29.15C Vancouver 29.15C VancouverMay 7, 2020 4:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ, ਸੂਬਿਆਂ ਅਤੇ ਟੈਰੀਟੋਰੀਆਂ ਵੱਲੋਂ ਕੋਵਿਡ-19 ਮਹਾਂਮਾਰੀ ਦੌਰਾਨ ਇਸੈਨਸ਼ਲ ਵਰਕਰਾਂ ਦੀਆਂ ਤਨਖਾਹਾਂ ਵਿੱਚ ਵਾਧਾ
ਕਰਣ ਲਈ $4 ਬਿਲੀਅਨ ਖਰਚੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਹੋਰ ਵੇਰਵਿਆਂ ਬਾਰੇ ਸੂਬਿਆਂ ਦੇ ਨਾਲ ਫਿਲਹਾਲ ਗੱਲਬਾਤ ਚੱਲ ਰਹੀ ਹੈ।
ਪਰ ਟਰੂਡੋ ਮੁਤਾਬਕ ਦੇਸ਼ ਦੇ ਸਾਰੇ ਪ੍ਰੀਮੀਅਰ ਇਸ ਗੱਲ ਉੱਤੇ ਸਹਿਮਤ ਹਨ ਕਿ ਫਰੰਟ ਲਾਈਨ ਵਰਕਰ ਆਪਣੀ ਜਾਨ ਨੂੰ ਖ਼ਤਰੇ ਵਿੱਚ ਪਾ ਕੰਮ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਮਿਨੀਮਮ ਵੇਜ ਤੋਂ ਜ਼ਿਆਦਾ ਤਨਖਾਹ ਮਿਲਣੀ ਚਾਹੀਦੀ ਹੈ।
ਇਹ ਫੈਸਲਾ ਸੂਬਿਆਂ ਵੱਲੋਂ ਲਿਆ ਜਾਵੇਗਾ ਕਿ ਕਿਹੜੇ ਕਾਮੇ "ਇਸੈਨਸ਼ਲ" ਸ਼੍ਰੇਣੀ ਵਿੱਚ ਆਉਂਦੇ ਹਨ।
ਟਰੂਡੋ ਮੁਤਾਬਕ ਕਨੇਡੀਅਨ ਲੋਕ ਇਨ੍ਹਾਂ ਕਾਮਿਆਂ ਉੱਤੇ ਬਹੁਤ ਹੱਦ ਤੱਕ ਨਿਰਭਰ ਹਨ ਅਤੇ ਸੂਬੇ ਅਤੇ ਟੈਰੀਟੋਰੀਆਂ ਇਨ੍ਹਾਂ ਨੂੰ ਵੱਧ ਤੋਂ ਵੱਧ ਸਹਿਯੋਗ ਪ੍ਰਦਾਨ ਕਰਨ ਲਈ ਸਾਂਝੇ ਤੌਰ ਤੇ ਕੰਮ ਕਰ ਰਹੇ ਹਨ।
ਫੈਡਰਲ ਸਰਕਾਰ ਵੱਲੋਂ ਇਸ ਪ੍ਰੋਗਰਾਮ ਦਾ 75 ਫੀਸਦੀ ਖਰਚਾ ਚੁੱਕਿਆ ਜਾਵੇਗਾ ਅਤੇ ਬਾਕੀ ਸੂਬਾਈ ਸਰਕਾਰਾਂ ਚੁੱਕਣਗੀਆਂ।
