14.28C Vancouver 14.28C VancouverAug 12, 2020 8:50 PM -
ਫੈਡਰਲ ਸਰਕਾਰ ਵੱਲੋਂ ਘੋਸ਼ਣਾ ਕੀਤੀ ਗਈ ਹੈ ਕਿ ਇਨਡੀਜਿਨਸ ਲੋਕਾਂ ਨੂੰ ਕੋਵਿਡ-19 ਦੇ ਨਾਲ ਲੜਨ ਲਈ ਵਧੇਰੇ $305 ਮਿਲੀਅਨ ਦੀ ਸਹਾਇਤਾ ਦਿੱਤੀ ਜਾਵੇਗੀ।
ਇਨਡੀਜਿਨਸ ਸਰਵਿਸਿਜ਼ ਮਿਨਿਸਟਰ ਮਾਰਕ ਮਿੱਲਰ ਦਾ ਕਹਿਣਾ ਹੈ ਕਿ ਇਹ ਪੈਸਾ ਇਨਡੀਜਿਨਸ ਕਮਿਊਨਿਟੀਜ਼ ਨੂੰ ਮਦਦ ਕਰੇਗਾ ਕਿ ਉਹ ਅਪਾਤਕਾਲੀਨ ਸਥਿਤੀਆਂ ਲਈ ਤਿਆਰ ਰਹਿਣ ਅਤੇ ਕੋਰੋਨਾਵਾਇਰਸ ਦੇ ਵਿਸਥਾਰ ਨੂੰ ਰੋਕਣ।
ਉਨ੍ਹਾਂ ਦਾ ਇਹ ਵੀ ਕਿਹਾਂ ਹੈ ਕਿ ਭਾਈਚਾਰਾ ਹੋਰ ਵੀ ਕਈ ਕਾਰਜਾਂ ਲਈ ਇਸ Fund ਦੀ ਵਰਤੋਂ ਕਰ ਸਕੇਗਾ।
ਭਾਈਚਾਰਾ ਬਜ਼ੁਰਗਾਂ ਦੀ ਸਹਾਇਤਾ ਕਰਨ ਲਈ, ਫ਼ੂਡ ਇਨਸਿਕਿਓਰਿਟੀ, ਸਿੱਖਿਆ, ਮੈਂਟਲ ਹੈਲਥ ਅਸਿਸਟੈਂਸ ਆਦਿ ਲਈ ਇਨ੍ਹਾਂ ਫੰਡਜ਼ ਦੀ ਵਰਤੋਂ ਕਰ ਸਕਦਾ ਹੈ।
ਇਸ ਨਵੀਂ ਐਲਾਨੀ ਗਈ ਰਾਸ਼ੀ ਤੋਂ ਬਾਅਦ ਭਾਈਚਾਰੇ ਵਾਸਤੇ ਸਾਲ ਦੀ ਕੁਲ ਸਹਾਇਤਾ ਰਾਸ਼ੀ $685 ਮਿਲੀਅਨ ਤੱਕ ਪਹੁੰਚ ਜਾਵੇਗੀ।
ਮਿੱਲਰ ਦਾ ਕਹਿਣਾ ਹੈ ਕਿ ਓਟਵਾ ਇਹ ਗੱਲ ਯਕੀਨੀ ਬਣਾਉਣਾ ਚਾਹੁੰਦਾ ਹੈ ਕਿ ਭਾਈਚਾਰੇ ਨੂੰ ਪੈਂਡੇਮਿਕ ਦੀ ਇਸ ਸਥਿਤੀ ਦੌਰਾਨ ਜ਼ਰੂਰੀ ਟੂਲਜ਼ ਅਤੇ ਸਹਾਇਤਾ ਮਿਲਦੀ ਰਹੇ।
