19.04C Vancouver 19.04C VancouverApr 28, 2026 2:07 PM - Connect Newsroom - Jasmine Singh with files from The Canadian Press
ਕੈਨੇਡਾ ਦੇ ਵਿੱਤ ਮੰਤਰੀ ਫ੍ਰਾਂਸਵਾ-ਫਿਲਿਪ ਸ਼ੈਂਪੇਨ ਅੱਜ Economic Update ਪੇਸ਼ ਕਰਨ ਜਾ ਰਹੇ ਹਨ। ਇਸ ਅਪਡੇਟ ਰਾਹੀਂ ਸਰਕਾਰ ਕੈਨੇਡਾ ਦੀ ਆਰਥਿਕਤਾ ਨੂੰ G7 ਦੇਸ਼ਾਂ ਵਿਚ ਸਭ ਤੋਂ ਮਜ਼ਬੂਤ ਬਣਾਉਣ ਦੇ ਆਪਣੇ ਰੋਡਮੈਪ ਦਾ ਵੇਰਵਾ ਸਾਂਝਾ ਕਰੇਗੀ, ਨਾਲ ਹੀ ਨਿਵੇਸ਼ ਨੂੰ ਉਤਸ਼ਾਹਤ ਕਰਨ ਅਤੇ ਨਵੀਂਆਂ ਨੌਕਰੀਆਂ ਦੇ ਮੌਕੇ ਪੈਦਾ ਕਰਨ ਲਈ ਨਵੇਂ ਐਲਾਨ ਹੋਣੇ ਵੀ ਸੰਭਵ ਹਨ।
ਸ਼ੈਂਪੇਨ ਨੇ ਸੰਕੇਤ ਦਿੱਤਾ ਹੈ ਕਿ ਇਹ ਮਿੰਨੀ ਬਜਟ ਦੇਸ਼ ਦੀ ਲੰਬੇ ਸਮੇਂ ਦੀ ਸਥਿਰਤਾ ਅਤੇ ਵਿਕਾਸ ਨੂੰ ਯਕੀਨੀ ਬਣਾਉਣ ਲਈ ਅਹਿਮ ਹੋਵੇਗਾ। ਇਸ Economic Update ਵਿਚ ਸਭ ਤੋਂ ਪ੍ਰਮੁੱਖ ਨਜ਼ਰ ਸਰਕਾਰ ਵਲੋਂ fiscal ਯਾਨੀ ਮਾਲੀ ਸਥਿਤੀ ਨੂੰ ਲੈ ਕੇ ਪੇਸ਼ ਕੀਤੀ ਜਾਣੀ ਵਾਲੀ ਤਸਵੀਰ 'ਤੇ ਹੈ, ਪਿਛਲੇ ਸਾਲ ਨਵੰਬਰ ਦੇ ਬਜਟ ਵਿਚ $78.3 ਬਿਲੀਅਨ ਦੇ ਰਿਕਾਰਡ ਘਾਟੇ ਦਾ ਅਨੁਮਾਨ ਲਗਾਇਆ ਗਿਆ ਸੀ ਪਰ ਹਾਲੀਆ ਰਿਪੋਰਟ ਮੁਤਾਬਕ ਅਸਲ ਸਥਿਤੀ ਇਸ ਤੋਂ ਕਿਤੇ ਬਿਹਤਰ ਨਜ਼ਰ ਆ ਰਹੀ ਹੈ।
ਪਿਛਲੇ ਹਫ਼ਤੇ ਜਾਰੀ ਹੋਏ ਅੰਕੜਿਆਂ ਅਨੁਸਾਰ, ਅਪ੍ਰੈਲ 2025 ਤੋਂ ਫਰਵਰੀ 2026 ਤੱਕ ਦੇ ਵਿੱਤੀ ਸਾਲ ਦੇ ਪਹਿਲੇ 11 ਮਹੀਨਿਆਂ ਵਿਚ ਘਾਟਾ ਸਿਰਫ਼ $25.5 ਬਿਲੀਅਨ ਰਿਹਾ ਹੈ। ਮਾਰਚ ਵਿਚ ਆਮ ਤੌਰ 'ਤੇ ਘਾਟੇ ਵਿਚ ਇੱਕ ਮਹੀਨੇ ਦਾ ਵੱਡਾ ਵਾਧਾ ਦੇਖਣ ਨੂੰ ਮਿਲਦਾ ਹੈ, ਹਾਲਾਂਕਿ ਕੁਝ ਵਿਸ਼ਲੇਸ਼ਕ ਉਮੀਦ ਕਰਦੇ ਹਨ ਕਿ ਫੈਡਰਲ ਸਰਕਾਰ ਦਾ ਅਸਲ deficit ਅਨੁਮਾਨਿਤ ਘਾਟੇ ਨਾਲੋਂ ਘੱਟ ਹੀ ਹੋਵੇਗਾ।
