12.29C Vancouver 12.29C VancouverAug 30, 2023 5:50 PM - The Canadian Press
ਕੈਨੇਡਾ ਵਿਚ ਕੋਵਿਡ ਦੇ BA.2.86 ਵੇਰੀਐਂਟ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ।
ਇਹ ਪਹਿਲਾ ਮਾਮਲਾ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਮਿਲਿਆ ਹੈ।
ਬੀ.ਸੀ. ਦੇ ਹੈਲਥ ਅਧਿਕਾਰੀਆਂ ਨੇ ਇਸ ਵੇਰੀਐਂਟ ਦੀ ਪੁਸ਼ਟੀ ਕੀਤੀ ਹੈ।
ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਨੇ ਪੁਸ਼ਟੀ ਕੀਤੀ ਕਿ ਵੈਨਕੂਵਰ ਦੇ ਪੂਰਬ ਵਿੱਚ ਫਰੇਜ਼ਰ ਹੈਲਥ ਰੀਜਨ ਵਿੱਚ ਇੱਕ ਵਿਅਕਤੀ ਵਿੱਚ ਇਹ ਵੇਰੀਐਂਟ ਪਾਇਆ ਗਿਆ ਸੀ, ਜਿਸ ਨੇ ਸੂਬੇ ਤੋਂ ਬਾਹਰ ਦੀ ਯਾਤਰਾ ਨਹੀਂ ਕੀਤੀ ਹੈ।
ਵੈਨਕੂਵਰ ਇਨਫ਼ੈਕਸ਼ਸ ਡਿਜ਼ੀਜ਼ ਕੰਟਰੋਲ ਦੇ ਮੈਡੀਕਲ ਡਾਇਰੈਕਟਰ ਡਾ. ਬ੍ਰਾਇਨ ਕੋਨਵੇ ਦਾ ਕਹਿਣਾ ਹੈ ਕਿ ਨਵੇਂ BA.2.86 ਵੇਰੀਐਂਟ ਨੂੰ ਅਜੇ ਤੱਕ ਜ਼ਿਆਦਾ ਗੰਭੀਰ ਬੀਮਾਰੀ ਦਾ ਕਾਰਨ ਨਹੀਂ ਦਿਖਾਇਆ ਗਿਆ ਹੈ।
ਕੋਨਵੇ ਦਾ ਕਹਿਣਾ ਹੈ ਕਿ ਬੀ.ਸੀ. ਵਿੱਚ ਦਰਜ ਕੀਤਾ ਜਾ ਰਿਹਾ ਇਹ ਪਹਿਲਾ ਕੇਸ ਹੈ ਤੇ ਲੋਕਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ ਕਿ ਕੋਵਿਡ ਕਦੇ ਖ਼ਤਮ ਨਹੀਂ ਹੋਇਆ।
ਨਵੀਂ ਵੈਕਸੀਨ, ਨਵੇਂ ਵੇਰੀਐਂਟਸ ਖ਼ਿਲਾਫ਼ ਸੁਰੱਖਿਆ ਲਈ ਸਭ ਤੋਂ ਕਾਰਗਰ ਸਾਬਿਤ ਹੋਵੇਗੀ।
ਹੈਲਥ ਅਧਿਕਾਰੀਆਂ ਨੇ ਬਿਮਾਰ ਹੋਣ ‘ਤੇ ਘਰ ਰਹਿਣ, ਲੋੜ ਅਨੁਸਾਰ ਮਾਸਕ ਪਹਿਨਣ, ਵਾਰ-ਵਾਰ ਹੱਥ ਧੋਂਦੇ ਰਹਿਣ ਅਤੇ ਸਮੇਂ ਸਿਰ ਅਨੁਕੂਲ ਵੈਕਸੀਨਾਂ ਪ੍ਰਾਪਤ ਕਰਨ ਦੀ ਸਲਾਹ ਦਿੱਤੀ ਹੈ।
ਬੀ.ਸੀ. ਦੀ ਹੈਲਥ ਅਫਸਰ ਬੌਨੀ ਹੈਨਰੀ ਅਤੇ ਹੈਲਥ ਮਿਨਿਸਟਰ ਐਡਰੀਅਨ ਡਿਕਸ ਨੇ ਇਕ ਸਾਂਝੇ ਬਿਆਨ ਵਿਚ ਕਿਹਾ ਕਿ ਅਜੇ ਤੱਕ ਇਸ ਨਵੇਂ ਵੇਰੀਐਟ ਨਾਲ ਕੋਵਿਡ ਦੀ ਤੀਬਰਤਾ ਵਿਚ ਵਾਧਾ ਹੋਇਆ ਨਹੀਂ ਜਾਪਦਾ ਅਤੇ ਸੰਕ੍ਰਮਿਤ ਵਿਅਕਤੀ ਹਸਪਤਾਲ ਵਿਚ ਦਾਖ਼ਲ ਨਹੀਂ ਹੈ।
ਬੌਨੀ ਨੇ ਕਿਹਾ ਕਿ ਹਾਲਾਂਕਿ ਇਹ ਵੇਰੀਐਂਟ ਤੇਜ਼ੀ ਨਾਲ ਨਹੀਂ ਫ਼ੈਲ ਰਿਹਾ ਪਰ ਇਸ ਬਾਰੇ ਸੁਚੇਤ ਰਿਹਾ ਜਾਵੇਗਾ।
