15.82C Vancouver 15.82C VancouverJul 16, 2020 7:23 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਫੈਡਰਲ, ਪ੍ਰੋਵਿੰਸ਼ੀਅਲ ਅਤੇ ਟੈਰੀਟੋਰੀਅਲ ਸਰਕਾਰਾਂ ਵਿਚਾਲੇ ਇੱਕ ਕਰਾਰ ਹੋਇਆ ਹੈ।
ਇਸ ਦੇ ਆਸਰੇ ਫੈਡਰਲ ਸਰਕਾਰ ਵੱਲੋਂ ਸੂਬਿਆਂ ਦੇ ਸੁਰੱਖਿਅਤ 'ਰੀਸਟਾਰਟ' (ਦੁਬਾਰਾ ਹੋਣ ਵਾਲੀ ਸ਼ੁਰੂਆਤ) ਲਈ $19 ਬਿਲੀਅਨ ਦਾ ਯੋਗਦਾਨ ਪਾਇਆ ਜਾਵੇਗਾ।
ਕੋਵਿਡ-19 ਪੈਂਡੇਮਿਕ ਦੇ ਕਾਰਨ ਲੱਗੀਆਂ ਪਬੰਦੀਆਂ ਤੋਂ ਬਾਅਦ ਹੁਣ ਸੂਬਿਆਂ 'ਚ ਵਿੱਤੀ ਗਤੀਵਿਧੀਆਂ ਦੀ ਦੁਬਾਰਾ ਸ਼ੁਰੂਆਤ ਹੋਈ ਹੈ।
ਇਸ ਰਾਸ਼ੀ ਦੇ ਆਸਰੇ ਸਰਕਾਰਾਂ ਨੂੰ ਚਾਈਲਡ ਕੇਅਰ ਫੰਡਿੰਗ, ਵਧੇਰੇ ਕੰਟੈਕਟ-ਟਰੇਸਿੰਗ ਕਪੈਸਟੀ, ਅਤੇ ਨਿੱਜੀ ਸੁਰੱਖਿਆ ਉਪਕਰਨ ਖਰੀਦਣ ਵਿੱਚ ਮਦਦ ਹਾਸਿਲ ਹੋ ਸਕੇਗੀ।
ਟਰੂਡੋ ਦਾ ਕਹਿਣਾ ਹੈ ਕਿ ਪੈਂਡੇਮਿਕ ਚਾਹੇ ਇੱਕ ਸਿਹਤ ਸਮੱਸਿਆ ਹੈ, ਪਰ ਇਸ ਦੇ ਡੂੰਘੇ ਵਿੱਤੀ ਪ੍ਰਭਾਵ ਵੀ ਹਨ।
ਉਨ੍ਹਾਂ ਕਿਹਾ ਕਿ ਕਾਮੇ ਉਸ ਵੇਲੇ ਤੱਕ ਕੰਮ ਨਹੀਂ ਕਰ ਸਕਦੇ ਜਦ ਤੱਕ ਕਿ ਬੱਚਿਆਂ ਦੀ ਸੁਰੱਖਿਆ ਦੀ ਪੁਸ਼ਟੀ ਨਹੀਂ ਹੁੰਦੀ, ਅਤੇ ਬਹੁਤ ਸਾਰੇ ਲੋਕ ਉਸ ਵੇਲੇ ਤੱਕ ਕੰਮ 'ਤੇ ਨਹੀਂ ਪਹੁੰਚ ਸਕਦੇ ਜਦ ਤੱਕ ਕਿ ਸੁਰੱਖਿਅਤ ਟ੍ਰਾਂਜ਼ਿਟ ਸਿਸਟਮ ਉਪਲੱਬਧ ਨਾ ਹੋਣ।
