10.86C Vancouver 10.86C VancouverJan 18, 2022 10:55 PM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਸੂਬੇ 'ਚ ਜਾਰੀ ਕੋਵਿਡ-19 ਸੰਬੰਧੀ ਪਬੰਦੀਆਂ 'ਚ ਕੁਝ ਢਿੱਲ ਦੇਣ ਦੀ ਜਾਣਕਾਰੀ ਦਿੱਤੀ ਹੈ।
ਡਾ. ਬੌਨੀ ਹੈਨਰੀ ਨੇ ਐਲਾਨ ਕੀਤਾ ਹੈ ਕਿ ਸੂਬੇ 'ਚ ਜਿੰਮ ਇੱਕ ਵਾਰ ਫਿਰ ਤੋਂ ਖੁੱਲ੍ਹਣ ਜਾ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ 20 ਜਨਵਰੀ ਤੋਂ ਸੂਬੇ 'ਚ ਜਿੰਮ ਅਤੇ ਫਿਟਨੈਸ ਸੈਂਟਰਾਂ ਨੂੰ ਇੱਕ ਵੀਰ ਫਿਰ ਤੋਂ ਖੋਲ੍ਹਿਆ ਜਾਵੇਗਾ।
ਹਾਲਾਂਕਿ ਡਾ. ਹੈਨਰੀ ਨੇ ਕਿਹਾ ਕਿ ਜਿੰਮਸ ਨੂੰ ਬੰਦ ਕਰਨਾ ਮੁਸ਼ਕਿਲ ਫੈਸਲਾ ਸੀ ਪਰ ਵਾਇਰਸ ਦੇ ਫੈਲਾਅ ਵਿਚਾਲੇ ਜਿੰਮ ਬੰਦ ਕਰਨੇ ਜਰੂਰੀ ਸਨ।
ਉਨ੍ਹਾਂ ਕਿਹਾ ਕਿ ਜਿੰਮ ਖੋਲ੍ਹਣ ਦੇ ਬਾਵਜੂਦ ਕੁਝ ਸੁਰੱਖਿਆ ਕਦਮਾਂ ਦਾ ਧਿਆਨ ਰੱਖਣਾ ਜਰੂਰੀ ਹੋਵੇਗਾ।
ਜਿੰਮ 'ਚ ਦਾਖਿਲੇ ਲਈ ਵੀ ਵੈਕਸੀਨ ਕਾਰਡ ਜਰੂਰੀ ਰਹਿਣਗੇ।
ਉਨ੍ਹਾਂ ਕਿਹਾ ਕਿ ਫਿਟਨੈਸ ਇੰਡਸਟਰੀ ਕਾਉਂਸਿਲ ਆਫ ਕੈਨੇਡਾ ਨਾਲ ਵੀ ਉਨ੍ਹਾਂ ਦੀ ਗੱਲਬਾਤ ਹੋਈ ਹੈ ਅਤੇ ਸਾਰੇ ਸੁਰੱਖਿਆ ਕਦਮਾਂ ਦੀ ਪਾਲਣਾ ਦਾ ਭਰੋਸਾ ਦਵਾਇਆ ਗਿਆ ਹੈ।
ਜਿੰਮ 'ਚ ਜਾਰੀ ਪਬੰਦੀ 'ਚ ਪ੍ਰਤੀ ਵਿਅਕਤੀ ਲਈ 7 ਮੀਟਰ ਸਕਵੇਅਰ ਯਾਨੀ ਕਿ 2.5 ਮੀਟਰ ਬਾਈ 2.5 ਮੀਟਰ ਵਰਗ ਦਾ ਏਰੀਆ ਰੱਖਣਾ ਜਰੂਰੀ ਕੀਤਾ ਗਿਆ ਹੈ।
ਜਿੰਮ 'ਚ ਵਿੱਚ ਐਨਹੈਂਸਡ ਵੈਂਟੀਲੇਸ਼ਨ ਜਰੂਰੀ ਹੋਵੇਗੀ।
ਸਾਫ ਸਫਾਈ ਨੂੰ ਪੁਖਤਾ ਬਣਾਉਣ ਤੋਂ ਇਲਾਵਾ ਮਾਸਕ ਪਹਿਨਣ ਨੂੰ ਵੀ ਲਾਜਮੀ ਕੀਤਾ ਗਿਆ ਹੈ।
ਹਾਲਾਂਕਿ ਡਾ. ਹੈਨਰੀ ਨੇ ਕਿਹਾ ਕਿ ਕਸਰਤ ਕਰਦੇ ਕਿਸੇ ਵਿਅਕਤੀ ਲਈ ਮਾਸਕ ਪਹਿਨਣਾ ਮੁਸ਼ਕਿਲ ਹੋ ਸਕਦਾ ਹੈ ਅਤੇ ਅਜਿਹੇ ਸਮੇਂ ਇਸ ਦੀ ਵਰਤੋਂ 'ਚ ਢਿੱਲ ਵਰਤੀ ਜਾ ਸਕਦੀ ਹੈ ਪਰ ਬਾਕੀ ਮੌਕਿਆਂ 'ਤੇ ਮਾਸਕ ਪਹਿਨਣਾ ਜਰੂਰੀ ਬਣਾਇਆ ਗਿਆ ਹੈ।
ਸੂਬੇ 'ਚ ਹੋਰ ਪਬੰਦੀਆਂ 16 ਫਰਵਰੀ ਤਕ ਰਹਿਣਗੀਆਂ ਜਾਰੀ
ਡਾ. ਬੌਨੀ ਹੈਨਰੀ ਨੇ ਇੱਕ ਪਾਸੇ ਜਿੰਮ ਖੁੱਲ੍ਹਣ ਦੀ ਜਾਣਕਾਰੀ ਦਿੱਤੀ ਹੈ ਪਰ ਦੂਜੇ ਪਾਸੇ ਸੂਬੇ 'ਚ ਜਾਰੀ ਕਪੈਸਟੀ ਲਿਮਿਟਸ ਅਤੇ ਇਕੱਠਾਂ ਸੰਬੰਧੀ ਪਬੰਦੀ ਨੂੰ ਅੱਗੇ ਜਾਰੀ ਰੱਖਣ ਦੀ ਜਾਣਕਾਰੀ ਵੀ ਦਿੱਤੀ ਗਈ ਹੈ।
ਰੈਸਟੂਰੈਂਟਾਂ, ਬਾਰਸ ਅਤੇ ਹੋਰ ਈਵੈਂਟਸ 'ਤੇ ਇਕੱਠਾਂ ਸੰਬੰਧੀ ਪਬੰਦੀ ਨੂੰ 16 ਫਰਵਰੀ ਤਕ ਜਾਰੀ ਰੱਖਿਆ ਜਾਵੇਗਾ।
ਇਸ ਦਾ ਅਰਥ ਹੈ ਕਿ ਸੂਬੇ 'ਚ ਰੈਸਟੂਰੈਂਟਾਂ 'ਚ ਜਾਰੀ ਪਬੰਦੀਆਂ ਜਾਰੀ ਰਹਿਣਗੀਆਂ। ਸਿਨੇਮਾ ਘਰਾਂ ਅਤੇ ਸਟੇਡੀਅਮਸ ਵਿੱਚ ਜਾਰੀ 50% ਦੀ ਕਪੈਸਟੀ ਲਿਮਿਟ ਨੂੰ ਵੀ ਜਾਰੀ ਰੱਖਿਆ ਜਾਵੇਗਾ।
ਇਸ ਦੇ ਨਾਲ ਹੀ ਨਾਈਟ ਕਲੱਬਸ ਨੂੰ ਬੰਦ ਰੱਖਿਆ ਜਾਵੇਗਾ।
16 ਫਰਵੀ ਨੂੰ ਇਨ੍ਹਾਂ ਨਿਯਮਾਂ 'ਤੇ ਫਿਰ ਤੋਂ ਵਿਚਾਰ ਕਰਨ ਤੋਂ ਬਾਅਦ ਅੱਗੇ ਦੇ ਕੋਈ ਫੈਸਲੇ ਲਏ ਜਾਣਗੇ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਵੈਕਸੀਨ ਕਾਰਡਸ ਸੰਬੰਧੀ ਨਿਯਮਾਂ 'ਚ ਕੋਈ ਤਬਦੀਲੀ ਨਹੀਂ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਜ਼ੋਰ ਦਿੱਤਾ ਕਿ ਰੈਸਟੂਰੈਂਟਾਂ ਜਿਹੀਆਂ ਸੈਟਿੰਗਸ 'ਚ ਵੈਕਸੀਨ ਕਾਰਡ ਦੀ ਜਾਂਚ ਨੂੰ ਪੁਖਤਾ ਬਣਾਇਆ ਜਾਵੇ।
