22.11C Vancouver 22.11C VancouverJul 15, 2021 7:37 PM -
ਬੀ.ਸੀ. 'ਚ ਟੈਕਮਲੂਪਸ ਸੂਵੈਟਮੱਕ ਫਰਸਟ ਨੇਸ਼ਨ ਨੇ ਇਲਾਕੇ 'ਚ 215 ਬੱਚਿਆਂ ਦੇ ਅਨਮਾਰਕਡ ਗ੍ਰੇਵਸ ਮਿਲਣ ਸੰਬੰਧੀ ਰਿਪੋਰਟ ਜਾਰੀ ਕੀਤੀ ਹੈ।
ਗਰਾਊਂਡ ਪੈਨੀਟਰੇਟਿੰਗ ਰਡਾਰ ਦੀ ਵਰਤੋਂ ਕਰਦੇ ਹੋਏ ਇਹ ਖੋਜ ਕੀਤੀ ਗਈ ਸੀ।
ਇਸ ਰਿਪੋਰਟ ਨੂੰ ਜਾਰੀ ਕਰਨ ਮੌਕੇ ਕਈ ਰੈਜ਼ੀਡੈਂਸ਼ੀਅਲ ਸਕੂਲ ਸਰਵਾਈਵਰਸ ਨੇ ਆਪਣੀ ਆਪਬੀਤੀ ਵੀ ਬਿਆਨ ਕੀਤੀ।
ਇਸ ਮੌਕੇ ਭਾਵੁਕ ਹੋਏ ਸਰਵਾਈਵਰਸ ਦੇ ਹੰਝੂ ਰੋਕਿਆਂ ਨਹੀਂ ਰੁਕ ਰਹੇ ਸਨ।
ਇਹ ਖੋਜ ਸਾਬਕਾ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ ਦੇ ਮੈਦਾਨ 'ਚ ਹੋਈ ਸੀ।
ਲੀਡਰਾਂ ਨੇ ਇਸ ਮੌਕੇ ਖੋਜ ਸੰਬੰਧੀ ਕੁਝ ਵੇਰਵੇ ਵੀ ਸਾਂਝੇ ਕੀਤੇ।
ਇਸ ਸਕੂਲ 'ਚ 1890 'ਚ ਆਪ੍ਰੇਸ਼ਨ ਸ਼ੁਰੂ ਹੋਏ ਦੱਸੇ ਜਾਂਦੇ ਹਨ ਅਤੇ ਇਸ ਨੂੰ ਕੈਨੇਡਾ ਦੇ ਸਭ ਤੋਂ ਵੱਡੇ ਰੈਜ਼ੀਡੈਂਸ਼ੀਅਲ ਸਕੂਲਾਂ 'ਚ ਗਿਣਿਆ ਜਾਂਦਾ ਸੀ।
ਅੱਜ ਦੀ ਗੱਲਬਾਤ ਮੌਕੇ ਨਵੀਂ ਚੁਣੀ ਗਈ ਏ.ਐਫ.ਐਨ. ਚੀਫ਼ ਰੋਜ਼ੈਨ ਆਰਚੀਬਾਲਡ ਵੀ ਮੌਜੂਦ ਸਨ।
ਉਨ੍ਹਾਂ ਇਸ ਪੂਰੀ ਘਟਨਾ ਨੂੰ ਜੈਨੋਸਾਈਡ ਦੱਸਿਆ।
ਇਹ ਖੋਜ ਕਰਨ ਵਾਲੀ ਸਾਰਾਹ ਬੁਲੇਆ ਦਾ ਕਹਿਣਾ ਸੀ ਕਿ ਹਾਲ ਦੀ ਘੜੀ ਕਰੀਬ ਇੱਕ ਹੈਕਟੇਅਰ ਇਲਾਕੇ 'ਚ ਖੋਜ ਕੀਤੀ ਗਈ ਹੈ ਜਦਕਿ ਸਕੂਲ ਨਾਲ ਸੰਬੰਧਤ ਕਰੀਬ 65 ਹੈਕਟੇਅਰ ਇਲਾਕੇ 'ਚ ਖੋਜ ਕੀਤੀ ਜਾਣੀ ਬਾਕੀ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਖੋਜ ਬਾਰੇ ਵਿਚਾਰ ਉਸ ਵੇਲੇ ਕੀਤਾ ਗਿਆ ਸੀ ਜਦ ਇੱਕ ਬੱਚੇ ਦੀ ਹੱਡੀ ਅਤੇ ਉਸ ਦਾ ਦੰਦ ਮਿਲਿਆ ਸੀ।
