9.83C Vancouver 9.83C VancouverMar 30, 2022 12:32 AM - The Canadian Press
ਕੈਨੇਡਾ 'ਚ ਭੁਚਾਲ ਸੰਬੰਧਤ ਵਾਰਨਿੰਗ ਸਿਸਟਮ ਲਈ ਪਹਿਲਾ ਸੈਨਸਰ ਇੰਸਟਾਲ ਕਰ ਦਿੱਤਾ ਗਿਆ ਹੈ।
ਇਸ ਦੇ ਆਸਰੇ ਦੇਸ਼ਵਾਸੀਆਂ ਨੂੰ ਇੱਕ ਨੋਟਿਸ ਜਾਰੀ ਕੀਤਾ ਜਾਵੇਗਾ।
ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਵੈਨਕੂਵਰ ਦੇ ਹੌਰਸਸ਼ੂ ਬੇਅ 'ਤੇ ਬੀ.ਸੀ. ਫੈਰੀਸ ਨਾਲ ਪਾਰਟਨਰਸ਼ਿਪ ਤਹਿਤ ਸੈਨਸਰ ਇੰਸਟਾਲ ਕੀਤਾ ਗਿਆ ਹੈ।
ਇਸ ਪ੍ਰਕਾਰ ਦੇ ਕਰੀਬ 400 ਸੈਨਸਰ ਇੰਸਟਾਲ ਕੀਤੇ ਜਾਣਗੇ, ਜਿਸ ਤਹਿਤ ਕਿਸੇ ਭੁਚਾਲ ਸੰਬੰਧੀ ਵੇਵਸ ਦਾ ਸਮਾਂ ਰਹਿੰਦਿਆਂ ਪਤਾ ਲੱਗ ਸਕੇਗਾ।
ਇਹ ਸੈਨਸਰ ਮੁੱਖ ਤੌਰ 'ਤੇ ਬੀ.ਸੀ. ਦੀ ਕੋਸਟ ਲਾਈਨ ਦੇ ਨਾਲ ਸਥਾਪਿਤ ਕੀਤੇ ਜਾਣਗੇ।
ਇਨ੍ਹਾਂ ਦੇ ਸਾਲ 2024 ਤੱਕ ਆਪ੍ਰੇਸ਼ਨਲ ਹੋ ਜਾਣ ਦੀ ਉਮੀਦ ਹੈ। ਨੈਚੁਰਲ ਰਿਸੋਰਸਿਸ ਕੈਨੇਡਾ ਦਾ ਕਹਿਣਾ ਹੈ ਕਿ ਇਹ ਸੈਨਸਰ ਕਿਸੇ ਵੀ ਭੂਚਾਲ ਦੇ ਪਹਿਲੇ ਝਟਕੇ ਨੂੰ ਮਹਿਸੂਸ ਕਰ ਸਕਣਗੇ ਅਤੇ ਲੋਕਾਂ ਨੂੰ ਤੁਰੰਤ ਐਲਰਟ ਕਰ ਦਿੱਤਾ ਜਾਵੇਗਾ।
ਆਮ ਤੌਰ 'ਤੇ ਕਿਸੇ ਭੁਚਾਲ ਦੇ ਪਹਿਲੇ ਝਟਕੇ ਤੋਂ ਬਾਅਦ ਬਹੁਤੇ ਜੋਰਦਾਰ ਝਟਕੇ ਦਸਤਕ ਦਿੰਦੇ ਹਨ।
ਪ੍ਰੋਗਰਾਮ ਨਾਲ ਸੰਬੰਧਤ ਇੱਕ ਆਊਟਰੀਚ ਅਫ਼ਸਰ ਦਾ ਕਹਿਣਾ ਸੀ ਕਿ ਕੁਝ ਹੀ ਸੈਕਿੰਡ ਦਾ ਸਮਾਂ ਕਿਸੇ ਵਿਅਕਤੀ ਲਈ ਜਾਨ ਬਚਾਉਣ 'ਚ ਅਹਿਮ ਸਾਬਿਤ ਹੋ ਸਕਦਾ ਹੈ।
