16.78C Vancouver 16.78C VancouverAug 4, 2020 4:51 PM -
ਫ਼ੈਡਰਲ ਲਿਬ੍ਰਲਜ਼ ਨੇ ਨਿੱਜੀ ਸੁਰੱਖਿਆ ਗਿਅਰ ਅਤੇ ਡਾਕਟਰੀ ਸਪਲਾਈਆਂ ਵਾਸਤੇ ਕੋਵਿਡ-19-ਸਬੰਧਿਤ ਇਕਰਾਰਨਾਮਿਆਂ ਦੇ ਤਹਿਤ $5.8 ਬਿਲੀਅਨ ਤੋਂ ਵਧੇਰੇ ਕੰਪਨੀਆਂ ਨੂੰ ਦਿੱਤੇ ਹਨ।
ਸਰਕਾਰ ਵੱਲੋਂ ਪ੍ਰਦਾਨ ਕੀਤੇ ਤਾਜ਼ਾ ਅੰਕੜੇ ਇਹ ਵੀ ਦਿਖਾਉਂਦੇ ਹਨ ਕਿ 16 ਜੁਲਾਈ ਤੱਕ ਦਿੱਤੇ ਗਏ ਕੁੱਲ ਇਕਰਾਰਨਾਮਿਆਂ ਦਾ ਲਗਭਗ 40% ਹਿੱਸਾ ਘਰੇਲੂ ਸਪਲਾਈ ਕਰਤਾਵਾਂ ਕੋਲ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਕਈਆਂ ਨੇ ਲੋੜੀਂਦੇ ਮਾਸਕ, ਗਾਊਨ, ਦਸਤਾਨੇ ਅਤੇ ਵੈਂਟੀਲੇਟਰ ਪ੍ਰਦਾਨ ਕਰਾਉਣ ਲਈ ਆਪਣੀਆਂ ਫੈਕਟਰੀਆਂ ਨੂੰ ਰੀ-ਟੂਲ ਕੀਤਾ ਹੈ।
ਪਰ ਇਸ ਵਿੱਚ ਸ਼ਾਮਲ ਕੰਪਨੀਆਂ ਦੇ ਬਹੁਤ ਸਾਰੇ ਵੇਰਵੇ ਅਤੇ ਉਹਨਾਂ ਦੇ ਇਕਰਾਰਨਾਮਿਆਂ ਦੀ ਰਕਮ ਨੂੰ ਜਨਤਕ ਨਹੀਂ ਕੀਤਾ ਗਿਆ।
ਐਨ-95 ਮਾਸਕ ਸਪਲਾਈ ਕਰਨ ਵਾਲੀਆਂ ਇਕਾਈਆਂ ਵਿੱਚੋਂ ਸਿਰਫ਼ ਇੱਕ ਦਾ ਹੀ ਨਾਂ ਜਨਤਕ ਕੀਤਾ ਗਿਆ ਹੈ।
ਜੋ ਨਾਂ ਜਨਤਕ ਕੀਤਾ ਗਿਆ ਹੈ, ਉਹ ਹੈ ਏ.ਐਮ.ਡੀ. ਮੈਡੀਕੌਮ ਇੰਕ., ਅਤੇ ਇਸ ਕੌਨਟ੍ਰੈਕਟ ਦੀ ਵੀ ਕੁੱਲ ਰਕਮ ਜਾਰੀ ਨਹੀਂ ਕੀਤੀ ਗਈ ਹੈ।
ਪਬਲਿਕ ਸਰਵਿਸਿਜ਼ ਐਂਡ ਪਰੋਕਿਓਰਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਵਿਸ਼ਵ ਦੇ ਸਾਰੇ ਮੁਲਕ ਇਹ ਸਮਾਨ ਖਰੀਦਣ ਦੀ ਦੌੜ ਵਿੱਚ ਹਨ ਅਤੇ ਕੈਨੇਡਾ ਦੀ ਇਹ ਸਮਾਨ ਖਰੀਦਣ ਦੀ ਯੋਗਤਾ ਨੂੰ ਸੁਰੱਖਿਅਤ ਰੱਖਣ ਲਈ, ਇਹਨਾਂ ਵੇਰਵਿਆਂ ਨੂੰ ਫ਼ਿਲਹਾਲ ਜਾਰੀ ਨਹੀਂ ਕੀਤਾ ਗਿਆ।
