10.85C Vancouver 10.85C VancouverApr 13, 2020 5:32 PM -
ਕੈਨੇਡਾ ਦੇ ਕਿਸਾਨਾਂ ਅਤੇ ਫੂਡ ਪ੍ਰੋਸੈੱਸਰਾਂ ਨੂੰ ਫੈਡਰਲ ਸਰਕਾਰ ਵੱਲੋਂ $50 ਮਿਲੀਅਨ ਦਾ ਸਹਿਯੋਗ ਪ੍ਰਦਾਨ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਫੈਡਰਲ ਐਗਰਿਕਲਚਰ ਮਨਿਸਟਰ ਮੈਰੀ-ਕਲਾਡ ਬੀਬੋ ਮੁਤਾਬਕ ਇਸ ਨਾਲ ਉਨ੍ਹਾਂ ਕਿਸਾਨਾਂ ਨੂੰ ਮਦਦ ਮਿਲੇਗੀ ਜੋ ਬਾਹਰਲੇ ਮੁਲਕਾਂ ਤੋਂ ਆਏ ਕਾਮਿਆਂ ਉੱਤੇ ਨਿਰਭਰ ਕਰਦੇ ਹਨ, ਜੋ ਕਿ ਕੁਆਰੰਟੀਨ ਦੇ ਲਾਜ਼ਮੀ ਨਿਰਦੇਸ਼ਾਂ ਕਾਰਨ 14 ਦਿਨਾਂ ਲਈ ਕੰਮ ਨਹੀਂ ਕਰ ਸਕਦੇ।
ਉਨ੍ਹਾਂ ਕਿਹਾ ਕਿ ਫਾਰਮਾਂ ਉੱਤੇ ਲੇਬਰ ਦੀ ਵੱਡੀ ਘਾਟ ਹੈ ਅਤੇ ਫਾਰਨ ਟੈਂਪਰੇਰੀ ਵਰਕਰਾਂ ਉੱਤੇ ਬਹੁਤ ਹੱਦ ਤੱਕ ਕਿਸਾਨ ਨਿਰਭਰ ਕਰਦੇ ਹਨ।
ਬੀਬੋ ਮੁਤਾਬਕ ਇਸ ਰਾਸ਼ੀ ਰਾਹੀਂ ਫਾਰਮ ਮਾਲਕਾਂ ਨੂੰ ਪ੍ਰਤੀ ਵਰਕਰ $1500 ਮੁਹੱਈਆ ਕਰਵਾਇਆ ਜਾ ਸਕੇਗਾ ਤਾਂਕਿ ਉਹ ਕੁਆਰੰਟੀਨ ਦੇ ਨਿਯਮਾਂ ਨੂੰ ਲਾਗੂ ਕਰ ਸਕਣ।
