9.49C Vancouver 9.49C VancouverNov 22, 2023 6:55 PM - The Canadian Press
ਬੈਂਕ ਆਫ ਕੈਨੇਡਾ ਦੇ ਗਵਰਨਰ ਨੇ ਅਗਲੇ ਵਿਆਜ਼ ਦਰ ਦੇ ਫੈਸਲੇ ਤੋਂ ਪਹਿਲਾਂ ਮਹਿੰਗਾਈ ਨੂੰ ਲੈ ਕੇ ਅਹਿਮ ਟਿੱਪਣੀ ਕੀਤੀ ਹੈ। ਸੈਂਟਰਲ ਬੈਂਕ ਦੇ ਗਵਰਨਰ ਟਿਫ ਮੈਕਲਮ ਦਾ ਕਹਿਣਾ ਹੈ ਕਿ ਆਰਥਿਕਤਾ ਵਿੱਚ ਵਾਧੂ ਮੰਗ ਜੋ ਮਹਿੰਗਾਈ ਨੂੰ ਵਧਾ ਰਹੀ ਸੀ ਉਹ ਖਤਮ ਹੋ ਗਈ ਹੈ।
ਨਿਊ ਬਰੰਜ਼ਵਿਕ ਵਿਖੇ ਸੇਂਟ ਜੌਨ ਰੀਜਨ ਚੈਂਬਰ ਆਫ ਕਾਮਰਸ ਵਿੱਚ ਸੰਬੋਧਨ ਦੌਰਾਨ ਉਨ੍ਹਾਂ ਕਿਹਾ ਕਿ ਅਗਲੇ ਕੁੱਝ ਕੁਆਰਟਰਸ ਵਿੱਚ ਆਰਥਿਕਤਾ ਕਮਜ਼ੋਰ ਬਣੇ ਰਹਿਣ ਦੀ ਉਮੀਦ ਹੈ ਜਿਸ ਦਾ ਮਤਲਬ ਹੈ ਕਿ ਮਹਿੰਗਾਈ ਵਿੱਚ ਹੋਰ ਕਮੀ ਹੋ ਸਕਦੀ ਹੈ।
ਮੈਕਲੇਮ ਨੇ ਕਿਹਾ ਕਿ ਵਿਆਜ ਦਰ ਦਾ ਮੌਜੂਦਾ ਪੱਧਰ ਹੁਣ ਮਹਿੰਗਾਈ ਨੂੰ ਕਾਬੂ ਵਿੱਚ ਰੱਖਣ ਲਈ ਕਾਫ਼ੀ ਹੈ ਪਰ ਜੇ ਮਹਿੰਗਾਈ ਵਧਦੀ ਹੈ ਤਾਂ ਸੈਂਟਰਲ ਬੈਂਕ ਵਿਆਜ਼ ਦਰ ਨੂੰ ਦੁਬਾਰਾ ਵਧਾਉਣ ਲਈ ਵੀ ਤਿਆਰ ਹੈ। ਗੌਰਤਲਬ ਹੈ ਕਿ ਸੈਂਟਰਲ ਬੈਂਕ ਨੇ ਪਿਛਲੇ ਲਗਾਤਾਰ ਦੋ ਵਿਆਜ਼ ਦਰ ਦੇ ਫੈਸਲੇ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਅਤੇ ਇਸ ਨੂੰ 5 ਫੀਸਦੀ 'ਤੇ ਬਰਕਰਾਰ ਰੱਖਿਆ ਹੈ। ਦੱਸ ਦੇਈਏ ਕਿ ਬੈਂਕ ਆਫ ਕੈਨੇਡਾ ਦਾ ਇਸ ਸਾਲ ਦਾ ਅੰਤਿਮ ਵਿਆਜ਼ ਦਰ 'ਤੇ ਫੈਸਲਾ 6 ਦਸੰਬਰ ਨੂੰ ਆਵੇਗਾ।
