14.58C Vancouver 14.58C VancouverSep 8, 2021 9:25 PM -
ਟੈਨਿਸ ਦੇ ਯੂ.ਐਸ. ਓਪਨ ਗਰੈਂਡ ਸਲੈਮ 'ਚ ਕੈਨੇਡਾ ਦਾ ਜ਼ਬਰਦਸਤ ਪ੍ਰਦਰਸ਼ਨ ਜਾਰੀ ਹੈ।
ਕੈਨੇਡਾ ਦੇ 2 ਖਿਡਾਰੀਆਂ ਨੇ ਸਿੰਗਲਸ ਮੁਕਾਬਲਿਆਂ ਦੇ ਸੈਮੀਫਾਈਨਲ 'ਚ ਐਂਟਰੀ ਕਰ ਲਈ ਹੈ।
ਅੱਜ ਯੁਵਾ ਖਿਡਾਰੀ ਫਿਲੀਕਸ ਔਜੇ ਐਲਿਆਸੀਮ ਨੇ ਪੁਰਸ਼ਾਂ ਦੇ ਸਿੰਗਲਸ ਮੁਕਾਬਲਿਆਂ ਦੇ ਕੁਆਟਰਫਾਈਨਲ ਮੁਕਾਬਲੇ 'ਚ ਜਿੱਤ ਦਰਜ ਕੀਤੀ।
ਐਲਿਆਸੀਮ ਦੀ ਟੱਕਰ 18 ਸਾਲਾ ਕਾਰਲੋਸ ਐਲਕਰਾਜ਼ ਨਾਲ ਹੋਈ।
ਇਸ ਮੁਕਾਬਲੇ ਦੇ ਦੂਜੇ ਸੈਟ ਦੌਰਾਨ ਐਲਕਰਾਜ਼ ਨੂੰ ਸੱਟ ਕਾਰਨ ਮੁਕਾਬਲੇ ਤੋਂ ਹਟਣਾ ਪਿਆ।
ਇਸ ਦੇ ਨਾਲ 21 ਸਾਲਾ ਐਲੀਆਸੀਮ ਸੈਮੀਫਾਈਨਲ 'ਚ ਪਹੁੰਚ ਗਏ।
ਉਧਰ ਕੈਨੇਡਾ ਦੀ ਟੀਨੇਜਰ ਟੈਨਿਸ ਖਿਡਾਰਨ, ਲੈਲਾ ਫਰਨਾਂਡੇਜ਼ ਨੇ ਯੂ.ਐਸ. ਓਪਨ ਦੇ ਸੈਮੀਫਾਈਨਲ 'ਚ ਐਂਟਰੀ ਕਰ ਲਈ ਹੈ।
ਮੌਂਟਰੀਅਲ ਦੀ 19 ਸਾਲਾ ਖਿਡਾਰਨ ਨੇ ਕੱਲ ਖੇਡੇ ਗਏ ਕੁਆਟਰਫਾਈਨਲ 'ਚ ਨੰਬਰ 5 ਸੀਡ ਐਲੀਨਾ ਸਵੀਤੋਲਿਨਾ ਨੂੰ ਮਾਤ ਦਿੱਤੀ।
3 ਸੈਟ ਤਕ ਚੱਲੇ ਮੁਕਾਬਲੇ 'ਚ ਫਰਨਾਂਡੇਜ਼ ਨੇ 6-3, 3-6, 7-6 ਦੇ ਫਰਕ ਨਾਲ ਬਾਜੀ ਮਾਰੀ।
ਹੁਣ ਫਰਨਾਂਡੇਜ਼ ਕੈਨੇਡਾ ਦੀ ਸਿਰਫ ਤੀਜੀ ਟੈਨਿਸ ਖਿਡਾਰਨ ਬਣ ਗਈ ਹੈ ਜਿਸ ਨੇ ਯੂ.ਐਸ. ਓਪਨ ਗਰੈਂਡ ਸਲੈਮ ਦੇ ਸੈਮੀਫਾਈਨਲ 'ਚ ਐਂਟਰੀ ਕੀਤੀ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਫਰਨਾਂਡੇਜ਼ ਨੇ 4 ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਨਾਓਮੀ ਓਸਾਕਾ ਅਤੇ ਐਂਜਲੀਕ ਕਰਬਰ ਨੂੰ ਮਾਤ ਦਿੰਦੇ ਹੋਏ ਕੁਆਟਰਫਾਈਨਲ 'ਚ ਐਂਟਰੀ ਕੀਤੀ ਸੀ।
