17.93C Vancouver 17.93C VancouverNov 5, 2025 7:25 PM - "Connect Newsroom - Ramandeep Kaur with files from The Canadian Press"
ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਸ਼ਹਿਰ ਦੇ ਡਾਊਨਟਾਊਨ ਕੋਰ ਵਿਚ ਰਿਟੇਲ ਸਟੋਰਾਂ ਵਿਚ ਲਗਾਤਾਰ ਹੋ ਰਹੀਆਂ ਚੋਰੀਆਂ 'ਤੇ ਸ਼ਿਕੰਜਾ ਕੱਸਣ ਲਈ ਹਾਲ ਹੀ ਵਿਚ ਚਲਾਏ ਇੱਕ ਦਿਨਾਂ ਟਾਰਗੇਟਿਡ ਓਪਰੇਸ਼ਨ ਦੌਰਾਨ 15 ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਅਤੇ ਉਨ੍ਹਾਂ ਪਾਸੋਂ $5,000 ਤੋਂ ਵੱਧ ਦਾ ਚੋਰੀ ਦਾ ਸਾਮਾਨ ਬਰਾਮਦ ਕੀਤਾ ਗਿਆ। ਪੁਲਿਸ ਨੇ ਕਿਹਾ ਕਿ ਜਾਂਚ ਤੋਂ ਪਤਾ ਲੱਗਾ ਕਿ ਜ਼ਿਆਦਾਤਰ ਸ਼ੱਕੀ ਹੋਰ ਇਲਾਕੇ ਦੇ ਵਸਨੀਕ ਸਨ। ਇਨ੍ਹਾਂ ਵਿਚ ਦੋ ਨਾਬਾਲਗ ਵੀ ਸ਼ਾਮਲ ਸਨ।
ਪੁਲਿਸ ਨੇ ਦੱਸਿਆ ਕਿ ਇੱਕ ਸ਼ੱਕੀ ਨੂੰ ਰੀਟੇਲ ਚੋਰੀ ਦੇ ਮਾਮਲੇ ਵਿਚ ਵੱਖ-ਵੱਖ ਥਾਵਾਂ ਤੋਂ ਦੋ ਵਾਰ ਗ੍ਰਿਫ਼ਤਾਰ ਕੀਤਾ ਗਿਆ। ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਓਪਰੇਸ਼ਨ 18 ਅਕਤੂਬਰ ਨੂੰ ਚਲਾਇਆ ਗਿਆ ਸੀ।ਰਿਚਮੰਡ ਆਰ.ਸੀ.ਐਮ.ਪੀ. ਦੀ ਪ੍ਰਾਪਰਟੀ ਕ੍ਰਾਈਮ ਯੂਨਿਟ ਦੇ ਕਾਰਪੋਰਲ ਪੀਅਰ ਬਿਊਚੈਂਪ ਨੇ ਕਿਹਾ ਕਿ ਸ਼ੱਕੀਆਂ ਖਿਲਾਫ ਅਪਰਾਧਿਕ ਦੋਸ਼ਾਂ ਦੀ ਸਿਫਾਰਸ਼ ਕੀਤੀ ਜਾ ਰਹੀ ਹੈ, ਜਦੋਂ ਕਿ ਦੋ ਨਾਬਲਾਗਾਂ ਖਿਲਾਫ ਵਿਕਲਪਕ ਉਪਾਅ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਉਸ ਦੇ ਅਧਿਕਾਰੀਆਂ ਵਲੋਂ ਡਾਊਨਟਾਊਨ ਕੋਰ ਵਿਚ ਬਾਈਕ ਅਤੇ ਪੈਦਲ ਗਸ਼ਤ ਵਧਾਈ ਗਈ ਹੈ। ਪੁਲਿਸ ਨੇ ਕਿਸੇ ਵੀ ਵਾਪਰ ਰਹੇ ਅਪਰਾਧ ਲਈ ਲੋਕਾਂ ਅਤੇ ਕਾਰੋਬਾਰੀਆਂ ਨੂੰ 9-1-1 'ਤੇ ਕਾਲ ਕਰਨ ਲਈ ਉਤਸ਼ਾਹਤ ਕੀਤਾ ਹੈ।
