17.41C Vancouver 17.41C VancouverDec 29, 2022 1:48 AM - The Canadian Press
ਔਂਟੈਰੀਓ 'ਚ ਵਾਪਰੀ ਇੱਕ ਭਿਆਨਕ ਘਟਨਾ 'ਚ ਇੱਕ ਪੁਲਿਸ ਅਫ਼ਸਰ ਦੀ ਜਾਨ ਚਲੀ ਗਈ।
ਪੁਲਿਸ ਅਫ਼ਸਰ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ।
ਪੀੜਤ ਅਫ਼ਸਰ ਦੀ ਪਛਾਣ 28 ਸਾਲਾ ਗਰੈਗ ਪਰੇਸ਼ਾਲਾ ਵਜੋਂ ਹੋਈ ਹੈ।
ਮਾਮਲੇ 'ਚ ਸ਼ਾਮਿਲ 2 ਸ਼ੱਕੀਆਂ ਖਿਲਾਫ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਤੈਅ ਕੀਤੇ ਗਏ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਪਛਾਣ 25 ਸਾਲਾ ਆਦਮੀ ਰੈਂਡਲ ਮੈਕੈਂਜੀ ਅਤੇ 30 ਸਾਲਾ ਔਰਤ ਬਰੈਂਡੀ ਕ੍ਰਿਸਟਲ ਲਿੰਨ ਸਟੀਵਰਟ ਸਪੈਰੀ ਵਜੋਂ ਹੋਈ ਹੈ।
ਹੈਮਿਲਟਨ ਦੇ ਕੋਲ ਸਥਿਤ ਹੈਗਰਸਵਿਲ ਦੇ ਇਲਾਕੇ 'ਚ ਅਫ਼ਸਰ ਨੂੰ ਇੱਕ ਗੱਡੀ ਦੇ ਖੱਡ 'ਚ ਡਿੱਗਣ ਦੀ ਜਾਣਕਾਰੀ ਮਿਲੀ ਸੀ ਜਿਸ ਦੀ ਜਾਂਚ ਅਤੇ ਮਦਦ ਲਈ ਅਫ਼ਸਰ ਮੌਕੇ 'ਤੇ ਪਹੁੰਚਿਆ ਸੀ।
ਜਿਸ ਇਲਾਕੇ 'ਚ ਘਟਨਾ ਵਾਪਰੀ, ਉਸ ਜਗ੍ਹਾ ਸੜਕ 'ਤੇ ਆਵਾਜਾਈ ਅੱਜ ਵੀ ਬੰਦ ਰੱਖੀ ਗਈ ਹੈ।
ਹਾਲਡੀਮੈਂਡ ਕਾਉਂਟੀ ਮੇਅਰ ਸ਼ੈਲੀ ਐਨ ਬੈਂਟਲੇ ਨੇ ਕਿਹਾ ਕਿ ਦੱਖਣੀ ਔਂਟੈਰੀਓ ਦੀ ਕਮਿਊਨਿਟੀ ਸ਼ਾਂਤੀ ਨਾਲ ਰਹਿਣਾ ਪਸੰਦ ਕਰਦੀ ਹੈ ਅਤੇ ਇਸ ਪ੍ਰਕਾਰ ਦੀ ਭਿਆਨਕ ਵਾਰਦਾਤ 'ਚ ਅਫ਼ਸਰ ਦਾ ਜਾਨ ਗਵਾਉਣਾ ਬੇਹੱਦ ਮੰਦਭਾਗਾ ਹੈ।
ਇਲਾਕੇ ਦੇ ਲੋਕ ਵੀ ਘਟਨਾ 'ਤੇ ਦੁੱਖ ਦਾ ਪ੍ਰਗਟਾਵਾ ਕਰ ਰਹੇ ਹਨ।
ਯਾਦ ਰਹੇ ਮੰਗਲਵਾਰ ਨੂੰ ਘਟਨਾ ਦੀ ਜਾਣਕਾਰੀ ਉਜਾਗਰ ਹੋਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਟਵੀਟ ਕਰ ਦੁੱਖ ਦਾ ਪ੍ਰਗਟਾਵਾ ਕੀਤਾ ਸੀ ਅਤੇ ਕਿਹਾ ਸੀ ਕਿ ਦੁੱਖ ਦੀ ਘੜੀ 'ਚ ਸਾਰੇ ਕੈਨੇਡਾ ਦੇ ਲੋਕ ਪੀੜਤ ਅਫ਼ਸਰ ਦੇ ਪਰਿਵਾਰ ਅਤੇ ਦੋਸਤਾਂ ਦਾ ਧਿਆਨ ਕਰ ਰਹੇ ਹਨ।
