9.94C Vancouver 9.94C VancouverJun 23, 2020 7:32 PM -
ਡੋਨਾਲਡ ਟ੍ਰੰਪ ਵੱਲੋਂ ਕਨੇਡੀਅਨ ਅਲੂਮਿਨਮ ਉੱਤੇ ਦੋਬਾਰਾ ਡਿਊਟੀ ਲਗਾਏ ਜਾਣ ਦੀਆਂ ਖ਼ਬਰਾਂ ਦੇ ਚਲਦੇ, ਫ਼ੈਡਰਲ ਸਰਕਾਰ ਵੱਲੋਂ ਅਮਰੀਕਾ ਨੂੰ ਇਹ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ਕਿ ਕਨੇਡੀਅਨ ਅਲੂਮਿਨਮ ਨਾਲ ਅਮਰੀਕਾ ਦੇ ਬਜ਼ਾਰ ਨੂੰ ਕੋਈ ਖ਼ਤਰਾ ਨਹੀਂ ਹੈ।
ਟ੍ਰੈਜ਼ਰੀ ਬੋਰਡ ਦੇ ਪ੍ਰੈਜ਼ੀਡੈਂਟ ਯੌਂ ਈਵ ਡੂਕਲੋ ਦਾ ਕਹਿਣਾ ਹੈ ਕਿ ਅਮਰੀਕੀ ਪ੍ਰਸ਼ਾਸਨ ਵੱਲੋਂ ਅਜਿਹੀ ਕਿਸੇ ਵੀ ਡਿਊਟੀ ਦਾ ਵਿਰੋਧ ਕੀਤਾ ਜਾਵੇਗਾ।
ਬਲੂਮਬਰਗ ਦੀ ਇੱਕ ਰਿਪੋਰਟ ਮੁਤਾਬਕ ਟ੍ਰੰਪ ਪ੍ਰਸ਼ਾਸਨ ਵੱਲੋਂ ਕੈਨੇਡਾ ਤੋਂ ਆਉਣ ਵਾਲੀ ਅਲੂਮਿਨਮ 'ਤੇ 10% ਡਿਊਟੀ ਲਗਾਉਣ ਦਾ ਵਿਚਾਰ ਕੀਤਾ ਜਾ ਰਿਹਾ ਹੈ।
ਡੂਕਲੋ ਨੇ ਕਿਹਾ ਕਿ ਸਰਕਾਰ ਨੂੰ ਅਜਿਹੇ ਕਿਸੇ ਫ਼ੈਸਲੇ ਬਾਰੇ ਜਾਣਕਾਰੀ ਨਹੀਂ ਹੈ ਪਰ ਦੇਸ਼ਾਂ ਵੱਲੋਂ ਆਪਣੀ ਆਰਥਿਕਤਾ ਨੂੰ ਬਚਾਉਣ ਲਈ ਅਜਿਹੀਆਂ ਨੀਤੀਆਂ ਅਪਣਾਏ ਜਾਣ ਦਾ ਖ਼ਤਰਾ ਬਰਕਰਾਰ ਹੈ ਅਤੇ ਕੋਵਿਡ-19 ਕਾਰਣ ਪੈਦਾ ਹੋਏ ਮਾਹੌਲ ਕਾਰਣ ਇਹ ਖ਼ਤਰਾ ਹੋਰ ਪ੍ਰਚੰਡ ਹੋ ਗਿਆ ਹੈ।
ਪਿਛਲੀ ਵਾਰ ਅਮਰੀਕਾ ਵੱਲੋਂ ਅਜਿਹੀਆਂ ਡਿਊਟੀਆਂ ਲਗਾਏ ਜਾਣ 'ਤੇ ਕਨੇਡੀਅਨ ਸਰਕਾਰ ਨੇ ਵੀ ਕਈ ਅਮਰੀਕੀ ਉਤਪਾਦਾਂ 'ਤੇ ਜਵਾਬੀ ਡਿਊਟੀ ਲਗਾ ਦਿੱਤੀ ਸੀ।
