂਨਿਟ ਸਟਾਫ ਦੀ ਕਮੀ ਦਾ ਸਾਹਮਣਾ ਕਰ ਰਹੀ ਹੈ।
ਆਰਸੀਐੱਮਪੀ ਦੇ ਬੁਲਾਰੇ ਮੈਰੀ-ਈਵ ਬ੍ਰੈਟਨ ਮੁਤਾਬਕ ਫੈਡਰਲ ਪੁਲਿਸਿੰਗ ਵਿੰਗ ਵਿੱਚ ਲਗਭਗ 1,000 ਅਹੁਦਿਆਂ ਦੀ ਘਾਟ ਹੈ।
ਇਸ ਸਮੇਂ ਇਸ ਵਿੰਗ ਵਿੱਚ ਇੱਕ ਦਹਾਕੇ ਪਹਿਲਾਂ ਦੇ ਮੁਕਾਬਲੇ 507 ਘੱਟ ਪੁਲਿਸ ਅਧਿਕਾਰੀ ਹਨ ਅਤੇ ਇਸ ਤੋਂ ਇਲਾਵਾ 500 ਹੋਰ ਅਹੁਦੇ ਖਾਲੀ ਹਨ।
ਬ੍ਰੈਟਨ ਨੇ ਕਿਹਾ ਕਿ ਫੈਡਰਲ ਪੁਲਿਸਿੰਗ ਕੋਲ ਇਸ ਸਮੇਂ ਕਰੀਬ 5,000 ਕਰਮਚਾਰੀ ਹਨ।
ਆਰਸੀਐੱਮਪੀ ਦੇ ਦੋ ਮੁੱਖ ਪੁਲਿਸਿੰਗ ਯੂਨਿਟ ਹਨ, ਇੱਕ ਸੂਬਿਆਂ ਨੂੰ ਸਥਾਨਕ ਤੇ ਖੇਤਰੀ ਕਾਨੂੰਨ ਲਾਗੂ ਕਰਨ ਲਈ ਅਧਿਕਾਰੀ ਪ੍ਰਦਾਨ ਕਰਦੀ ਹੈ ਅਤੇ ਦੂਜਾ ਫੈਡਰਲ ਪੁਲਿਸਿੰਗ ਵਿੰਗ ਹੈ ਜੋ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਅਪਰਾਧ ਨਾਲ ਸਬੰਧਤ ਕੇਸ ਜਿਵੇਂ ਕਿ ਮਨੀ ਲਾਂਡਰਿੰਗ, ਵਿਦੇਸ਼ੀ ਦਖਲ ਅਤੇ ਡਰੱਗ ਤਸਕਰੀ ਦੀ ਜਾਂਚ ਕਰਦੀ ਹੈ।
ਆਰਸੀਐੱਮਪੀ ਦੀ ਫੈਡਰਲ ਯੂਨਿਟ ਵਿੱਚ ਸਟਾਫ ਦੀ ਕਮੀ 'ਤੇ ਸੰਸਦ ਮੈਂਬਰਾਂ ਦੀ ਰਾਸ਼ਟਰੀ ਸੁਰੱਖਿਆ ਕਮੇਟੀ ਵੀ ਚਿੰਤਾ ਜਤਾ ਚੁੱਕੀ ਹੈ।
ਸੰਸਦ ਮੈਂਬਰਾਂ ਨੇ ਪਬਲਿਕ ਸੇਫ਼ਟੀ ਮਿਨਿਸਟਰ ਡੋਮਿਨਿਕ ਲੇਬਲੈਂਕ ਨੂੰ ਕਿਹਾ ਹੈ ਕਿ ਉਹ ਆਰਸੀਐੱਮਪੀ ਨੂੰ ਸਟਾਫ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ ਨਿਰਦੇਸ਼ ਦੇਣ, ਜੇ ਆਰਸੀਐੱਮਪੀ ਅਜਿਹਾ ਨਹੀਂ ਕਰਦੀ ਤਾਂ ਫਿਰ ਸਟੈਂਡ-ਅਲੋਨ ਫੈਡਰਲ ਪੁਲਿਸਿੰਗ ਸੰਸਥਾ ਦਾ ਵਿਚਾਰ ਕਰਨਾ ਚਾਹੀਦਾ ਹੈ।
