16.92C Vancouver 16.92C VancouverOct 24, 2023 6:03 PM - The Canadian Press
ਓਨਟੇਰਿਓ ਦੇ ਸ਼ਹਿਰ ਸੂ ਸੇਂਟ ਮੈਰੀ ਦੇ ਦੋ ਘਰਾਂ ਵਿੱਚ ਤਿੰਨ ਬੱਚਿਆਂ ਸਣੇ ਹੋਈਆਂ 5 ਮੌਤਾਂ ਦੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਦੇ ਅਨੁਸਾਰ 911 'ਤੇ ਕਾਲ ਆਉਣ ਤੋਂ ਬਾਅਦ ਸੋਮਵਾਰ ਰਾਤ ਨੂੰ 10:20 ਵਜੇ ਪੁਲਿਸ ਟੈਨਕਰੈਡ ਸਟ੍ਰੀਟ ‘ਤੇ ਸਥਿਤ 200 ਬਲਾਕ ਵਿੱਚ ਪਹੁੰਚੀ ਜਿੱਥੇ ਇੱਕ ਵਿਅਕਤੀ ਦੀ ਲਾਸ਼ ਬਰਾਮਦ ਹੋਈ ਜਿਸਨੂੰ ਗੋਲੀ ਮਾਰੀ ਗਈ ਸੀ।
10 ਮਿੰਟ ਬਾਅਦ ਪੁਲਿਸ ਨੇ ਸੈਕੰਡ ਲਾਈਨ ਈਸਟ ‘ਤੇ ਸਥਿਤ ਇੱਕ ਹੋਰ ਘਰ ਵਿੱਚ ਐਮਰਜੈਂਸੀ ਕਾਲ ਨੂੰ ਰਿਸਪਾਂਡ ਕੀਤਾ ਜਿੱਥੋਂ ਉਨ੍ਹਾਂ ਨੂੰ 45 ਸਾਲ ਦਾ ਇੱਕ ਵਿਅਕਤੀ ਮਿਲਿਆ ਜੋ ਗੋਲੀ ਲੱਗਣ ਨਾਲ ਜ਼ਖ਼ਮੀ ਹੋਇਆ ਸੀ।
ਜਦੋਂ ਪੁਲਿਸ ਅਧਿਕਾਰੀ ਘਰ ਦੇ ਅੰਦਰ ਦਾਖਿਲ ਹੋਏ ਤਾਂ 3 ਬੱਚੇ ਮ੍ਰਿਤਕ ਮਿਲੇ।
ਇਨ੍ਹਾਂ ਬੱਚਿਆਂ ਦੀ ਉਮਰ ਛੇ ਸਾਲ, ਸੱਤ ਸਾਲ ਅਤੇ 12 ਸਾਲ ਦੀ ਦੱਸੀ ਜਾ ਰਹੀ ਹੈ ,ਜਿਨ੍ਹਾਂ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ ਗਿਆ ਸੀ।
ਇਸਦੇ ਨਾਲ ਹੀ ਇੱਕ 44 ਸਾਲਾ ਵਿਅਕਤੀ ਦੀ ਲਾਸ਼ ਪਈ ਹੋਈ ਸੀ। ਜਿਸ ਨੇ ਆਪਣੇ ਆਪ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ ਸੀ।
ਪੁਲਿਸ ਨੇ ਕਿਹਾ ਕਿ ਦੋਵੇਂ ਸਥਾਨਾਂ 'ਤੇ ਹੋਈਆਂ ਮੌਤਾਂ ਆਪਸ ਵਿੱਚ ਜੁੜੀਆਂ ਹੋਈਆਂ ਹਨ ਅਤੇ ਇਹ ਨਜ਼ਦੀਕੀ ਸਾਥੀ ਵੱਲੋਂ ਕੀਤੀ ਹਿੰਸਾ ਦਾ ਨਤੀਜਾ ਹਨ।
ਸੂ ਸੇਂਟ ਮੈਰੀ ਦੇ ਪੁਲਿਸ ਚੀਫ਼ ਹਿਊ ਸਟੀਵਨਸਨ ਨੇ ਕਿਹਾ ਕਿ ਇਹ ਬਹੁਤ ਦਿਲ ਤੋੜ੍ਹ ਦੇਣ ਵਾਲੀ ਘਟਨਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੇ ਹਾਂ।
