18.21C Vancouver 18.21C VancouverFeb 10, 2021 4:15 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਨੁਸਾਰ ਦੇਸ਼ ਵਿੱਚ ਪਬਲਿਕ ਟਰਾਂਜ਼ਿਟ ਵਿੱਚ ਸੁਧਾਰ ਕਰਨ ਦੇ ਮੰਤਵ ਨਾਲ ਫੈਡਰਲ ਸਰਕਾਰ ਤਕਰੀਬਨ $15 ਬਿਲੀਅਨ ਖਰਚੇਗੀ।
ਟਰੂਡੋ ਮੁਤਾਬਕ ਨਵੀਂ ਪਬਲਿਕ ਟ੍ਰਾਂਜ਼ਿਟ ਫੰਡਿੰਗ ਅਧੀਨ $14.9 ਬਿਲੀਅਨ ਅਗਲੇ 8 ਸਾਲਾਂ ਦੌਰਾਨ ਮੁਹੱਈਆ ਕਰਵਾਇਆ ਜਾਵੇਗਾ ਹਾਲਾਂਕਿ ਜ਼ਿਆਦਾਤਰ ਫੰਡਿੰਗ 2026 ਤੋਂ ਪਹਿਲਾਂ ਉਪਲੱਬਧ ਨਹੀਂ ਹੋਵੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਨਵੀਂ ਫੰਡਿੰਗ ਰਾਹੀਂ ਸ਼ਹਿਰਾਂ ਨੂੰ ਲੰਬੇ ਸਮੇਂ ਦੌਰਾਨ ਆਪਣੀਆਂ ਜ਼ਰੂਰਤਾਂ ਵਾਸਤੇ ਯੋਜਨਾਵਾਂ ਬਣਾਉਣ ਵਿੱਚ ਸਹਿਯੋਗ ਮਿਲੇਗਾ ਅਤੇ ਨਾਲ ਹੀ ਕਨੇਡੀਅਨ ਲੋਕਾਂ ਨੂੰ ਆਸਾਨੀ ਨਾਲ ਘੁੰਮਣ ਫਿਰਣ ਅਤੇ ‘ਕਲਾਈਮੇਟ ਚੇਂਜ’ ਨਾਲ ਲੜਨ ਵਿੱਚ ਸਹਾਇਤਾ ਮਿਲੇਗੀ।
ਟਰੂਡੋ ਵੱਲੋਂ ਇਹ ਘੋਸ਼ਣਾ ਅੱਜ ਸਵੇਰ ਪ੍ਰਮੁੱਖ ਸ਼ਹਿਰਾਂ ਦੇ ਮੇਅਰਾਂ ਨਾਲ ਹੋਣ ਵਾਲੀ ਬੈਠਕ ਤੋਂ ਪਹਿਲਾਂ ਇੱਕ ਟੈਲੀਕਾਨਫ਼ਰੰਸ ਰਾਹੀਂ ਕੀਤੀ ਗਈ।
ਇਨ੍ਹਾਂ ਵਿੱਚੋਂ ਵੱਡੀ ਗਿਣਤੀ ਵਿੱਚ ਮੇਅਰ ਅਤੇ ਉਨ੍ਹਾਂ ਦੀਆਂ ਸਥਾਨਕ ਸਰਕਾਰਾਂ ਕੋਵਿਡ-19 ਮਹਾਂਮਾਰੀ ਕਾਰਣ ਹੋਏ ਲੌਕਡਾਊਨ ਸਦਕਾ ਆਰਥਕ ਤੰਗੀਆਂ ਦਾ ਸਾਮਣਾ ਕਰ ਰਹੇ ਹਨ।
ਇਸ ਦੇ ਨਾਲ ਹੀ ਆਉਣ ਵਾਲੇ ਸਮੇਂ ਵਿੱਚ ਇਸ ਦੇ ਪਬਲਿਕ ਟਰਾਂਜ਼ਿਟ ਅਤੇ ਹੋਰ ਲੋੜ੍ਹਾਂ ’ਤੇ ਹੋਣ ਵਾਲੇ ਪ੍ਰਭਾਵ ਨੂੰ ਲੈਕੇ ਵੀ ਅਨਿਸ਼ਚਤਤਾ ਬਣੀ ਹੋਈ ਹੈ।
