15.9C Vancouver 15.9C VancouverJun 2, 2020 4:34 PM -
ਫੈਡਰਲ ਸਰਕਾਰ ਵੱਲੋਂ ਕੋਵਿਡ-19 ਨੂੰ ਠੱਲ ਪਾਉਣ ਲਈ ਸਿਹਤ ਸੁਰੱਖਿਆ ਅਤੇ ਹੋਰ ਮੈਡੀਕਲ ਉਪਕਰਨਾਂ ਦੀ ਸਪਲਾਈ ਨੂੰ ਬਰਕਰਾਰ ਰੱਖਣ ਦਾ ਸਿਲਸਿਲਾ ਜਾਰੀ ਹੈ।
ਪ੍ਰਧਾਨ ਮੰਤਰੀ ਮੁਤਾਬਕ ਕੈਨੇਡਾ ਵਿੱਚ ਇਨ੍ਹਾਂ ਉਪਕਰਨਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਦੁਨੀਆਂ ਭਰ ਤੋਂ ਖਰੀਦਾਰੀ ਕਰਨ ਅਤੇ ਕੈਨੇਡਾ ਵਿੱਚ ਉਤਪਾਦਨ ਕਰਨ ਦਰਮਿਆਨ ਇੱਕ ਸੰਤੁਲਨ ਕਾਇਮ ਰੱਖਣਾ ਬਹੁਤ ਜ਼ਰੂਰੀ ਹੈ।
ਜਸਟਿਨ ਟਰੂਡੋ ਨੇ ਦੱਸਿਆ ਕਿ ਫੇਸ ਸ਼ੀਲਡਾਂ ਦੀ ਅੱਧੀ ਮਾਤਰਾ ਇੱਕ ਕਨੇਡੀਅਨ ਕੰਪਨੀ ਵੱਲੋਂ ਤਿਆਰ ਕੀਤੀ ਗਈ ਹੈ ਜਿਸ ਨਾਲ ਨੌਕਰੀਆਂ ਦੇ ਅਵਸਰ ਵੀ ਪ੍ਰਦਾਨ ਕੀਤੇ ਗਏ।
ਉਨ੍ਹਾਂ ਦੱਸਿਆ ਕਿ ਜਿੱਥੇ ਫਿਲਹਾਲ ਕੈਨੇਡਾ ਕੋਲ ਸੂਬਿਆਂ ਦੀ ਜ਼ਰੂਰਤ ਮੁਤਾਬਕ ਸਪਲਾਈ ਮੌਜੂਦ ਹੈ ਉੱਥੇ ਹੀ ਜਿੱਦਾਂ ਜਿੱਦਾਂ ਦੇਸ਼ ਨੂੰ ਵਾਪਸ ਖੋਲ੍ਹਣ ਦਾ ਸਿਲਸਿਲਾ ਸ਼ੁਰੂ ਹੁੰਦਾ ਹੈ, ਹੋਰ ਉਪਕਰਨਾਂ ਦੀ ਲੋੜ ਪਵੇਗੀ।
ਫੈਡਰਲ ਸਰਕਾਰ ਲੱਖਾਂ ਦੀ ਮਾਤਰਾ ਵਿੱਚ ਦਸਤਾਨੇ, ਗਾਉਨ ਅਤੇ ਵੈਂਟੀਲੇਟਰ ਵਰਗੇ ਸਾਮਾਨ ਨੂੰ ਖਰੀਦਣ ਲਈ ਯਤਨਸ਼ੀਲ ਹੈ।
ਜਿੱਥੇ ਜ਼ਿਆਦਾਤਰ ਮੈਡੀਕਲ ਸਾਮਾਨ ਦੀ ਗਿਣਤੀ ਵਿੱਚ ਲਗਾਤਾਰ ਵਾਧਾ ਹੋਇਆ ਦੇਖਿਆ ਜਾ ਸਕਦਾ ਹੈ ਉੱਥੇ ਹੀ 26 ਮਈ ਤੱਕ ਮੰਗਵਾਏ ਗਏ ਤਕਰੀਬਨ 40,000 ਵੈਂਟੀਲੇਟਰਾਂ ਵਿੱਚੋਂ ਸਿਰਫ 203 ਹੀ ਪਹੁੰਚੇ ਸਨ।
