Jul 23, 2021 10:18 PM -

ਸਰੀ 'ਚ ਵਾਪਰੀ ਇੱਕ ਕਤਲ ਦੀ ਵਾਰਦਾਤ 'ਚ ਜਾਂਚ ਅਧਿਕਾਰੀਆਂ ਨੂੰ ਆਸ ਹੈ ਕਿ ਕੋਈ ਗਵਾਹ ਜਾਣਕਾਰੀ ਦੇ ਕੇ ਮਾਮਲੇ ਨੂੰ ਸੁਲਝਾਉਣ 'ਚ ਮਦਦ ਕਰੇਗਾ।
ਇਹ ਵਾਰਦਾਤ 5 ਸਾਲ ਪਹਿਲਾਂ 23 ਜੁਲਾਈ 2016 ਨੂੰ ਵਾਪਰੀ ਸੀ।
28 ਸਾਲਾ ਜਤਿੰਦਰ ਸੰਧੂ ਜਿਸ ਨੂੰ ਕਿ ਮਾਈਕਲ ਦੇ ਨਾਮ ਤੋਂ ਵੀ ਜਾਣਿਆ ਜਾਂਦਾ ਸੀ ਉਸ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ।
ਯੁਵਕ ਤੋਂ ਇਲਾਵਾ ਇੱਕ ਹੋਰ ਵਿਅਕਤੀ 'ਤੇ ਵੀ ਗੋਲੀ ਚੱਲੀ ਸੀ ਜਿਸ ਦੀ ਜਾਨ ਬਚ ਗਈ ਸੀ।
ਇਸ ਘਟਨਾ ਨੂੰ 90ਏ ਐਵੀਨਿਊ ਅਤੇ 142ਏ ਸਟ੍ਰੀਟ ਕੋਲ ਅੰਜਾਮ ਦਿੱਤਾ ਗਿਆ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਯੁਵਕ ਦਾ ਕੋਈ ਅਪਰਾਧਿਕ ਰਿਕਾਰਡ ਨਹੀਂ ਸੀ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਸ਼ਾਇਦ ਉਹ ਮਿਥੇ ਗਏ ਟਾਰਗੈਟ ਨਾ ਰਹੇ ਹੋਣ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
For more read:
https://bc-cb.rcmp-grc.gc.ca/ViewPage.action?siteNodeId=2146&languageId=1&contentId=70475




