ਫੈਡਰਲ ਕੋਰਟ ਵੱਲੋਂ ਪਲਾਸਟਿਕ ਪਾਬੰਦੀ 'ਤੇ ਦਿੱਤੇ ਫੈਸਲੇ 'ਤੇ ਅਪੀਲ ਕਰੇਗੀ ਸਰਕਾਰ :ਸਟੀਵਨ ਗਿਲਬੌਲਟ

ਵਾਤਾਵਰਣ ਮੰਤਰੀ ਸਟੀਵਨ ਗਿਲਬੌਲਟ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਹਾਲ ਹੀ ਵਿੱਚ ਦਿੱਤੇ ਫੈਡਰਲ ਕੋਰਟ ਦੇ ਫੈਸਲੇ 'ਤੇ ਅਪੀਲ ਕਰੇਗੀ। ਜਿਸਨੂੰ ਅਦਾਲਤ ਨੇ ਰੱਦ ਕਰ ਦਿੱਤਾ ਸੀ।

ਦਰਅਸਲ ਅਦਾਲਤ ਨੇ ਔਟਵਾ ਦੇ ਕੁੱਝ ਸਿੰਗਲ-ਯੂਜ਼ ਪਲਾਸਟਿਕ 'ਤੇ ਪਾਬੰਦੀ ਦੇ ਤਹਿਤ ਕੈਬਿਨੇਟ ਦੇ ਆਦੇਸ਼ ਨੂੰ ਰੱਦ ਕਰ ਦਿੱਤਾ ਸੀ। ਫੈਡਰਲ ਕੋਰਟ ਨੇ ਕੈਬਿਨੇਟ ਦੇ ਆਦੇਸ਼ ਨੂੰ ਵਾਜਬ ਨਹੀਂ ਮੰਨਿਆ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਪਲਾਸਟਿਕ ਤੋਂ ਬਣੀਆਂ ਸਾਰੀਆਂ ਚੀਜ਼ਾਂ ਹਾਨੀਕਾਰਕ ਹਨ।

ਪਲਾਸਟਿਕ ਤੋਂ ਤਿਆਰ ਕੀਤੀਆਂ ਵਸਤੂਆਂ ਦੀ ਸ਼੍ਰੇਣੀ ਬਹੁਤ ਵਿਸ਼ਾਲ ਹੈ ਅਤੇ ਸਾਰਿਆਂ ਨੂੰ ਜ਼ਹਿਰੀਲੇ ਹੋਣ ਦੇ ਲੇਬਲ ਹੇਠ ਨਹੀਂ ਕੀਤਾ ਜਾ ਸਕਦਾ।ਇਸ ਤੋਂ ਬਿਨਾਂ ਸਟ੍ਰੋ ,ਗਰੌਸਰੀ ਬੈਗ ਅਤੇ ਟੇਕਆਉਟ ਕੰਟੇਨਰ ਸਣੇ ਛੇ ਸਿੰਗਲ-ਯੂਜ਼ ਪਲਾਸਟਿਕ ਵਸਤੂਆਂ 'ਤੇ ਪਾਬੰਦੀ ਨਹੀਂ ਲੱਗ ਸਕੇਗੀ।

ਗਿਲਬੌਲਟ ਦਾ ਕਹਿਣਾ ਹੈ ਕਿ ਸਰਕਾਰ ਪਲਾਸਟਿਕ ਪ੍ਰਦੂਸ਼ਣ ਦੀ ਸਮੱਸਿਆ ਨਾਲ ਲੜਨ ਲਈ ਵਚਨਬੱਧ ਹੈ ਅਤੇ ਅਦਾਲਤ ਦੇ ਫੈਸਲੇ 'ਤੇ ਅਪੀਲ ਦਾਇਰ ਕਰਨ ਦੇ ਸਿਖਰ 'ਤੇ ਅੱਗੇ ਵਧਣ ਲਈ ਸਾਰੇ ਵਿਕਲਪਾਂ ਦੀ ਖੋਜ ਕਰ ਰਹੀ ਹੈ।