15.25C Vancouver 15.25C VancouverAug 26, 2020 5:38 PM -
ਇਸ ਫ਼ੋਲ ਦੌਰਾਨ ਬੱਚੇ, ਸਕੂਲਾਂ ਵਿਚ ਮੁੜ ਸੁਰੱਖਿਅਤ ਤਰੀਕੇ ਨਾਲ ਜਾ ਸਕਣ, ਇਸ ਲਈ ਫੈਡਰਲ ਸਰਕਾਰ ਵੱਲੋਂ ਸੂਬਿਆਂ ਅਤੇ ਟੈਰੇਟੋਰੀਜ਼ ਨੂੰ ਵਧੇਰੇ $2 ਬਿਲਿਅਨ ਦੀ ਫੰਡਿਗ ਦਿੱਤੀ ਜਾ ਰਹੀ ਹੈ।
ਇਸ ਤੋਂ ਪਹਿਲਾਂ ਓਟਵਾ ਵੱਲੋਂ ਸੂਬਿਆਂ ਅਤੇ ਟੈਰੇਟੋਰੀਜ਼ ਨੂੰ ਕੋਵਿਡ-19 ਦੇ ਅਰਥਚਾਰੇ ਅਤੇ ਹੈਲਥ-ਕੇਅਰ ਸਿਸਟਮਸ 'ਤੇ ਪਏ ਬੁਰੇ ਪ੍ਰਭਾਵਾਂ ਦੇ ਨਾਲ ਲੜਨ ਲਈ 19 ਬਿਲਿਅਨ ਡੌਲਰ ਦਾ ਵਾਅਦਾ ਕੀਤਾ ਗਿਆ ਹੈ ਅਤੇ ਹੁਣ ਇਹ ਵਧੇਰੇ $2 ਬਿਲਿਅਨ ਦੀ ਘੋਸ਼ਣਾ ਕੀਤੀ ਗਈ ਹੈ
ਪ੍ਰਧਾਨ ਮੰਤਰੀ ਦਾ ਕਹਿਣਾ ਹੈ ਕਿ ਬੱਚਿਆਂ ਦਾ ਸਕੂਲ ਵਿਚ ਸੁਰੱਖਿਅਤ ਹੋਣਾ ਬਹੁਤ ਜ਼ਰੂਰੀ ਹੈ ਅਤੇ ਮਾਪਿਆਂ ਨੂੰ ਇਸ ਵਿਸ਼ੇ ਤੇ ਆਪਣੀ ਰਾਤਾਂ ਦੀ ਨੀਂਦ ਨਹੀਂ ਗੁਆਉਣੀ ਚਾਹਿਦੀ।
ਟਰੂਡੋ ਦਾ ਕਹਿਣਾ ਹੈ ਕਿ ਜੇਕਰ ਸੂਬੇ ਹੋਰ ਪੈਸਾ ਚਾਹੁੰਦੇ ਹਨ, ਤਾਂ ਉਹ ਓਟਵਾ ਨੂੰ ਦਿਸੰਬਰ ਤੱਕ ਦੱਸਣ ਕਿ ਉਹ ਇਸ ਫੰਡਿਗ ਦਾ ਪਹਿਲਾ ਅੱਧਾ ਹਿੱਸਾ ਕਿਵੇਂ ਅਤੇ ਕਿੱਥੇ ਖਰਚ ਕਰਨ ਜਾ ਰਹੇ ਹਨ।
ਪ੍ਰਧਾਨ ਮੰਤਰੀ ਨੂੰ ਇਸ ਮੌਕੇ ਸਵਾਲ ਵੀ ਕੀਤਾ ਗਿਆ ਕਿ ਸਕੂਲਾਂ ਦੇ ਖੁੱਲ੍ਹਣ ਦੇ ਕੁਝ ਦਿਨ ਪਹਿਲਾਂ ਇਹ ਐਲਾਨ ਕਿਉਂ ਕੀਤਾ ਜਾ ਰਿਹਾ ਹੈ। ਜਿਸਦਾ ਜਵਾਬ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਪੈਸਾ ਸੂਬਿਆਂ ਵੱਲੋਂ ਬਣਾਈ ਗਈ ਯੋਜਨਾਵਾਂ ਨੂੰ ਸਹਾਰਾ ਦਵੇਗਾ।
ਉਧਰ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਇਸ ਪੈਸੇ ਦੇ ਨਾਲ ਵਿਸਥਾਰ ਵਿਚ ਯੋਜਨਾ ਹੋਣੀ ਚਾਹੀਦੀ ਹੈ ਸਕੂਲਾਂ ਨੂੰ ਸੁਰੱਖਿਅਤ ਕਿਸ ਤਰੀਕੇ ਕੀਤਾ ਜਾਵੇਗਾ ਅਤੇ ਕਲਾਸਾਂ ਦਾ ਸਾਇਜ਼ ਕਿਵੇਂ ਛੋਟਾ ਰੱਖਿਆ ਜਾਵੇਗਾ।
ਆਲੋਚਕਾਂ ਦਾ ਕਹਿਣਾ ਹੈ ਕਿ ਇਹ ਪੈਸਾ ਬਹੁਤ ਘੱਟ ਹੈ ਅਤੇ ਸਕੂਲਾਂ ਦੇ ਖੁੱਲ੍ਹਣ ਦੇ ਬਹੁਤ ਨੇੜੇ ਦਿੱਤਾ ਜਾ ਰਿਹਾ ਹੈ।
